كەن ورنى ءورت قۇشاعىنا ەنگەننەن بەرى «كااقق روش» جشس-ءى «اقبەرەن» ماڭعىستاۋ فيليالىنىڭ 4 جەدەل-الدىن الۋ جۇمىسى جونىندەگى ينجەنەرى جانە 15 قۇتقارۋشىدان قۇرالعان جەدەل توبى كەزەكشىلىك اتقارىپ, جۇمىس ىستەۋدە.
ۇڭعىما ساعاسىنداعى گاز-اۋا ورتاسىنا مەتاندى انىقتاۋعا ارنالعان ولشەۋ تەرىس ناتيجە كورسەتكەن. ءدال قازىر اپاتتى جويۋ جونىندەگى جەدەل شتابتىڭ شەشىمى كۇتىلۋدە. اقبەرەندىكتەر ۇڭعىما ساعاسىندا كەزەكشىلىك تارتىبىمەن بولشەكتەۋ جۇمىستارىن جاساۋدا.
قالامقاس كەن ورنىنا «كااقق روش» جشس-ءى «اقبەرەن» ماڭعىستاۋ فيليالىنىڭ بازاسىنان «كاماز-43118» بازاسىنداعى جىلجىمالى جوندەۋ شەبەرحاناسى, بۇراندا كەسۋگە ارنالعان ستانتسياسى بار گيدراۆليكالىق قۇرىلعى, قولمەن تۇربا كەسكىش, ستانتسياسى بار گيدراۆليكالىق گايكاكەسكىش سىندى بىرقاتار تەحنيكا مەن قۇرال-سايماندار جەتكىزىلدى.
كوميسسيانىڭ شەشىمىمەن, ورتەنگەن ۇڭعىمانى جويۋعا دايىندىق جۇمىستارىن جۇرگىزۋ «اقبەرەن» ماڭعىستاۋ فيليالىنىڭ قۇتقارۋشىلارىنا تاپسىرىلىپ, قازىر بولشەكتەۋ جۇمىستارى قىزۋ جۇرگىزىلۋدە.
ماڭعىستاۋ وبلىسى
