24 ساعات
سارسەنبى, 31 قازان 2012 7:55
نيۋ-يوركتىڭ ىشىنارا سۋ باسقان كۆينس اۋدانىندا «سەندي» داۋىلىنىڭسالدارىنان كۇشتى ورت بولدى. كەم دەگەندە 50 عيمارات ورتەنسە, كوپشىلىگى تولىقتاي جانىپ كەتتى. وڭىردە مىڭداعان اۆيارەيستەر توقتاتىلىپ, نيۋ-يوركتە مەترو جابىلىپ قالدى. 7 ميلليونداي ادام جارىقسىز وتىر. قازا تاپقاندار سانى, سوڭعى دەرەك بويىنشا, 15 ادامعا جاقىندادى. تابيعات اپاتىنىڭ جالپى شىعىنى قازىردىڭ ءوزىندە 20 ميلليارد دوللارعا باعالانۋدا.
سارسەنبى, 31 قازان 2012 7:55
نيۋ-يوركتىڭ ىشىنارا سۋ باسقان كۆينس اۋدانىندا «سەندي» داۋىلىنىڭسالدارىنان كۇشتى ورت بولدى. كەم دەگەندە 50 عيمارات ورتەنسە, كوپشىلىگى تولىقتاي جانىپ كەتتى. وڭىردە مىڭداعان اۆيارەيستەر توقتاتىلىپ, نيۋ-يوركتە مەترو جابىلىپ قالدى. 7 ميلليونداي ادام جارىقسىز وتىر. قازا تاپقاندار سانى, سوڭعى دەرەك بويىنشا, 15 ادامعا جاقىندادى. تابيعات اپاتىنىڭ جالپى شىعىنى قازىردىڭ ءوزىندە 20 ميلليارد دوللارعا باعالانۋدا.
كانادانىڭ باتىس جاعالاۋىندا ماگنيتۋداسى 6,3 باللدىق جەر سىلكىنىسى بولدى. جەر ءسىلكىنىسىنىڭ ەپيتسەنترى بريتانيا كولۋمبياسى پروۆينتسياسىندا تىركەلگەن. كانادا بيلىگى ازىرشە ءزىلزالا سالدارى تۋرالى ەشقانداي اقپارات تاراتقان جوق. ال جاقىن ۋاقىتتا كانادانىڭ شىعىس جاعالاۋىنا «سەندي» داۋىلى جەتەدى دەپ كۇتىلۋدە.
تۇركيا سىرتقى ىستەر مينيسترى احمەت داۋىتوعلى رەسەيدىڭ سيريانىڭ ءىس باسىنداعى ۇكىمەتىمەن ۇنقاتىسۋعا كەلۋ تۋرالى ۇسىنىسىنان ءۇزىلدى-كەسىلدى باس تارتتى. رەسەي سىرتقى ىستەر ءمينيسترى سەرگەي لاۆروۆتىڭ پىكىرىنشە, مۇنداي ۇنقاتىسۋسىز سيريا جانجالىن بەيبىت رەتتەۋ باعىتىنداعى پروگرەسكە قول جەتكىزۋ ءىس جۇزىندە مۇمكىن ەمەس.
سيريا ب ۇلىكشىلەرى مەن ۇكىمەتتىك اسكەرلەر اراسىندا حومس قالاسى ماڭىنداعى اسكەري بازادا كەسكىلەسكەن ۇرىستار ءجۇرىپ جاتىر. قورشاۋداعى ۇكىمەت ءاسكەرلەرىنە كومەككە اۆياتسيا تارتىلدى. بىراق حومستى قورشاپ تۇرعاندار كەرى شەگىنەر ەمەس. حومس توڭىرەگىمەن قاتار, ۇرىس قيمىلدارى الەپپو-داماسك تاسجولى بويىندا تۇرعان ءال-نۋمان قالاسىندا دا جالعاسقان. ۇكىمەت اسكەرلەرى ب ۇلىكشىلەردى اتالعان ەلدى مەكەننەن ءبىر ايدان بەرى ىعىستىرىپ شىعارا الماۋدا.
باحرەين باسشىلىعى كەشە ەلدەگى قاۋىپسىزدىك احۋالى جاقسارعانشا جانە ۇلتتىق بىرلىك قالپىنا كەلتىرىلگەنشە كەز كەلگەن كوپشىلىك جينالىستار مەن ميتينگىلەر ءوتكىزۋگە تىيىم سالدى. ەل ىشكى ىستەر مينيسترلىگىنىڭ بۇيرىعىنا سايكەس, اتالعان احۋال قالىپتاسقانشا ءىس جۇزىندە ءتوتەنشە جاعداي رەجىمىن ءبىلدىرەتىن قاتال زاڭدار ەنگىزىلەتىن بولادى.
كەشەگى مالىمەتكە قاراعاندا, ۋكراينا وسك-ءسى جوعارعى راداعا سايلاۋ بيۋللەتەندەرىنىڭ 90 پايىزىن قاراپ ۇلگەرگەن. ونداعى دەرەك بويىنشا, الدا بۇرىنعىسىنشا بيلەۋشى ايماقتار پارتياسى كەلەدى ەكەن. ونىڭ جيناعان داۋىسى 31,51 پايىز. بىرلەسكەن وپپوزيتسيا 24,5 پايىز داۋىس جيناپتى. ءۇشىنشى ورىنداعى كومپارتيانىڭ كورسەتكىشى – 13,77 پايىز. ودان ءسال عانا قالىس بوكسشى ۆيتالي كليچكونىڭ ۋدار پارتياسى تۇر – 13,52 پايىز.
گرۋزيانىڭ جاڭا باس پروكۋرورى ارچيل كبيلاشۆيلي ەل سوتتارى ەكى اپتاعا ىستەردى قاراۋدى توقتاتاتىنىن ءمالىمدەدى. جاڭا باسشى بۇل ارەكەتتى پروكۋراتۋراداعى كادرلار اۋىسۋىمەن, سونداي-اق اعىمداعى ىستەردى قايتا قاراۋ قاجەتتىگىمەن ءتۇسىندىردى. ونىڭ پىكىرىنشە, بۇرىنعى رەجىمدە ءىستى بولعان كەيبىر ادامدار اقتالىپ شىعۋى ىقتيمال. ال بۇل ۇندەۋگە سۋديالاردىڭ قالاي قارايتىنى ازىرشە بەيمالىم.
اقپارات اگەنتتىكتەرى ماتەريالدارى نەگىزىندە ازىرلەندى.
