ۇشۋ بارىسىندا اۋليەكول, ناۋرىزىم, قاراسۋ اۋداندارىنىڭ قار جامىلعىسى كەي جەرلەردە تولىق ەرىگەنىمەن, قارلى ايماقتار ءالى بايقالادى. تاستى سۋ قويماسى اكۆاتورياسىنىڭ مۇزى ۇستىندە قار جامىلعىسى جوق, ەرىگەن سۋدىڭ ءبۇيىر اعىنى بايقالمايدى. اقمولا وبلىسى ماڭىنداعى ەسىل جانە دەرجاۆين اۋدانىندا قار جامىلعىسى تۇتاس جاتىر. اشۋتاستى جانە اقجار سۋ قويمالارى مۇزىنىڭ ۇستىندە كەي جەرلەردە قار جاۋىپ, مۇز جاعادان كەتكەن.
ارقالىق قالاسى ماڭىنان كورىنەتىن اينالانىڭ اۋماعىندا قار جامىلعسىسى 50-60% بولادى. وبلىستىڭ وڭتۇستىك شەكاراسىنا جاقىنداعاندا قار مولشەرىنىڭ ازايعانىن بايقاۋعا بولادى جانە ەكىدىن مەن امانگەلدى اۋداندارىنىڭ اۋماعىندا قار جوق. قاراعاندى وبلىسىنىڭ ۇلىتاۋ تاۋ بوكتەرىنىڭ اۋداندارىندا قار سايلار مەن شاتقالداردا ساقتالعان.
وبلىستىڭ وڭتۇستىگىندەگى سارىتورعاي, قاراتورعاي وزەندەرى مۇزدان بوسادى, سۋ تازا, بۇرىلىستاردا ازداپ مۇز جينالعان. قاردىڭ تولىق بولماۋىنا بايلانىستى جەرگىلىكتى سۋ اعىسى تومەن, بىراق ەكىدىڭ بەكەتتەرىندە-سارىتورعاي جانە ۇرپەك وزەندەرى مەن قاراتورعاي وزەنىندە سۋ دەڭگەيى جوعارىلاپ, سۋ اعىنى كۇشەيگەن, ول سارىتورعاي وزەنىڭدە سەكۋندىنا 30,5 م3- جانە 113,0 م3 / سەك قۇرايدى. سۋ قاراعاندى وبلىسى جاعىنان كەلىپ جاتىر.
امانگەلدى اۋدانىنىڭ سولتۇستىگىندە ورنالاسقان بارلىق وزەندەردىڭ بەتىندە مۇز بار, كەي جەرلەردە مۇز ۇستىندە ويىقتار مەن جيەكتەر بايقالادى. قابىرعا مەن تورعاي وزەندەرىندە مۇزدىڭ مۇرتى بۇزىلماپتى, بۇيىرلىك اعىستار دا بايقالمايدى, بىراق دالادا قالىڭ قار جوق.
ناۋرىزىم اۋدانىنىڭ ءدامدى اۋىلى ماڭىندا جەرگىلىكتى وزەندى ءالى قار باسىپ جاتىر, ارنا كەۋىپ قالعاندى, قاردىڭ كوبەسى ەندى سوگىلىپ جاتىر. ازىرگە سۋ تاسقىنى قاۋپى بىلىنبەيدى.
سونداي-اق, الداعى اپتادا قوستاناي وبلىسىنىڭ تجد ازاماتتىق قورعاۋ سالاسىنداعى قاۋىپ – قاتەردى ازايتۋ جانە باقىلاۋ باسقارماسىنىڭ ماماندارى وبلىستىڭ باتىس وڭىرلەرىن (رۋدنىي, تاران, دەنيسوۆ, جىتىقارا, قامىستى اۋداندارى جانە رەسەي فەدەراتسياسىنىڭ ترانسشەكارالىق اۋداندارى) جانە سولتۇستىك (قاراسۋ, سارىكول, ۇزىنكول, قوستاناي) ايماقتارىن ارالاۋدى جوسپارلاپ وتىر.
قوستاناي
