بىرلىك ءجىبى ۇزىلمەيدى
جۇما, 27 قاڭتار 2012 7:09
قازاقستان رەسپۋبليكاسىنىڭ باس پروكۋرورىنىڭ جاڭاوزەن وقيعاسىنا قاتىستى تەلارنالار ارقىلى جاساعان ءمالىمدەمەسىنىڭ ماڭىزى زور. بۇل ءجونىندە تاراتىپ كوپ اڭگىمە ايتۋعا بولادى. سونىڭ ەڭ باستىسى – ەلىمىزدىڭ ىنتىماعى مەن بىرلىگىنە قانداي دا ءبىر سىزات تۇسىرۋگە جول بەرىلمەيتىندىگى, جاراستى ءومىرىمىزدىڭ اسىل قۇندىلىقتارى كوزدىڭ قاراشىعىنداي ساقتالاتىندىعى دەر ەدىم.
جۇما, 27 قاڭتار 2012 7:09
قازاقستان رەسپۋبليكاسىنىڭ باس پروكۋرورىنىڭ جاڭاوزەن وقيعاسىنا قاتىستى تەلارنالار ارقىلى جاساعان ءمالىمدەمەسىنىڭ ماڭىزى زور. بۇل ءجونىندە تاراتىپ كوپ اڭگىمە ايتۋعا بولادى. سونىڭ ەڭ باستىسى – ەلىمىزدىڭ ىنتىماعى مەن بىرلىگىنە قانداي دا ءبىر سىزات تۇسىرۋگە جول بەرىلمەيتىندىگى, جاراستى ءومىرىمىزدىڭ اسىل قۇندىلىقتارى كوزدىڭ قاراشىعىنداي ساقتالاتىندىعى دەر ەدىم.
جاڭاوزەن وقيعاسى ءتارتىپسىزدىگىنىڭ سەبەپتەرى جەكەلەگەن ادامداردىڭ تويىمسىزدىعى مەن اشكوزدىگىنىڭ سالدارى ەكەندىگى اشىپ كورسەتىلدى. جۇمىس بەرۋشىلەردىڭ قىرسىزدىعىنان, جانى اشىماستىعىنان تۋىنداعان قاتىگەزدىك مەملەكەتتىك ءمۇددەمىزگە قاستاندىق ەكەندىگى ءمالىم. جەتىستىكتەرىمىزدىڭ جەمىسىن جالپاق ەلدەن جىرىمداۋ, يگىلىك قورىمىزعا ارسىزدىقپەن قول سالۋ زاڭدارىمىزدا دا, ادامدىق پايىمدا دا كەشىرىلمەس كۇنا سانالادى.
ەلباسى نۇرسۇلتان نازارباەۆ جاڭاوزەن وقيعاسىنا تەرەڭ دە قاتاڭ زەرتتەۋ مەن تەرگەۋ امالدارىن جۇرگىزۋدى تالاپ ەتۋى, ءىستىڭ ءمان-جايىن حالىققا اشىق ءارى بۇكپەسىز جەتكىزۋدى مىندەتتەۋى, ونى ءسات سايىن قاداعالاپ وتىرۋى مەملەكەتتىك ۇستىندارىمىزدىڭ بەرىكتىگىن دالەلدەيدى. بۇل پرەزيدەنتىمىزدىڭ ەلدى ۇيىستىرۋداعى وراسان زور قىزمەتىن ايشىقتاپ, قوعام مۇشەلەرىنىڭ كونستيتۋتسيالىق قۇقىقتارىنا كەپىلدىك بەرەتىن سەنىمدى تۇلعا ەكەندىگىن كورسەتەدى. سوندىقتان دا قولعا الىنعان شارالار جاڭاوزەن توڭىرەگىندە شەكتەلىپ قالمايدى, ونىڭ ساباقتارى بارشامىزدى ويعا قالدىرىپ, تولعاندىراتىنى انىق.
ارامىزدا تىرشىلىگىمىزدىڭ شىرقىن بۇزۋ نيەتىندەگىلەر, ارانداتۋعا باس-كوزسىز ەرەتىندەر بارلىعى جانعا باتادى. ايتكەنمەن, ەلىمىزدىڭ ورتاق نيەت, دوستىق پەن ىنتىماق شۋاعىمەن شيراتىلا شىڭدالعان بىرلىك ءجىبى ەشقاشان ۇزىلمەيدى. وعان ءبىزدىڭ زاڭدارىمىز, جاسامپاز حالقىمىز جول بەرمەيدى.
بەرىك بەركىمباەۆ, اقمولا وبلىستىق سوت اكتىلەرىن ورىنداۋ دەپارتامەنتىنىڭ باستىعى.
اقمولا وبلىسى.
