كەزەكتى ساياسي كونسۋلتاتسيالاردىڭ نەگىزگى تاقىرىپتارى ساياسي, ساۋدا-ەكونوميكالىق جانە مادەني-گۋمانيتارلىق بلوكتىڭ ماسەلەلەرى, قۇقىقتىق بازانى كەڭەيتۋ, سونداي-اق حالىقارالىق كۇن تارتىبىندەگى وزەكتى ماسەلەلەر بويىنشا پىكىر الماسۋ بولدى.
كونسۋلتاتسيالار 2019 جىلعى 2 شىلدەدە جاسالعان قازاقستان مەن يسپانيا اراسىنداعى ستراتەگيالىق سەرىكتەستىك تۋرالى شارتتىڭ 10 جىلدىعى قارسانىندا وتكىزىلدى. اتالعان ۋاقىت ارالىعىندا ەكى ەل اراسىنداعى قارىم-قاتىناستاردا ايتارلىقتاي قولجەتىستىكتەر بايقالۋدا. اتاپ ايتقاندا تۇراقتى تۇردە ورىن الاتىن ەڭ جوعارى دەڭگەيدەگى ءىسساپارلار, ارىپتەستىكتىڭ ماڭىزدى شارتتىق-قۇقىقتىق بازاسى, بىرنەشە ەسە ۇلعايعان ەكى جاقتىق ساۋدا اينالىمى جانە حالىقارالىق قۇرىلىمدار شەڭبەرىندە ورناتىلعان ءوزارا قولداۋ مەحانيزمى.
تاراپتار قر تۇڭعىش پرەزيدەنتى – ەلباسى نۇرسۇلتان نازارباەۆتىڭ ەكى ەل اراسىنداعى ستراتەگيالىق سەرىكتەستىكتىڭ باستاماسىن قۇرۋداعى تاريحي ءرولىن اسا اتاپ ءوتتى. ن. نازارباەۆتىڭ يسپانياعا ساپارلارى جانە حۋان كارلوس ءى مەن فەليپە VI قازاقستانعا ساپارلارى ەكى جاقتىق قاتىناستاردىڭ قارقىندا دامۋىنا سەبەپ بولدى.
يسپان تاراپىنا كورول فەليپە VI ەلباسىنىڭ اتىنا مەملەكەت باسشىسى رەتىندە جۇمىسىن اياقتاعانىنا قاتىستى جىلى حاتىنا جانە قاسىم-جومارت توقاەۆتىڭ قر پرەزيدەنتى لاۋازىمىنا كىرىسكەنىنە وراي قۇتتىقتاۋ حاتتارى ءۇشىن العىس ايتىلدى. مادريد اقوردانىڭ ەلدىڭ سىرتقى ساياساتى ۇزدىكسىز بولاتىنى تۋرالى حابارىن وڭ قابىلدادى.
ف. ۆالەنسۋەلا قازاقستاننىڭ ايماقتاعى وڭىرلىك جانە جاھاندىق قاۋىپسىزدىكتى نىعايتۋعا باعىتتالعان باستامالاردىڭ ماڭىزدىلىعىن اتاپ وتە وتىرىپ, قازاقستاننىڭ سىندارلى جانە حالىقارالىق ارەناداعى بەلسەندى رولىنە توقتالدى.
تاراپتار ءۇ.ج. 19-20 ناۋرىزىندا مادريدتە 80-گە جۋىق يسپان كومپانيالارى قاتىسقان قازاق-يسپان «روۋد-شوۋىنىڭ»تابىستى وتكەنىن اتاپ ءوتىپ, وندا ەكى ەلدىڭ ىسكەر توپتارى اراسىنداعى ىنتىماقتاستىقتىڭ پەرسپەكتيۆالىق جوبالارى تالقىلانعانسىڭ قوشتادى. ساياسي كونسۋلتاتسيالارداتسيفرلاندىرۋ, ينفراقۇرىلىمدىق جوبالار, اۋىل شارۋاشىلىعى جانە اگروونەركاسىپتىك كەشەن, جاڭارتىلاتىن ەنەرگەتيكا, قۇرىلىس, ينجەنەرلىك, قورعانىس جانە اەروعارىش سالالارىنداعى ىنتىماقتاستىقتى تەرەڭدەتۋدىڭ كەڭ الەۋەتىن اتاپ ءوتتى. يسپان سەرىكتەستەرىنىڭ نازارى قازاقستاننىڭ گەوگرافيالىق ورنالاسۋىن جانە ەلىمىز ارقىلى وتەتىن كولىك-لوگيستيكالىق باعىتتارىن ەسكەرە وتىرىپ, قوسىمشا قۇنمەن بىرلەسكەن ءونىم ءوندىرىسىن قۇرۋدىڭ تارتىمدىلىعىنا باسا نازار اۋدارىلدى. قازاقستان دەلەگاتسياسى «استانا» حالىقارالىق قارجى ورتالىعى بازاسىندا ىسكەرلىك قاتىناستاردى دامىتۋ پەرسپەكتيۆالارىنا ەرەكشە نازار اۋداردى.
