فورۋم بارىسىندا قازاقستان, رەسەي, قىرعىزستان, تاجىكستان جانە وزبەكستاننان كەلگەن 150-دەن استام قاتىسۋشىلار كاسىپكەرلىككە باۋلۋ, باستاپقى جابالاردان باستاپ ستارتاپ جوبالارعا دەيىنگى كەزەڭ, «بيزنەس-ينكۋباتورلار» تەحنولوگيالارى, كوسباسشى جانە «تانىمال كوماندالاردى» قالىپتاستىرۋ باعىتىنداعى ينتەراكتيۆتى الاڭدا ترەنينگتەر, ىسكەر ويىندار, شەبەرلىك ساعاتتارىن وتكىزىپ, پىكىر الماسىپ, ءوز جەتىستىكتەرىمەن ءبولىستى.
شارانىڭ كۇن تارتىبىندە قاراستىرىلعان ايماقتارداعى جاستار ساياساتى, جاستاردىڭ ازاماتتىق بەلسەندىلىگىن ارتتىرۋ تەتىكتەرى, كاسىبي دەڭگەيلەرىن كوتەرۋ باعىتىندا دا ساراپتامالار جاسالىپ, ۇسىنىستار تىڭدالدى.
فورۋمدا «جاس وتان» جاستار قاناتىنىڭ, الماتى قالاسى كاسىپكەرلەر پالاتاسىنىڭ, قازاقستان جاستار كونگرەسى, الماتى قالاسى قوعامدىق كەڭەسىنىڭ وكىلدەرىمەن قاتار بيزنەس پسيحولوگتار, بيزنەس ساراپشىلار, IT سالاسىنداعى ۇزدىك جەتىستىكتەردىڭ, سونىمەن قاتار قازاقستان, رەسەي جانە ورتالىق ازيا ەلدەرىندە الەۋمەتتىك كاسىپكەرلىكتى دامىتۋ اۆتورلارىمەن كەزدەسۋلەر ءوتتى. «ەۋرازيا جاستارى: بولاشاققا بىرلەسكەن ادام» جانە «ىسكەر ەۋرازيا» بايقاۋلارىنىڭ جەڭىمپازدارى – جاستار جوبالارىنىڭ دا تانىستىرىلىمى ءوتتى.
الماتى
