سىرتقى ساياسي ۆەدومستۆونىڭ باسشىسى سۇxباتتاسىنا قازاقستانداعى ماڭىزدى ساياسي وزگەرىستەر تۋرالى, اتاپ ايتقاندا, قازاقستان رەسپۋبليكاسىنىڭ تۇڭعىش پرەزيدەنتى - ەلباسى نۇرسۇلتان نازارباەۆتىڭ وكىلەتتىكتەرىن توقتاتۋ جانە ولاردى قازاقستان رەسپۋبليكاسىنىڭ كونستيتۋتسياسىنا سايكەس پارلامەنت سەناتىنىڭ توراعاسى قاسىم-جومارت توقاەۆقا بەرۋ تۋرالى حاباردار ەتتى. قازاقستان قحر-مەن قارىم-قاتىناستاردى دامىتۋ ءۇشىن جۇرگىزىپ كەلە جاتقان سىرتقى ساياسي باعىتتى ساقتاپ قالاتىنىن اتاپ ءوتتى.
ۆ. تسيشان قازاقستاننىڭ ىشكى ساياسي وقيعالارىن مۇقيات قاداعالاعانىن اتاپ ءوتتى. «نۇرسۇلتان نازارباەۆتىڭ شەشىمى ءوز ەلىنە دەگەن جوعارى جاۋاپكەرشىلىگى جانە تەرەڭ سۇيىسپەنشىلىگى بايقالادى, بۇل ونىڭ الەمدىك دەڭگەيدەگى ساياساتكەر ەكەندىگىن كورسەتتى», - دەدى قحر توراعاسىنىڭ ورىنباسارى.
قىتاي تاراپى ەلباسى ن.نازارباەۆتىڭ قازاقستاننىڭ مەملەكەتتىك قۇرىلىسىنداعى تاريحي ءرولىن جوعارى باعالادى, سونداي-اق قازىرگى ۋاقىتتا ءوربىپ كەلە جاتقان جانە ەكى ەل اراسىنداعى تاتۋ كورشىلەستىك قاتىناستاردىڭ ۇلگىسى بولىپ تابىلاتىن قازاقستان-قىتاي قاتىناستارىن قالىپتاستىرۋعا قوسقان ەلەۋلى ۇلەسىن اتاپ ءوتتى. مۇنىڭ بارلىعى قازاقستان مەن قحر باسشىلارىنىڭ جەكە قارىم-قاتىناسى ارقاسىندا مۇمكىن بولدى.
«بەلدەۋ جانە جول» باستاماسى اياسىندا ءوزارا ءتيىمدى ىنتىماقتاستىققا ەرەكشە نازار اۋدارىلدى. قازاقستان 21 عاسىردىڭ جاھاندىق جوباسىنا اينالعان وسى باستامانى قولدايتىن تۇڭعىش ەل بولعانىن اتاپ ءوتتى. بۇگىندە قازاقستان مەن قىتاي ەكى ەلدىڭ يگىلىگىنە قىزمەت ەتەتىن «بەلدەۋ جانە جول» باستاماسىن قر-ءدىڭ «نۇرلى جول» جاڭا ەكونوميكالىق ساياساتىمەن ۇشتاستىرۋ بويىنشا بەلسەندى جۇمىس جۇرگىزىپ كەلەدى.
