بۇگىندە «حالىققا كومەك» جوباسى اياسىندا «Nur Otan» پارتياسىنىڭ قوعامدىق قابىلداۋ بولمەلەرى بىرىڭعاي الەۋمەتتىك تەرەزە جۇيەسى بويىنشا قىزمەت كورسەتۋدە. سوعان سايكەس قوعامداعى وزەكتى الەۋمەتتىك ماسەلەلەردى جەدەل ءارى ءتيىمدى شەشۋ ءۇشىن بۇقارالىق اقپارات قۇرالدارى مەن الەۋمەتتىك جەلىلەرگە جاريالانعان اقپاراتتارعا تالداۋ جاسالىپ, الدىن الۋ مونيتورينگى جۇرگىزىلەدى. وسىلايشا قابىلداۋ بولمەلەرى «جەدەل ءارى ءبىر جەردە» قاعيداسى بويىنشا جۇمىس ىستەپ, وزەكتى ماسەلەلەردىڭ وڭ شەشىلۋىنە ىقپال ەتپەك.
ماۋلەن اشىمباەۆ پارتيانىڭ اقتوبە وبلىستىق فيليالىنىڭ قوعامدىق قابىلداۋ بولمەسىنە ارنايى ات باسىن بۇرىپ, جاڭا باستامانىڭ ماڭىزىنا توقتالدى. ءوز سوزىندە ول قازىرگى تاڭدا پارتيا حالىق پەن بيلىكتى بايلانىستىرۋشى التىن كوپىر رەتىندە قالىپتاسقانىن, ايتىپ, «Nur Otan»-نىڭ باستى مىندەتى حالىقتىڭ ماسەلەسىن ءتيىمدى شەشۋگە ىقپال ەتۋ ەكەنىن تىلگە تيەك ەتتى.
– «حالىققا كومەك» جوباسى ەلباسىنىڭ تىكەلەي تاپسىرماسىمەن قولعا الىنىپ وتىر. ونىڭ باستى ماقساتى – مەملەكەت تاراپىنان كورسەتىلەتىن بارلىق الەۋمەتتىك كومەكتى بىرىڭعاي الەۋمەتتىك تەرەزە ارقىلى ءبىر جەردەن ءارى جەدەل تۇردە حالىققا جەتكىزۋ. پارتيا بۇل ىسكە مەملەكەتتىك ورگانداردى, ۇكىمەتتىك ەمەس ۇيىمداردى جانە بيزنەس قاۋىمداستىقتى دا جۇمىلدىرىپ, ولاردىڭ قىزمەتتەرىن ۇيلەستىرۋشى ءرولىن اتقارادى, – دەدى ماۋلەن اشىمباەۆ.
جاڭا باستاما قولعا الىنعالى بەرى ازاماتتار ءوز وتىنىشتەرىن جەكە قابىلداۋ, سايت, ەلەكتروندى پوشتا, Call Center سياقتى ءداستۇرلى جولداردان بولەك, الەۋمەتتىك جەلىلەردەگى پاراقشالار, WhatsApp مەسسەندجەرى, اكىمدىكتەردىڭ تسيفرلى قىزمەتى جانە ەلەكتروندى ۇكىمەت پورتالى ارقىلى دا جولداۋعا مۇمكىندىك الدى. بۇل ىسكە قوعامدىق قابىلداۋ بولمەلەرىنىڭ قىزمەتكەرلەرىمەن بىرگە مەملەكەتتىك ورگان وكىلدەرى, قاجەت جاعدايدا سالالىق ماماندار دا جۇمىلدىرىلادى.
بىرىڭعاي الەۋمەتتىك تەرەزە جۇيەسىنىڭ جۇمىسى تاياۋدا عانا باستالعانىنا قاراماستان قازىردىڭ وزىندە ءوز جەمىسىن بەرە باستادى. ماسەلەن اقتوبە وبلىسى بويىنشا بۇگىنگە دەيىن 80-نەن استام كوپ بالالى وتباسىنىڭ وكىلدەرى اتالعان الەۋمەتتىك تەرەزە ارقىلى ءوتىنىش بىلدىرگەن. سونىڭ 30 پايىزدان استامى جەدەل شەشىمىن تاپسا, قالعان وتىنىشتەر بويىنشا ءتيىستى جۇمىستار قولعا الىندى. بۇل رەتتە وتىنىشتەردىڭ نەگىزگى بولىگى باسپانامەن قامتۋ, الەۋمەتتىك قامسىزداندىرۋ, جۇمىسپەن قامتۋ جانە ماتەريالدىق قولداۋ كورسەتۋ ماسەلەلەرىنە قاتىستى ەكەنىن اتاپ وتكەن ءجون.
