كۇرەس كۇشەيە بەرمەك
سەنبى, 29 جەلتوقسان 2012 7:13
مەملەكەت باسشىسى سىبايلاس جەمقورلىقتىڭ قاتەرى مەن سالدارىن ناقتى باعالاپ, وعان قارسى قاتاڭ جانە ىمىراسىز, ءارى جان-جاقتى جوسپارلى كۇرەستى باستى ماقسات قويىپ وتىر. بۇل ورايدا ەلباسى «الەۋمەتتىك-ەكونوميكالىق جاڭعىرتۋ – قازاقستان دامۋىنىڭ باستى باعىتى» اتتى جولداۋىندا: «جاڭعىرتۋدىڭ ەڭ ماڭىزدى ماسەلەلەرىنىڭ ءبىرى – سىبايلاس جەمقورلىقپەن كەسىمدى كۇرەس. بىزگە سىبايلاس جەمقورلىقپەن كۇرەستىڭ جاڭا ستراتەگياسىن جاساۋ قاجەت», – دەپ اتاپ ءوتتى.
سەنبى, 29 جەلتوقسان 2012 7:13
مەملەكەت باسشىسى سىبايلاس جەمقورلىقتىڭ قاتەرى مەن سالدارىن ناقتى باعالاپ, وعان قارسى قاتاڭ جانە ىمىراسىز, ءارى جان-جاقتى جوسپارلى كۇرەستى باستى ماقسات قويىپ وتىر. بۇل ورايدا ەلباسى «الەۋمەتتىك-ەكونوميكالىق جاڭعىرتۋ – قازاقستان دامۋىنىڭ باستى باعىتى» اتتى جولداۋىندا: «جاڭعىرتۋدىڭ ەڭ ماڭىزدى ماسەلەلەرىنىڭ ءبىرى – سىبايلاس جەمقورلىقپەن كەسىمدى كۇرەس. بىزگە سىبايلاس جەمقورلىقپەن كۇرەستىڭ جاڭا ستراتەگياسىن جاساۋ قاجەت», – دەپ اتاپ ءوتتى.
وسى تاپسىرماعا سايكەس قارجى پوليتسياسى ورگاندارىنىڭ جەدەل قىزمەتى جۇيەلى سىبايلاس جەمقورلىققا جانە «كولەڭكەلى» ەكونوميكاعا قارسى تۇرۋ ارقىلى ەلىمىزدىڭ ەكونوميكالىق قاۋىپسىزدىگىن قامتاماسىز ەتۋگە, ازاماتتار مەن كاسىپكەرلەردىڭ زاڭدى قۇقىقتارى مەن مۇددەلەرىن قورعاۋعا باعىتتالعان. جەمقورلىق كورىنىستەرىنىڭ الدىن الۋ جانە ولارعا جول بەرمەۋ سىبايلاستىققا قارسى تۇرۋداعى باسىمدىق بولىپ بەلگىلەنگەن.
دەپارتامەنتتە جىل باسىنان بەرى وسى مىندەتتەردى جۇزەگە اسىرۋ ءۇشىن 593 قىلمىس اشىلدى, ونىڭ ىشىندە 128-ءى اۋىر جانە اسا اۋىر قىلمىستار. 454 قىلمىستىق ءىس وندىرىسپەن اياقتالىپ, سوتقا جولداندى. قايتارىلعان شىعىننىڭ سوماسى 13,4 ملرد. تەڭگەنى قۇرادى. ال سىبايلاس جەمقورلىققا قارسى كۇرەس باعىتى بويىنشا جىل باسىنان 117 قىلمىس اشىلسا, ونىڭ 36-سى جەرگىلىكتى اتقارۋشى ورگانداردىڭ قىزمەتكەرلەرىنە قاتىستى. ولاردىڭ 28-ءى مەملەكەتتىك ساتىپ الۋ سالاسىندا اتقارىلعان جۇمىستىڭ جالعان اكتىلەرىنە قول قويۋ, 4-ءۋى مۇلدەم جۇمىس ىستەمەگەن تۇلعالارعا زاڭسىز ەڭبەكاقى اۋدارۋ ارقىلى بيۋدجەت قاراجاتىن ۇرلاۋ, 2-ءۋى پارا الۋ جانە 2 قىزمەت وكىلەتتىكتەرىن تەرىس پايدالانۋ دەرەگىن قۇراپ وتىر. قوزعالعان قىلمىستىق ىستەر بويىنشا وبلىستىق اكىمدىكتىڭ 2 باسقارما باستىعى, اۋداندىق اكىمدىكتەردىڭ 6 ءبولىم باستىعى, 6 قاتارداعى قىزمەتكەرلەر جانە كوممۋنالدىق مەكەمەلەردىڭ 4 باسشىسى جاۋاپقا تارتىلدى.
