ايماقتار • 31 ناۋرىز، 2019

پاۆلودار وبلىسىندا 691 كوپ بالالى وتباسى تۇرعىن ءۇي كەزەگىندە تۇر

403 رەت كورسەتىلدى

وبلىستىق ءماسليحاتتىڭ كەزەكتى XXIX سەسسياسىندا وڭىردەگى كوپ بالالى جانە از قامتاماسىز ەتىلەگەن وتباسىلاردى قولداۋعا 2 ملرد تەڭگە بولىنەتىنى ايتىلدى.

بۇل قاراجاتتىڭ 1 ملرد تەڭگەسى جەرگىلىكتى بيۋدجەت، قالعان 1،3 ملرد تەڭگەسى رەسپۋبليكالىق بيۋدجەتتەن.

سونىمەن بىرگە، اقسۋ قالاسى استانا كوشەسى 58 تۇرعىن ۇيدەن 102 پاتەردى  جالعا بەرۋدىڭ ناتيجەسىندە 102 وتباسى باسپانالى بولماق.

وبلىستىق ەنەرگەتيكا جانە تۇرعىن ۇي–كوممۋنالدىق شارۋاشىلىعى باسقارماسىنىڭ مالىمەتىنشە، بۇل كۇندەرى  تۇرعىن ءۇي كەزەگىندە تۇرعان 691 كوپبالالى وتباسىلاردىڭ جاعداي تۇراقتى نازاردا.

 جالپى، وڭىردە  4 جانە ودان دا كوپ بالانى تاربيەلەپ وتىرعان 3839 وتباسى بار. ولاردىڭ 300-دەن استامىنا اتاۋلى الەۋمەتتىك كومەك كورسەتىلەدى. 

ال، 1-ءشى ساۋىردەن باستاپ وبلىس بويىنشا كوپ بالالى وتباسىلاردىڭ 3  مىڭنان اسا بالاسى بالالار باقشاسىنا تەگىن قابىلدانادى.

جانە از قامتاماسىز ەتىلگەن وتباسىلاردىڭ 12 مىڭنان اسا وقۋشىسىنىڭ مەكتەپتە تەگىن تاماقتانۋى، جازعى دەمالىسى مەن كيىم-كەشەكپەن قامتىلۋى ماسەلەسى قولعا دە الىنادى.

كۇن تارتىبىندەگى وسى ماسەلەگە وبلىس اكىمدىگى تاراپىنان قالا جانە اۋدان اكىمدەرىنە   قوعامنىڭ كاسىپكەرلىك جانە باسقا دا وكىلدەرىن قاتىستىرۋ جونىندە تاپسىرما بەرىلدى.

 ياعني، تاپسىرما بويىنشا قالا جانە اۋدان اكىمدەرى، بارلىق دەڭگەيدەگى ءماسليحاتتار دەپۋتاتتارى وسى ماسەلەنى بيزنەس وكىلدەرىمەن بىرلەسە شەشۋى ءتيىس.

بۇل كۇندەرى وبلىستىق بيۋدجەتتەن «بىرىڭعاي الەۋمەتتىك قىزمەتتەر پاكەتى جانە از قامتىلعان كوپ بالالى وتباسىلاردى قولداۋدى» جۇزەگە اسىرۋ جۇمىستارى باستالىپ تا كەتتى.

پاۆلودار وبلىسى

سوڭعى جاڭالىقتار

تالانتتى انشىگە تاعزىم

ونەر • بۇگىن، 19:30

ۇقساس جاڭالىقتار