سونىمەن قاتار ساپار بارىسىندا ماۋلەن اشىمباەۆ وبلىس اكىمى وڭداسىن ورازالينمەن بىرگە از قامتىلعان وتباسىلارعا پاتەر كىلتىن تاپسىرۋ راسىمىنە قاتىستى. مۇنداي كوڭىل جادىراتار يگى ءىس «باقىتتى وتباسى» جوباسى اياسىندا جۇزەگە اسىرىلىپ وتىر. جاڭا ۇيلەر وبلىس ورتالىعىنىڭ «نۇر-اقتوبە» شاعىن اۋدانىندا ورنالاسقان. بۇل كۇنى قونىس تويىن تويلاعاندار قاتارىندا كوپ بالالى وتباسى, جاس وتباسى, اتا-انا قامقورلىعىنسىز قالعاندار جانە مۇمكىندىگى شەكتەۋلى جاندار بولدى.
ولاردى قۋانىشتى ساتپەن قۇتتىقتاعان پارتيا توراعاسىنىڭ ءبىرىنشى ورىنباسارى بۇل ەلباسى ساياساتىنىڭ ناتيجەسى ەكەنىنە نازار اۋداردى.
– حالىقتىڭ ءال-اۋقاتىن ودان ءارى ارتتىرۋ ەلباسى ساياساتىنىڭ نەگىزگى باسىمدىعى بولىپ تابىلادى. سونىڭ ىشىندە باسپانامەن قامتۋدىڭ ماڭىزى زور. وسى تۇرعىدان كەلگەندە, ەلباسىنىڭ تىكەلەي تاپسىرماسىمەن ايتارلىقتاي جۇمىستار اتقارىلىپ, ۇلكەن ناتيجەلەرگە قول جەتكىزىپ جاتىرمىز, – دەدى ماۋلەن اشىمباەۆ.
سونداي-اق ول «Nur Otan» پارتياسىنىڭ كەزەكتى XVIII سەزىندە پارتيا توراعاسىنىڭ كونتسەپتۋالدى بايانداما جاساعانىنا نازار اۋدارىپ, ەلباسىنىڭ اتالعان سەزدەگى ءسوزى, وتكەن جىلدىڭ قازان ايىنداعى قازاقستان حالقىنا ارناعان جولداۋى جانە بەس الەۋمەتتىك باستاماسى ەلىمىزدىڭ قازىرگى تاڭداعى جاڭا الەۋمەتتىك دوكتريناسىنىڭ نەگىزىن قالاپ بەرگەنىن اتاپ ءوتتى.
ءوز كەزەگىندە وبلىس اكىمى وڭداسىن ورازالين ايماقتا حالىقتى باسپانامەن قامتۋ جۇمىستارى قارقىندى جۇرگىزىلىپ كەلە جاتقانىنا نازار اۋداردى.
– ەلباسى تاپسىرماسى سايكەس وڭىرىمىزدە حالىقتىڭ ءال-اۋقاتىن ارتتىرۋ باعىتىندا كوپتەگەن جۇمىستار ىستەلۋدە. ءبىر عانا باسپانامەن قامتۋ ماسەلەسى بويىنشا بىلتىردىڭ وزىندە 900 مىڭنان استام شارشى مەتر تۇرعىن ءۇي تاپسىرىلدى. سونىڭ ناتيجەسىندە كوپتەگەن الەۋمەتتىك از قامتىلعان وتباسىلار باسپانالى بولدى. بيىل دا وسى جۇمىستار ءوز جالعاسىن تابادى, – دەدى وڭداسىن ورازالين.
وڭىرگە ساپارى كەزىندە «Nur Otan» پارتياسى توراعاسىنىڭ ءبىرىنشى ورىنباسارى اقتوبە قالاسىنداعى ەرەكشە تالاپتاردى قاجەت ەتەتىن جاندارعا ارنالعان «Coworking space» ورتالىعىنا دا باردى. «كەدەرگىسىز كەلەشەك» پارتيالىق جوباسى اياسىندا ەلىمىز بويىنشا العاش رەت اشىلعان بۇل ورتالىق مۇمكىندىگى شەكتەۋلى جاندارعا قىزمەت كورسەتۋگە باعىتتالعان.
مۇنداي ورتالىقتاردىڭ كەز كەلگەن قوعام ءۇشىن ماڭىزى زور ەكەنىن ايتقان پارتيا توراعاسىنىڭ ءبىرىنشى ورىنباسارى ەلىمىزدە مۇمكىندىگى شەكتەۋلى جاندار ءۇشىن «كەدەرگىسىز ورتا» قالىپتاستىرۋ ەلباسىنىڭ تىكەلەي تاپسىرماسى ەكەنىن جەتكىزدى.
