"اسكەري قىزمەت قاشاندا بەلگىلى ءبىر قاۋىپ قاتەرمەن بايلانىستى بولادى. ءبىزدىڭ قارۋلى كۇشتەر قانداي دا بولماسىن قاۋىپ-قاتەردە, قيىندىق جاعدايدا وتاندى قورعاۋ ءۇشىن وزدەرىن قۇربان ەتەتىن جاندار بولادى. الايدا وسىنداي بەيبىت ۋاقىتتا ازاماتتارىمىزدىڭ قازا تابۋى جانىمىزعا قاتتى باتتى. قر زاڭدارىنا سايكەس قىزمەتتىك بورىشىن وتەۋ كەزىندە قازا بولعان جاۋىنگەرلەردىڭ وتباسىنا, بالا-شاعاسىنا زاڭ بويىنشا تيەسىلى الەۋمەتتىك كەپىلدىكتەردى قامتاماسىز ەتىپ, جان-جاقتى كومەك كورسەتەتىن بولادى. بۇل كومەك بىرجولعى كومەك بولماۋى كەرەك. ءبىز اسكەريلەرىمىزدىڭ تۋعان جەرلەرىندەگى اسكەري گارنيزون باسىشلارىنا ولاردىڭ وتباسىن قامقورلىققا الىپ, بالالارىنىڭ وسۋىنە, تاربيەلەنۋىنە بەلسەندى اتسالىسۋدى تاپسىرامىن." - دەدى نۇرلان بايۇزاق ۇلى.
سونداي-اق نۇرلان ەرمەكباەۆ وتان الدىنداعى بورىشىن وتەپ ءجۇرىپ قازا بولعان اسكەريلەردى ماڭگى ەستە ساقتاۋ ءۇشىن مەموريال تۇرعىزىلاتىندىعىن جەتكىزدى. ول ەسكەرتكىشتىڭ ورانتىلاتىن جەرىن اسكەريلەردىڭ وتباسىلارىمەن اقىلداسىپ كەلىسىلەتىن بولادى.
