ەكسپوزيتسياعا الپىس شاقتى جۇمىس قويىلعان, ولار – پاننو-كارتينالار, كيىم, ءساندى ەتنواكسەسسۋارلار. اۆتورلار ءوز جۇمىستارىندا قازىرگى زامان ونەرى ءۇشىن ماڭىزى زور ۇلتتىق داستۇرلەردى ساقتاۋ مەن دامىتۋدى جانە باسقاشا ويلاۋدى ينتەرپرەتاتسيالايدى. ومىرگە سۇلۋلىق پەن شاتتىق سىيلايتىن ساندىك ونەر ولاردىڭ جانىنا اسا جاقىن. سۋرەتشىلەر اrt تاندەمدە بىرنەشە رەت جۇمىستارىن قويعان, سونىمەن بىرگە ولار ومىردە دە, شىعارماشىلىقتا دا مۇددەلەس جاندار.
تۋىندىگەرلەر اباي اتىنداعى قازاق ۇلتتىق پەداگوگيكالىق ينستيتۋتىنىڭ كوركەمسۋرەت-گرافيكا فاكۋلتەتىن ءتامامداپ, سودان بەرى شىعارماشىلىق جولدا ءوز بولمىستارىن كورسەتۋدە. ولار ىنتا-ىقىلاسىن – بەينەلەۋ ونەرىنە, قولدانبالى ونەرگە جانە ديزاين مەن وقىتۋشىلىق قىزمەتكە ارناعان. ەكەۋى ءۇشىن شىعارماشىلىق – ءبىرىنشى ورىندا. ولار باستى نازارلارىن كارتينالار مەن ينتەرەر پاننوسىنا اۋدارعانىمەن, كيىم ديزاينىنا دا تاجىريبە جاساعاندى ۇناتادى, اسىرەسە ولاردى ۇلتتىق تاقىرىپ اسا قىزىقتىرادى. سۋرەتشىلەردىڭ كاسىبي جانە ومىرلىك مۇددەلەرى ورتاق بولسا دا, ارقايسىسىنىڭ دارا كەلبەتى مەن ءوز شىعارماشىلىق الەمى بار. ايتۋلى كورمە 2019 جىلدىڭ 5 ساۋىرىندە ءا. قاستەەۆ اتىنداعى ونەر مۇراجايىندا شىمىلدىعىن تۇرەدى.
ارمان وكتيابر,
«ەگەمەن قازاقستان»
الماتى