ماسەلەن, اعىمداعى جىلى وبلىستاعى الەۋمەتتىك ماڭىزى بار عيماراتتار – ورتا مەكتەپتەردى سالۋ بويىنشا جالعان اكتىلەرگە قول قويىپ, بيۋدجەت قاراجاتىن تالان-تاراجعا ۇشىراتقان شقو قۇرىلىس باسقارماسىنىڭ باستىعى د.سۇلەيمەنوۆكە قاتىستى قىلمىستىق ءىس قوزعالدى. ول 2011-2012 جىلدار ارالىعىندا كۇرشىم اۋدانىنىڭ ۇشبۇلاق, ءۇرجار اۋدانىنىڭ لايبۇلاق, ۇلان اۋدانىنىڭ العاباس اۋىلدارىنداعى مەكتەپ پەن گلۋبوكوە اۋدانىنىڭ جوعارى بەرەزوۆكا اۋىلىندا مەكتەپكە قوسالقى عيمارات سالىندى دەگەن جەلەۋمەن جالعان اكتىلەرگە قول قويعان. د.سۇلەيمەنوۆتىڭ وسى قىلمىستىق ارەكەتتەرىنىڭ ناتيجەسىندە مەملەكەتكە 200 ملن. تەڭگەدەن استام شىعىن كەلتىرىلگەن. سونىمەن قاتار, سەمەي قالاسىنىڭ قۇرىلىس ءبولىمىنىڭ لاۋازىمدى تۇلعالارىنا قاتىستى قىلمىستىق ءىس تەرگەلۋ ۇستىندە. ولار 2011 جىلعى جەلتوقسان ايىندا لاۋازىمدىق وكىلەتتىكتەرىن تەرىس پايدالانىپ, «ەڭبەك-سەمەي» رمك ءۇشىن پايدا تابۋ ماقساتىندا سەمەي قالاسىندا كوپ قاباتتى ۇيلەردى سالۋ بويىنشا جۇمىستىڭ تولىق جۇرگىزىلمەگەنىنە قاراماستان جالعان جۇمىس اكتىلەرىنە قول قويىپ, 233 ملن. تەڭگە سوماسىنداعى بيۋدجەت قاراجاتىن زاڭسىز اۋدارعان. سول سياقتى «نۇرلى كوش» مەملەكەتتىك باعدارلاماسى اياسىندا وسكەمەن قالاسىنىڭ 28-ءشى تۇرعىن اۋدانىندا ءبىر پاتەرلى ۇيلەر كەشەنىن سالۋ بارىسىندا بيۋدجەت قاراجاتىن ۇرلاعان «بىتستروي» جشس باسشىلارىنا قاتىستى 7 قىلمىستىق ءىس قوزعالىپ, تەرگەۋ جالعاسۋدا.
وبلىس جۇرتشىلىعىن تازا اۋىز سۋمەن قامتاماسىز ەتۋگە ارنالعان «اۋىز سۋ», «اقبۇلاق» مەملەكەتتىك باعدارلامالارىنىڭ جۇزەگە اسىرىلۋىنا بولىنگەن بيۋدجەت قاراجاتىن ۇرلاۋ دەرەگى بويىنشا 7 قىلمىستىق ءىس قوزعالدى. ماسەلەن, ۇلان اۋدانىنىڭ ساۋلەت, قالا سالۋ جانە قۇرىلىس ءبولىمىنىڭ بۇرىنعى باستىعى د.قاسەنوۆكە قاتىستى قوزعالعان قىلمىستىق ءىس سوتقا جىبەرىلدى. ول «ەڭبەك-سەمەي» رمك مۇددەسى ءۇشىن ۇلان اۋىلىنداعى سۋ جەلىلەرىن قايتا جوندەۋدەن وتكىزۋ بويىنشا ورىندالماعان جۇمىستاردىڭ اكتىسىنە قول قويىپ, 78,6 ملن. تەڭگەنى تالان-تاراجعا ۇشىراتقان.