مادەني-گۋمانيتارلىق بايلانىستاردى نىعايتۋ تۋرالى ايتا كەلە, يسپان تاراپى يسپان ءتىلىن ۇيرەنۋگە مۇمكىندىك بەرەتىن يسپانيا ەلشىلىگىنىڭ نۇر-سۇلتانداعى جاڭا عيماراتىندا «سەرۆانتەس بۇرىشىنىڭ» جاقىن ارادا اشىلۋىن جاريالادى.
ءوز كەزەگىندە ر. ۆاسيلەنكو ءۇ.ج. مادريدتە يسپان تىلىندەگى ەلباسى ن.نازارباەۆتىڭ «تاۋەلسىزدىك ءداۋىرى» كىتابى جانە قازاق پروزاسى مەن پوەزياسىنىڭ انتولوگياسىن ۇسىنىلاتىنىڭ جەتكىزدى. ءساۋىردىڭ سوڭىندا مادريدتە «Equus: جىلقىتاريحى» دەرەكتى ءفيلمىنىڭ پرەمەراسى وتەدى.
قازاقستان رەسپۋبليكاسى سىرتقى ىستەر مينيسترلىگىنىڭ باسشىسىنىڭ ورىنباسارىمەن بىرگە يسپانيا استاناسىنا قازاقستان رەسپۋبليكاسى يندۋستريا جانە ينفراقۇرىلىمدىق دامۋ مينيسترلىگىنىڭ ازاماتتىق اۆياتسيا كوميتەتىنىڭ توراعاسى تالعات لاستاەۆ, ۇلتتىق ەكونوميكا, تسيفرلىق دامۋ, قورعانىس جانە اەروعارىش مينيسترلىكتەرىنىڭ وكىلدەرى, سونداي-اق «قازاقستانينجينيرينگ» ۇلتتىق كومپانياسى وكىلدەرى كەلدى.
ساپار اياسىندا قازاقستان مەن يسپانيانىڭ اۆياتسيالىق بيلىكتەرى اراسىندا ىنتىماقتاستىق تۋرالى مەموراندۋمعا قول قويىلىپ, اۋە قاتىناسى تۋرالى ۇكىمەتارالىق كەلىسىمنىڭ ماتىنىنە قول قويىلدى. قول قويىلعان مەموراندۋم ەكى ەل اراسىندا تىكەلەي اۋە رەيستەرىن اشۋ ءۇشىن قۇقىقتىق نەگىز قالاۋدا.
كەلىسسوزدەردىڭ سوڭىندا ر. ۆاسيلەنكو «EFE» جەتەكشى يسپان اقپاراتتىق اگەنتتىگىنە سۇحبات بەردى. سۇحبات بارىسىندا ەكىجاقتى ىنتىماقتاستىقتىڭ جاي-كۇيى مەن پەرسپەكتيۆالارى تۋرالى وزەكتى سۇراقتارعا جاۋاپ بەردى, سونداي-اق قازاقستاننىڭ ىشكى ساياسي ومىرىندەگى سوڭعى وزگەرىستەر تۋرالى حاباردار ەتتى.
انىقتاما رەتىندە: يسپانيا ساۋدا اينالىمى بويىنشا قازاقستاننىڭ ەڭ ءىرى ون ساۋدا سەرىكتەستەرى قاتارىنا كىرەدى. 2018 جىلى ەكىجاقتى تاۋار اينالىمى 20% ارتىپ, $ 2.041 ملرد. قۇراعان. 2005 جىلدان باستاپ 2018 جىلدىڭ III توقسانىنا دەيىن يسپانيادان قازاقستانعا تىكەلەي ينۆەستيتسيالاردىڭ جالپى اعىمى 205,4 ملن اقش دوللارىن قۇرادى. قازاقستاندا يسپان كاپيتالى بار 66 كاسىپورىن تىركەلگەن.