– «Nur Otan» پارتياسى بۇل سالادا مۇمكىندىگى شەكتەۋلى جانداردىڭ ينكليۋزيۆتى ءبىلىم الۋىنا, ولاردىڭ جۇمىسقا ورنالاسۋىنا, ساياسي-قوعامدىق ءىس-شارالارعا بەلسەنە قاتىسۋىنا جانە قوعامدا كەدەرگىسىز ورتا قالىپتاستىرۋعا باعىتتالعان ناقتى باسىمدىقتار بويىنشا جۇمىس ىستەۋدە. بۇل ىستە اقتوبەدە اشىلعان وسىنداي ورتالىقتاردىڭ تيگىزەر اسەرى مول. سوندىقتان ونى ەلىمىزدىڭ بارلىق وڭىرىنە ۇلگى رەتىندە كورسەتەمىز, – دەدى ماۋلەن اشىمباەۆ.
ءارى قاراي «Nur Otan» پارتياسى توراعاسى ءبىرىنشى ورىنباسارىنىڭ ساپارى قوبدا اۋدانىندا جالعاستى. اتاپ ايتقاندا, ماۋلەن اشىمباەۆ قوبدا اۋىلىنداعى دەنە شىنىقتىرۋ جانە ساۋىقتىرۋ كەشەنىندە بولدى. زامان تالاپتارىنا ساي سالىنعان بۇل سپورت نىسانىندا باسسەين, فيتنەس جانە جاتتىعۋ زالى, فۋتبول, ۆولەيبول, باسكەتبول الاڭدارى بار.
سونداي-اق پارتيا توراعاسىنىڭ ءبىرىنشى ورىنباسارى ي.تايمانوۆ اتىنداعى قوبدا گيمنازياسىنا ات باسىن بۇرىپ, اۋداننىڭ «رۋحاني جاڭعىرۋ» جوبالىق كەڭسەسىندە, پارتيالىق جوباسى اياسىندا اشىلعان ءىت-سىنىپتا جانە مەكتەپ اسحاناسىندا بولدى. بۇل جۇمىستاردىڭ بارلىعى ەلباسىنىڭ تىكەلەي تاپسىرماسىمەن قولعا الىنعان «اۋىل – ەل بەسىگى» جانە «قۇتتى مەكەن» پارتيالىق جوبالارى اياسىندا جۇزەگە اسىرىلۋدا.
ودان بولەك, كاسىپكەرلىككە بەت بۇرعان بەلسەندى اۋىل جاستارىمەن كەزدەسكەن ماۋلەن اشىمباەۆ ەلدىڭ بولاشاعى جاس بۋىننىڭ قولىندا ەكەنىن ايتتى.
– جاستار ارمانشىل بولۋى كەرەك. كوزدەگەن ماقساتقا جەتۋ ءۇشىن قاجىرلى ەڭبەك پەن تاباندىلىق قاجەت. ەلباسى جاستاردىڭ زامانعا ساي دامۋىنا بارلىق جاعدايدى جاساپ بەردى, – دەدى پارتيا توراعاسىنىڭ ءبىرىنشى ورىنباسارى.
سونىمەن بىرگە ماۋلەن اشىمباەۆ «Nur Otan» پارتياسى اقتوبە وبلىستىق فيليالىنىڭ كونفەرەنتسياسىنا قاتىستى. جيىننىڭ كۇن تارتىبىندە قارالعان ماسەلەلەردىڭ ءبىرى پارتيا وبلىستىق فيليالىنىڭ توراعاسىن سايلاۋ بولدى. بۇعان دەيىن بۇل قىزمەتتى اتقارىپ كەلگەن بەردىبەك ساپارباەۆتىڭ تاياۋدا باسقا قىزمەتكە اۋىسقانى بەلگىلى. وسىعان وراي ماۋلەن اشىمباەۆ ەلباسى, پارتيا توراعاسىنىڭ تاپسىرماسىنا سايكەس «Nur Otan» پارتياسى اقتوبە وبلىستىق فيليالىنىڭ توراعالىعىنا ءوڭىر باسشىسى وڭداسىن ءورازاليننىڭ كانديداتۋراسىن ۇسىندى. ونى كونفەرەنتسياعا قاتىسۋشىلار ءبىراۋىزدان قولداپ, وبلىس اكىمى پارتيا ايماقتىق فيليالىنىڭ توراعاسى بولىپ سايلاندى.
ودان بولەك, جيىندا پارتيانىڭ كەزەكتى XVIII سەزىندە ەلباسى ايقىنداپ بەرگەن جاڭا مىندەتتەردى ورىنداۋدىڭ ءتيىمدى تەتىكتەرى تالقىلانىپ, جوعارىدا اتالعان ءتورت الەۋمەتتىك جوبانى اقتوبە وبلىسىندا جەمىستى جۇزەگە اسىرۋ بارىسى پىسىقتالدى. وسى باعىتتا ءوڭىردىڭ الدىندا تۇرعان باسىمدىقتارعا نازار اۋدارعان ماۋلەن اشىمباەۆ اتالعان جۇمىستاردىڭ ۇتىمدى تۇستارىنا توقتالىپ ءوتتى.
