بولاشاق مەدبيكەلەر كومەككە كەلدى

باتىس قازاقستان وبلىستىق دەنساۋلىق ساقتاۋ باسقارماسىنىڭ ماماندارى ورال مەديتسينا كول­لەدجى ستۋدەنتتەرى ءۇشىن ارنايى سە­مينار-كەڭەس وتكىزدى. وندا سالا­مات­تى ءومىر سالتىن ناسيحاتتاۋ, الەۋ­مەتتىك ماڭىزى بار اۋرۋلار­دىڭ الدىن الۋ, تۇرعىندار ارا­سىن­دا پروفيلاكتيكالىق شارالاردى وتكىزۋ تارتىپتەرى تاقىرىپتارىندا لەكتسيالار وقىلدى. باستى ءبىر اتاپ وتەرلىك ماسەلە – اتالعان شارا شەڭبەرىندە بيىل ارناۋلى وقۋ ورنىن اياقتاعالى وتىرعان ستۋ­دەنت­تەر ورال قالاسى ەمحانالارىنا كومەككە شاقىرىلدى. – مۇنىڭ ءوزى ءارى كومەك, ءارى تاجىريبە. وسى ارقىلى سوڭعى كۋرس ستۋدەنتتەرى قالانىڭ مەديتسينالىق مەكەمەلەرىندە قىزمەت جاسايتىن دارىگەرلەرگە قول ۇشتارىن تيگىزە الادى. سونداي-اق بولاشاق مەد­بي­كەلەر تۇرعىندار اراسىندا اناليز تاپسىرۋ, ۇيدەن ەمدەلەتىن ناۋقاس­تار جونىندە اقپارات جيناۋ سەكىلدى دارىگەردىڭ قابىلداۋىنا دەيىنگى شارالاردى جۇرگىزۋگە كومەكتەسەدى. وسى ۋاقىت ارالىعىندا كاسىبي شەبەرلىك كورسەتە بىلگەن بولاشاق مەدبيكەلەر سول ەمدەۋ مەكەمەلە­رىن­دە قىزمەتكە قالدىرىلاتىن بولادى, – دەدى گازەت تىلشىسىنە باتىس قازاقستان وبلىستىق دەنساۋلىق ساقتاۋ باسقارماسىنىڭ باستىعى حاميدوللا يرمەنوۆ. ورال. تەمىر قۇسايىن.