ءداستۇرلى پىكىر-سايىس ءتۋرنيرى امەريكا پارلامەنتتى فورماتىندا جىل سايىن جالعاسىپ كەلەدى. بيىلعى تۋرنيرگە ەلىمىزدىڭ بارلىق وڭىرلەرىنەن 20 توپ قاتىستى. ءار توپتا 50 قاتىسۋشىدان بولدى. ءسوز سايىسىندا جالپى, ورىس ليگاسىندا 6 توپ, قازاق ليگاسىندا 14 توپ ويىن كورسەتتى. تورەشىلەر قۇرامى ۋنيۆەرسيتەتتىڭ پىكىر سايىس كلۋبىنىڭ تاراپىنان قۇرالدى.
سايىس سوڭىندا ۇزدىكتەر انىقتالدى. قازاق ليگاسىندا جۇلدەلى ءبىرىنشى ورىندى شىمكەنت قالاسىنىڭ قۇراماسى السا, ورىس ليگاسىندا اقمولالىق جاستار جۇيرىك اتاندى. ەكىنشى ورىندار قوس ليگادا دا-الماتى قالاسىنىڭ قۇرامالارىنىڭ ەنشىسىنە تيسە, ءۇشىنشى ورىندا ەكى ليگادا دا جامبىل وبلىسىنىڭ قاتىسۋشىلارى يە بولدى.
- ءتۋرنيردىڭ باستى ماقساتى – ەلىمىزدەگى شەشەندىك ونەر سالاسىنداعى جاس قوعامدىق ساياساتكەرلەردى, پىكىرتالاس جۇرگىزە الاتىن وزىندىك كوزقاراسى قالىپتاسقان, ءوز توبىنىڭ قىزىعۋشىلىعىن ساۋاتتى ارگۋمەنتتەرمەن قورعاي الاتىن جاستاردى ىزدەستىرۋ جانە ولاردى قولداۋ. قازاقستانداعى پىكىر-سايىس قوزعالىسى بەلسەندىلەرىنە ىقپالداسۋ, جاستار بويىندا توزىمدىلىك پەن ازاماتتىق كوز قاراستاردى قالىپتاستىرۋ. «Nur Otan» پارتياسىنىڭ اۋىسپالى كۋبوگىنە ارنالعان پىكىر-سايىس تۋرنيرىنە وڭىرلىك ىرىكتەۋ ءتۋرنيرىنىڭ جەڭىمپازدارى قاتىستى, - دەيدى وبلىستىق «جاس وتان» جاستار قاناتىنىڭ توراعاسى ەركەبۇلان اقبولاتوۆ.