سونداي-اق ول ەلباسى نۇرسۇلتان ءابىش ۇلى نازارباەۆتىڭ پرەزيدەنتتىك وكىلەتتىگىن ءوز ەركىمەن توقتاتۋ تۋرالى شەشىمىنە نازار اۋدارىپ, تۇڭعىش پرەزيدەنتىمىزدىڭ قاشاندا ەل مەن حالىقتىڭ مۇددەسىن ءبىرىنشى كەزەككە قويىپ, ءاردايىم دۇرىس شەشىمدەر قابىلدايتىنىن ايتتى.
– قازاقستان حالقى ءۇشىن ەلباسىنىڭ ەسىمى قاشاندا مەملەكەتتىلىك, ەگەمەندىك جانە تاۋەلسىزدىك سياقتى اسا ماڭىزدى قۇندىلىقتارمەن ءبىر قاتاردا تۇرادى. ەلىمىزدىڭ بارلىق جەڭىستەرى مەن جەتىستىكتەرى تۇڭعىش پرەزيدەنتىمىزدىڭ ەسىمىمەن تىعىز بايلانىستى. سوندىقتان نۇرسۇلتان ءابىش ۇلى نازارباەۆ ەلباسى, قازاقستان تاريحىندا تاۋەلسىز مەملەكەتتىڭ نەگىزىن قالاعان, قازاقتىڭ مەملەكەتتىلىگىن قايتا جانداندىرعان ۇلى تۇلعا, بارلىق رەفورمالاردىڭ اۆتورى, الەمدىك دەڭگەيدەگى ءىرى ساياساتكەر رەتىندە ماڭگى قالادى, – دەدى ماۋلەن اشىمباەۆ.
ءوز سوزىندە پارتيا توراعاسىنىڭ ءبىرىنشى ورىنباسارى ەلباسىنىڭ ەلدىڭ دامۋىنا سىڭىرگەن ەڭبەكتەرىنە نازار اۋدارىپ, تۇڭعىش پرەزيدەنتىمىزدىڭ ەسىمىن ەلورداعا بەرۋ قازاقستان ساياساتىنىڭ الداعى ۋاقىتتاعى باعىت-باعدارىن كورسەتەتىنىن ايتى.
بۇدان باسقا ول ەلباسىنىڭ قاۋىپسىزدىك كەڭەسىنىڭ توراعاسى, «Nur Otan» پارتياسىنىڭ توراعاسى, قازاقستان حالقى اسسامبلەياسىنىڭ توراعاسى جانە كونستيتۋتسيالىق كەڭەستىڭ مۇشەسى رەتىندە ەل دامۋىنا ودان ءارى ىقپال ەتە بەرەتىنىنە نازار اۋدارىپ, سوعان بايلانىستى الداعى ۋاقىتتا بۇرىنعىدان دا بەلسەندى جۇمىس ىستەۋ كەرەكتىگىن تىلگە تيەك ەتتى.
– قازىرگى تاڭدا قازاقستان دامۋدىڭ جاڭا كەزەڭىنە قادام باسىپ وتىر. بۇل پارتيانىڭ ەل دامۋىنداعى ءرولىن ودان ءارى ارتتىرا تۇسەدى. حالىقتىڭ دا سەزدە ايتىلعان شارالاردان ۇلكەن ءۇمىت كۇتەتىنى بەلگىلى. سوندىقتان پارتيا ەل دامۋىنىڭ جاڭا كەزەڭىندە جاڭا قارقىنمەن, ەرەكشە ەكپىنمەن جۇمىس ىستەۋى قاجەت, – دەدى «Nur Otan» پارتياسى توراعاسىنىڭ ءبىرىنشى ورىنباسارى.
سونىمەن بىرگە ماۋلەن اشىمباەۆ اقتوبە ماڭىنداعى قارعالى ەلدىمەكەنىندە ورنالاسقان «ەنەرگيا تيىمدىلىگى ورتالىعىندا» بولىپ, تسيفرلاندىرۋ باعىتى بويىنشا اتقارىلىپ جاتقان جۇمىستارمەن تانىستى. سونداي-اق وبلىس ورتالىعىنداعى اۆتوكلاۆتى گازبەتون بلوكتارىن دايىندايتىن «تد فوتون» زاۋىتىنا ارنايى بارىپ, كاسىپورىندا جۇرگىزىلىپ جاتقان جوندەۋ جانە جاڭعىرتۋ جۇمىستارىنىڭ جاي-كۇيىنە نازار اۋداردى.
اقتوبە
