كەزدەسۋدە ەرلان سىدىقوۆ بىرىككەن اراب امىرلىكتەرىنىڭ ۋنيۆەرسيتەتتەرىمەن شارتتىق قارىم-قاتىناستاردىڭ ماڭىزدىلىعىن اتاي كەلە, ەلدەگى جوعارى ءبىلىم بەرۋ جۇيەسىن جەتىلدىرۋ مەن بىلىكتى كادرلاردى دايارلاۋدىڭ جاي-كۇيىنە باسا نازار اۋداردى.
- قازىرگى زامان تالابى – ەلىمىزدەگى جاستاردىڭ ءبىلىمى مەن بىلىكتىلىگىن ارتتىرۋ. ال ونىڭ بىردەن-ءبىر جولى بىلىكتى, كاسىبي مامان دايارلاۋ. وسى تۇرعىدان كەلگەندە قازىرگى زامانعى تەحنولوگيالار مەن جوعارى يننوۆاتسيالىق الەۋەتكە يە ارىپتەستەرىمىزدە ءبىلىم الۋدىڭ مۇمكىندىگى زور. بىرىككەن اراب امىرلىكتەرىنىڭ ءبىلىم ءمينيسترى حۋسسەين يبراگيم ءال-حاممادي, بىرىككەن اراب امىرلىكتەرى ۋنيۆەرسيتەتىنىڭ كانتسلەرى سايد احمەد گوباشپەن وتكەن سەنىمدى ديالوگ كوپ جوسپارلى بىرلەسكەن مىندەتتەرمەن نىعايتىلدى, -دەدى قازاقستان جوو رەكتورلار كەڭەسىنىڭ توراعاسى.
قازاقستان رەسپۋبليكاسىنىڭ بىرىككەن اراب امىرلىكتەرىندەگى توتەنشە جانە وكىلەتتى ەلشىسى ماديار مەڭىلبەكوۆ قاتىسقان سالتاناتتى شاراداعى جەمىستى ديالوگ قورىتىندىسى بويىنشا تاراپتار بۇرىن قولدانىلىپ كەلگەن مەموراندۋمعا قوسىمشا كەلىسىم جاسادى. قول قويىلعان كەلىسىمدە باكالاۆريات, ماگيستراتۋرا جانە دوكتورانتۋرا باعىتتارى بويىنشا ءبىلىم بەرۋ باعدارلامالارىن بىرلەسىپ ازىرلەۋ كوزدەلگەن.
سونىمەن قاتار ەكى جاقتى كەزدەسۋ بارىسىندا اكادەميالىق ۇتقىرلىق باعدارلاماسى اياسىندا جوعارى وقۋ ورىندارىنىڭ ىنتىماقتاستىعىن دامىتۋ باعىتتارى دا بار.
ماسەلەن, ەۋرازيا ۇلتتىق ۋنيۆەرسيتەتى بىرىككەن اراب امىرلىكتەرى ۋنيۆەرسيتەتىمەن 2015 جىلدان بەرى ىنتىماقتاستىق بايلانىستا. دەيتۇرعانمەن, وسى ساپار بارىسىندا ىنتىماقتاستىق اياسى كەڭىپ, ققازاقستاندىق ۋنيۆەرسيتەتتەر ءۇش دەڭگەيلى وقىتۋ جۇيەسى: باكالاۆريات, ماگيستراتۋرا, دوكتورانتۋرا بويىنشا ءبىلىم بەرۋ باعدارلامالارىن بىرلەسە ازىرلەۋمەن قاتار, جوعارى بىلىكتى عىلىمي-پەداگوگيكالىق كادرلار مەن مامانداردى دايارلاۋ, بىرلەسكەن عىلىمي-تەحنيكالىق زەرتتەۋلەر جۇرگىزەتىن بولدى.
سونىمەن قاتار, ل.ن.گۋميلەۆ اتىنداعى ەۋرازيا ۇلتتىق ۋنيۆەرسيتەتىنىڭ بىلىكتىلىكتى جەتىلدىرۋ جانە قوسىمشا ءبىلىم بەرۋ ينستيتۋتى بىرىككەن اراب امىرلىكتەرىنىڭ وكىلدەرى شەتەل ازاماتتارى ءۇشىن ورىس ءتىلىن وقىتۋ بويىنشا ءبىلىم بەرۋ قىزمەتتەرىن كورسەتەدى. بۇگىنگى تاڭدا ءباا-ءنىڭ 13 ازاماتى وسى ورتالىقتا ءبىلىم الىپ جاتىر.
كەزدەسۋ قورىتىندىسىندا ءسوز العان ل.ن. گۋميلەۆ اتىنداعى ەۋرازيا ۇلتتىق ۋنيۆەرسيتەتىنىڭ رەكتورى, قازاقستان جوو رەكتورلار كەڭەسىنىڭ توراعاسى ەرلان سىدىقوۆ ارىپتەستەرىنە جىلى لەبىزىن بىلدىرە كەلىپ, بىرىككەن اراب امىرلىكتەرىندە قازاقستاندىق جوعارى ءبىلىم بەرۋ جۇيەسىنىڭ وكىلدەرى ءۇشىن العاش رەت وسىنداي جوعارى دەڭگەيدە وتكەن ايتۋلى كەزدەسۋ مەملەكەتتەر اراسىنداعى ءبىلىم بەرۋ قىزمەتى سالاسىنداعى جەمىستى ديالوگ الاڭىنا اينالاتىنىن جانە ءبىلىم بەرۋ مەن عىلىمي ىنتىماقتاستىق سالاسىنداعى قاتىناستاردى نىعايتۋعا جاسالعان تاعى ءبىر قادام ەكەنىن اتاپ ءوتتى.