سىبايلاس جەمقورلىققا دەم بەرىپ, ەكونوميكالىق قاۋىپسىزدىككە نۇقسان كەلتىرەتىن «كولەڭكەلى» ەكونوميكاعا قارسى كۇرەس تە ءبىزدىڭ جۇمىسىمىزدىڭ باستى باعىتى. وسى سالادا 408 قىلمىس اشىلدى, ونىڭ ىشىندە جالعان كاسىپكەرلىك بويىنشا – 19, زاڭسىز بانكروتتانۋ بويىنشا – 8, سالىق تولەۋدەن جالتارۋ بويىنشا – 41, زاڭسىز ويىن بيزنەسىن ۇيىمداستىرۋ بويىنشا 14 قىلمىستىق ءىس قوزعالدى. سونىمەن قاتار, مەملەكەتتىك ءجانە باسقا دا باقىلاۋشى ورگانداردىڭ بيزنەس وكىلدەرىنىڭ قىزمەتىنە زاڭسىز ارالاسۋ مەن نەگىزسىز تەكسەرىستەردەن قورعاۋدى قامتاماسىز ەتەمىز. وسىعان بايلانىستى, دەپارتامەنتتىڭ نەگىزگى قىزمەتى وبلىستىڭ مەملەكەتتىك ورگاندارىنىڭ لاۋازىمدى تۇلعالارى تاراپىنان زاڭدى بيزنەستىڭ دامۋىنا كەدەرگى كەلتىرەتىن كورىنىستەردىڭ الدىن الۋ جانە ەسكەرتۋگە باعىتتالعان. بۇل باعىتتا دەپارتامەنت وبلىستاعى مەملەكەتتىك ورگانداردىڭ الدى بولىپ شاعىن جانە ورتا كاسىپكەرلىك سۋبەكتىلەرىن مەملەكەتتىك, قۇقىق قورعاۋ جانە باقىلاۋ ورگاندارى تاراپىنان نەگىزسىز تەكسەرۋلەردەن قورعاۋ جونىندەگى مەموراندۋمعا قول قويدى. مەموراندۋمعا قول قويۋ كاسىپكەرلىك سۋبەكتىلەرىنە لاۋازىمدى جانە مەملەكەتتىك ورگاندار تاراپىنان زاڭسىز ارالاسۋدان قورعانۋعا, قولدانىستاعى زاڭنامانى جەتىلدىرۋ بويىنشا ۇسىنىستار ازىرلەۋدە تاراپتاردىڭ بىرلەسىپ قاتىسۋىنا, بىرلەسىپ ءباسپاسوز-كونفەرەنتسيالار, «دوڭگەلەك ۇستەلدەر» وتكىزۋ ارقىلى ماسەلەلەردىڭ وڭتايلى شەشۋ جولدارىن قاراستىرۋعا جول اشادى.
جۇرگىزىلىپ وتىرعان جۇمىستار مەن بيزنەس سۋبەكتىلەرمەن تىعىز ارەكەت ناتيجەسىندە وبلىستىڭ مەملەكەتتىك ورگاندارى لاۋازىمدى تۇلعالارى تاراپىنان ورىن العان بىرقاتار سىبايلاس جەمقورلىق قىلمىستاردى انىقتاۋعا مۇمكىندىك بەردى. وسى باعىتتا شاعىن جانە ورتا بيزنەس سۋبەكتىلەرىنىڭ قىزمەتىنە زاڭسىز ارالاسۋ دەرەگى بويىنشا 15 قىلمىستىق ءىس, ونىڭ ىشىندە 8 قىلمىس پارا الۋ بويىنشا قوزعالىپ, ءتۇرلى مەملەكەتتىك ورگانداردىڭ 9 لاۋازىمدى تۇلعاسى قىلمىستىق جاۋاپكەرشىلىككە تارتىلدى. ماسەلەن, جۋىردا جارما اۋدانىنىڭ قۇرىلىس-ساۋلەت ءبولىمىنىڭ جانە سانيتارلىق ەپيدەميولوگيالىق باقىلاۋ باسقارماسىنىڭ لاۋازىمدى تۇلعالارىنا قاتىستى قىلمىستىق ءىس قوزعالدى. ولار قالباتاۋ اۋىلىندا دوڭگەلەك جوندەۋ تسەحىن سالماقشى بولعان جەكە كاسىپكەرگە رۇقسات قاعازدارىن تەزدەتىپ بەرۋلەرى ءۇشىن ودان 150 مىڭ تەڭگە پارا تالاپ ەتىپ, ونى الۋ ۇستىندە قولعا ءتۇستى. قىلمىستىق ءىس تەرگەلۋ ۇستىندە. جەكە كاسىپكەردەن وعان ۆەتەرينارلىق سەرتيفيكاتتاردى كەدەرگىسىز بەرۋى ءۇشىن پارا الۋ ۇستىندە قولعا تۇسكەن بەسقاراعاي اۋداندىق ۆەتەرينارلىق-سانيتارلىق ءبولىمىنىڭ باستىعى مامىقانوۆقا قاتىستى قىلمىستىق ءىس سوتقا جولداندى.
مىنە, وسىلايشا سىبايلاس جەمقورلىق پەن ەكونوميكالىق قىلمىسقا قارسى كۇرەس تەك بۇكىل قوعامنىڭ قولداۋىمەن عانا ءتيىمدى بولماق. ءبىز حالىقتىڭ قارجى پوليتسياسى ورگاندارىنىڭ قىزمەتىنە سەنىمىن ارتتىرۋعا جانە ازاماتتىق قوعامنىڭ سۋبەكتىلەرىمەن ءوزارا ءىس-قيمىلدى نىعايتۋعا باعىتتالعان شارالار كەشەنىن ودان ءارى جالعاستىرا بەرەمىز.
بادەلحان قامالحان ۇلى,
شىعىس قازاقستان وبلىسى بويىنشا ەكونوميكالىق قىلمىسقا جانە سىبايلاس جەمقورلىققا قارسى
كۇرەس دەپارتامەنتىنىڭ باستىعى.
وسكەمەن.
