ازيا بىرىنشىلىگىندە قازاقستان اتىنان 2002-2003 جىلى تۋعان 17 سپورتشى باق سىنادى.
2 التىن, 1 كۇمىس جانە 4 قولا مەدال يەلەنگەن قازاقستان قۇراماسى كوماندالىق ەسەپتە بەسىنشى ورىنعا تابان تىرەدى. ءبىرىنشى ورىندا قىتاي, ەكىنشى ورىندا ءۇندىستان, ءۇشىنشى ساتىدا جاپونيا كوماندالارى.
2017 جىلى تايلاندتا وتكەن چەمپيوناتپەن سالىستىرعاندا, بۇل دودا ءبىزدىڭ كوماندا ءۇشىن ءساتتى ءوتتى. ويتكەنى, ەكى جىل بۇرىنعى سىندا قازاقستاندىق سپورتشىلار ءبىر كۇمىس جانە ءبىر قولا مەدالدى قاناعات تۇتقان.
ءبىرىنشى جارىس كۇنىندە پولينا يۆانوۆا سىرىقپەن سەكىرۋدەن ازيا چەمپيونى اتانسا, ۆاسيليسا فاحرۋتدينروۆا 2000 مەترگە كەدەرگىلەر ارقىلى جۇگىرۋدەن كۇمىس مەدال جەڭىپ الدى.
ەكىنشى جارىس كۇنىندە ەفيم تاراسوۆ 400 مەترگە جارىسۋدان ءۇشىنشى ورىن يەلەنسە, الەكساندرا زاليۋبوۆسكايا وسى قاشىقتىقتا ۇزدىكتەر قاتارىنا ەندى.
جارىستىڭ ءۇشىنشى كۇنىندە ادينا ماقسۇتوۆا كوپسايىستان چەمپيون اتانىپ قويماي, قۇرلىق دوداسنىڭ جاڭا رەكوردىن ورناتتى. جەتى سايىستىڭ بەسەۋىندە جەڭىسكە جەتىپ, 5345 ۇپاي جيناعان سپورتشىمىز التىننان القا تاقتى.
سونداي-اق, قازاقستاندىق سپورتشىلار ەستافەتا مەن ءۇش قارعىپ سەكىرۋدەن قولا جۇلدەگەر اتاندى.
