وتكەن اپتادا 31 ناۋرىز كۇنى سەلەتى سۋ قويماسىنداعى سۋدىڭ كوبەيۋى جانە سۋ وتكىزۋ قۇبىرلارىنىڭ السىزدىگىنەن شولاقسور اۋىلىنا كىرەبەرىس جولدى سۋ باسىپ قالعان-دى.
قازىر ماماندار سىلەتى سۋ قويماسىنان شولاقسور اۋىلىنا دەيىنگى سۋدىڭ قوزعالۋ بارىسىن كۇندەلىكتى باقىلاۋدا.
اۋداندا «كوكتەم-2019» رەسپۋبليكالىق كوماندالىق-شتابتىق وقۋ-جاتتىعۋلارى وتكىزىلىپ, بارلىق تەحنيكالاردىڭ دايىندىعى تەكسەرىلىپتى.
سىلەتى وزەنىنىڭ سۋ دەڭگەيىنە تۇراقتى تۇردە مونيتورينگ جۇرگىزىلەدى.
سونىمەن بىرگە, تاسقىن سۋ دەڭگەيىنىڭ كوتەرىلۋىنە بايلانىستى جاعدايدى مونيتورينگىلەۋ جانە توتەنشە جاعدايلارعا جەدەلدىك ءۇشىن 32 قىزمەتكەر, 9 بىرلىك تەحنيكا, 3 ءجۇزۋ قايىعى بار دايىندالدى.
كۇنى-ءتۇنى كەزەكشىلىك ۇيىمداستىرىلدى. جول توسەمدەرىن شايىپ كەتۋدەن قورعاۋ بويىنشا 1000 قاپ قۇم قاپتالدى.
دەپارتامەنت باستىعىنىڭ ورىنباسارى س. اسايىنوۆتىڭ باسشىلىعىمەن شولاقسور اۋىلىندا كوماندالىق-شتاب جىلجىمالى كولىك ورنالاسىپ, جۇمىس جاساۋدا.
قازىر وزەن اعىنىن, سۋ دەڭگەيىن باقىلايتىن كەزەكشىلىك بەكەتتەرى جاعدايدى نازاردا ۇستاۋدا.
جالپى بيىل وڭىردە سۋ باسۋ قاۋپى بار 32 اۋىل باقىلاۋعا الىنعان. بۇل 1 مىڭ 33 جەكە ۇيدە تۇراتىن 3 مىڭ 729 ادامنىڭ ءومىرى باستى نازاردا. ماماندار سۋ تاسقىنى كەزىندە تۇرعىندارعا ساقتىق شارالارىن ساقتاۋدى ەسكەرتۋدە.
