29 ناۋرىز، 2019

شايبالى حوككەي: «نوماد» ەسەپتى تەڭەستىردى

318 رەت كورسەتىلدى

شايبالى حوككەيدەن قازاقستان چەمپيوناتىنىڭ جارتىلاي فينالدىق سايىستار سەرياسىنىڭ التىنشى ماتچىندا الماتىنىڭ «نومادى» كوكشەتاۋدىڭ «ارلانىن» 3:1 ەسەبىمەن ۇتتى.

نۇر-سۇلتاندا وتكەن كەزدەسۋدىڭ ءبىرىنشى كەزەڭىندە كورەرمەندەر سوعىلعان گولدى كورە العان جوق. ەلوردالىق «بارىس» كحل-دىڭ پلەي-وفف باسەكەسىنەن شىعىپ قالعاننان كەيىن «نومادتىڭ» جەيدەسىن كيگەن نيكيتا ميحايليس 35-مينۋتتا ەسەپ اشتى. ءۇشىنشى كەزەڭنىڭ باسىندا ياروسلاۆ ەۆدوكيموۆ مەرگەندىك تانىتتى. 52-مينۋتتا دميتري شيتيكوۆ ەسەپ ايىرماشىلىعىن قىسقارتقانىمەن، 56-مينۋتتا دميتري گرەنتس تارازى باسىن تەڭەستىرىپ، ماتچتىڭ سوڭعى نۇكتەسىن قويدى.

وسىلايشا، قوس كوماندا اراسىنداعى باسەكەلەر سەرياسىندا تارازى باسى تەڭەستى ­– 3:3. ەندى كەلەسى ويىندا جەڭگەن كوماندا اقتىق سىندا كۇش سىناسۋ قۇرمەتىنە يە بولادى. سول ۇجىم فينالدا اتىراۋدىڭ «بەيبارىسىمەن» كۇش سىناسادى.  

عالىم سۇلەيمەن،

«Egemen Qazaqstan»

سوڭعى جاڭالىقتار

قاي سالادا جالاقى ءوستى؟

ەكونوميكا • كەشە

رەسەي ازاماتتارى العىس ايتتى

ايماقتار • 26 اقپان، 2021

ۇقساس جاڭالىقتار