فورۋمعا پارتيانىڭ 200-دەن استام بەلسەندىلەرى قاتىستى, ولاردىڭ اراسىندا باستاۋىش پارتيا ۇيىمدارىنىڭ وكىلدەرى, پارتيا ارداگەرلەرى بار. فورۋمدى وبلىستىق ءماسليحات حاتشىسى سايلاۋبەك ەسجانوۆ جۇرگىزىپ وتىرلى. فورۋمعا قاتىسۋشىلار تاۋەلسىز قازاقستان مەن ونىڭ جاس استاناسىنىڭ دامۋىنا نۇرسۇلتان نازارباەۆتىڭ ەتكەن ەڭبەگىن اتاپ ايتتى. پارتيا ارداگەرى ميحايل داۋەنوۆ ەلوردا كوشىرىلگەن 21 جىل ىشىندە استانا تۇرعىندارىنىڭ سانى 300 مىڭنان 1 ميلليونعا دەيىن, ەكونوميكالىق, عىلىمي جانە مادەني الەۋەتى دە ولشەۋسىز وسكەندىگىن تىلگە تيەك ەتتى.
«تاۋەلسىز جاس مەملەكەتتىڭ استاناسىن ەلدىڭ ىشكەرى جاعىنا, ورتالىعىنا كوشىرۋگە نۇرسۇلتان نازارباەۆتىڭ ءوزى باستاما كوتەرىپ, شەشىم قابىلداعان ەدى. ۋاقىتىسىندا وعان قارسى بولعاندار دا تابىلدى. بىراق ونىڭ بۇل شەشىمىنىڭ دۇرىستىعىن ۋاقىت كورسەتتى. تۇڭعىش پرەزيدەنتىمىزدىڭ ەلدى باسقارۋدا, ەكونوميكانى دامىتۋدا, ەلدىڭ الەۋمەتتىك جاقسارۋىن قامتاماسىز ەتۋدە, قازاقستاندى الەمگە تانىتۋداعى جاساعان بارلىق جۇمىستارىنىڭ دۇرىستىعىن ۋاقىت ءوزى دالەلدەدى. سونداي تۇلعاعا ءوزى وسىرگەن ەلوردانىڭ اتىن بەرۋدىڭ دە دۇرىستىعىن بولاشاق كورسەتەدى» دەدى ميحايل ءجۇسىپ ۇلى.
مۇنان كەيىن ءسوزدى پارتيانىڭ جەرگىلىكتى جەرلەردەن كەلگەن بەلسەندىلەرى مەن باستاۋىش ۇيىمدار وكىلدەرى الدى.
«ەڭ باستىسى, بىرلىك پەن تۇراقتىلىقتى ساقتاۋىمىز كەرەك. ەلباسى كورسەتكەن باعىتپەن جۇرەر بولساق, دامىعان 30 ەلدىڭ قاتارىنا دا جەتەمىز. تالاي اسۋلاردى الامىز, قيىندىقتاردى ەڭسەرەمىز, مەن سوعان سەنەمىن. قازاقستان دەسە نۇرسۇلتان, نۇر-سۇلتان دەسەك قازاقستان اۋەزدى ەستىلەدى. ياعني, ءبىز ەلورداعا نۇر-سۇلتان اتاۋىن بەرۋىن وتە دۇرىس شەشىم دەپ بىلەمىز, قولدايمىز!» دەدى پارتيانىڭ جانگەلدين اۋداندىق فيليالى توراعاسىنىڭ ءبىرىنشى ورىنباسارى عابيت سۇندەتباەۆ.
ەل بولاشاعى – جاستاردىڭ قولىندا. ەلباسى ءوزىنىڭ بىلتىرعى جولداۋىندا جاس ۇرپاقتىڭ قازاقستاننىڭ تاۋەلسىزدىگىن ساقتاپ قالۋداعى اسا ماڭىزدى ءرولى تۋرالى اتاپ وتكەن ەدى. «جاس ۇرپاقتار كەلەدى... ولار دا ەلىمىزدى ودان ءارى گۇلدەندىرۋ جولىندا بار كۇشىن سالادى» دەگەن بولاتىن نۇرسۇلتان نازارباەۆ. «جاس وتان» ەلوردانىڭ جاڭا اتاۋىنا قولداۋ تانىتتى.
« استانا اتاۋىنىڭ نۇر-سۇلتانعا اۋىسۋى, ءبىرىنشى كەزەكتە ەلدىڭ تۇڭعىش پرەزيدەنتكە دەگەن العىسى, ەكىنشىدەن بۇل ءۇردىس ارقىلى ەلباسى سالعان سارا جولدىڭ ءارى قاراي دا جالعاسىن تاباتىنى دەپ ءبىلۋىمىز كەرەك. قاجىرلى قايراتكەر رەتىندە مەملەكەتىمىزدە تۇتاس تاتۋلىق پەن كەلەلى كەلىسىم ورناتتى. قانداي قۇرمەتكە بولسىن لايىقتى تۇلعا. ءبىز شەشىمدى ءبىراۋىزدان قولدايمىز!» دەدى اۋليەكول اۋداندىق «جاس وتان» جق ءتورايىمى نازىم سەرىكوۆا.
فورۋم بارىسىندا باستاۋىش پارتيا ۇيىمدارىنىڭ جەتەكشىلەرى, بەلدى كاسىپكەرلەر, وڭىرلىك ساياسي كەڭەس مۇشەلەرى ءسوز الدى. ولار پارتيا توراعاسى العا قويعان تاپسىرمالاردى ورىنداۋ ءۇشىن كۇش-جىگەرىن باعىتتاۋعا دايىن ەكەندىكتەرىن ءبىلدىردى جانە ەلوردا اتىنىڭ نۇر-سۇلتان بولىپ وزگەرۋى وتە دۇرىس شەشىم ەكەنىن ايتتى جانە ونىمەن قازاقستاندىقتاردى قۇتتىقتايتىندىقتارىن ءبىلدىردى.
قوستاناي
