16 ناۋرىز، 2019

ا. مامين شىمكەنتتى دامىتۋدىڭ جانە قۇرىلىس جۇرگىزۋدىڭ كەشەندى جوسپارىن جىلدام قابىلداۋدى تاپسىردى

767 رەتكورسەتىلدى

پرەمەر-مينيستر اسقار مامين جۇمىس ساپارى اياسىندا شىمكەنت قالاسىنىڭ اكتيۆىمەن قالانىڭ الەۋمەتتىك-ەكونوميكالىق دامۋىنىڭ وزەكتى ماسەلەلەرى جونىندە كەڭەس وتكىزدى.

كەڭەستى اشا وتىرىپ، پرەمەر-مينيستر مەملەكەت باسشىسىنىڭ جارلىعىمەن شىمكەنت قالاسىنا رەسپۋبليكالىق ماڭىزى بار قالا ستاتۋسى بەرىلگەنىن اتاپ ءوتتى. ەلباسى شىمكەنت قالاسىنىڭ الەۋمەتتىك-ەكونوميكالىق، ينفراقۇرىلىمدىق جانە وندىرىستىك دامۋىنا ەرەكشە كوڭىل بولەدى. بۇل باعىتتا پرەزيدەنت شىمكەنت قالاسىن دامىتۋدىڭ جانە قۇرىلىس جۇرگىزۋدىڭ 2023 جىلعا دەيىنگى كەشەندى جوسپارىن دايىنداپ، بەكىتۋدى تاپسىردى.

«بۇگىندە شىمكەنت – بۇل ەلىمىزدىڭ ميلليون تۇرعىنى بار جەتەكشى ونەركاسىپتىك، ەكونوميكالىق جانە مادەني ورتالىقتارىنىڭ ءبىرى. مەملەكەت باسشىسى “نۇر وتان” پارتياسىنىڭ سەزىندە ۇكىمەتكە جانە اكىمدىكتەرگە ەلدىڭ ءىرى قالالارىنىڭ شەتكى ايماقتارىن اباتتاندىرۋعا جانە پروبلەمالارىن شەشۋگە ەرەكشە نازار اۋدارۋدى تاپسىردى»، — دەپ ا. مامين “قالا اكىمدىگىنە جاڭا جانە سالىنىپ جاتقان اۋدانداردىڭ تۇرعىندارىنىڭ وزەكتى ماسەلەلەرىنە كوبىرەك كوڭىل ءبولىپ، بىردەن ءۇن قاتۋ قاجەت ەكەنىن، ال ەڭ باستىسى — بۇل پروبلەمالاردى شەشۋ كەرەك” ەكەنىن باسا ايتتى.

شىمكەنت قالاسىنىڭ اكىمى ع. ءابدىراحىموۆ شىمكەنتتىڭ دامۋىنىڭ جانە قۇرىلىس جۇرگىزۋدىڭ 2023 جىلعا دەيىنگى كەشەندى جوسپارى جوباسىن ەسكەرۋمەن قالانىڭ اعىمداعى جاعدايى مەن دامۋ كەلەشەگى تۋرالى باياندادى. قالادا بىرقاتار الەۋمەتتىك ماڭىزى بار جانە ينفراقۇرىلىمدىق نىسانداردىڭ قۇرىلىسى جوسپارلانعان. ولاردىڭ قاتارىندا، اۋەجايدىڭ جاڭا تەرمينالىنىڭ قۇرىلىسى، تەمىر جول ۆوكزالىنىڭ، اينالما جولدىڭ رەكونسترۋكتسياسى، قوعامدىق كولىكتى جاڭارتۋ، ەلەكتروندى بيلەت بەرۋدى ەنگىزۋ شارالارى بار. حالىقتىڭ الەۋمەتتىك ءالجۋاز توپتارىنىڭ تۇرعىن ءۇي ماسەلەلەرىن شەشۋ ءۇشىن بيىل «سەن جالعىز ەمەسسىڭ» جوباسى ىسكە اسىرىلىپ جاتىر، ونىڭ اياسىندا دەمەۋشىلەر ەسەبىنەن باسپاناسى جوق از قامتىلعان وتباسىلار ءۇشىن تۇرعىن ۇيلەر سالۋ جوسپارلانعان.

ءبىرىنشى قارجى ۆيتسە-ءمينيسترى ب. شولپانقۇلوۆ، ۇلتتىق ەكونوميكا ۆيتسە-ءمينيسترى س. جۇمانعارين، يندۋستريا جانە ينفراقۇرىلىمدىق دامۋ ۆيتسە-ءمينيسترى ق. وسكەنباەۆ، ەنەرگەتيكا ۆيتسە-ءمينيسترى م. مىرزاعاليەۆ، مادەنيەت جانە سپورت ۆيتسە-ءمينيسترى ە. قوجاعاپانوۆ، اۋىل شارۋاشىلىعى ۆيتسە-ءمينيسترى ە. نىسانباەۆ، دەنساۋلىق ساقتاۋ ۆيتسە-ءمينيسترى و. ابىشەۆ، ءبىلىم جانە عىلىم ۆيتسە-ءمينيسترى ت. ەشەنقۇلوۆ كەشەندى جوسپار شارالارى ەكونوميكانىڭ جەكەلەگەن باعىتتارىنىڭ دامۋىنا جانە ونى ىسكە اسىرۋدى قارجىلىق قامتاماسىز ەتۋ ماسەلەلەرىنە قالاي ىقپال تيگىزەتىنى تۋرالى باياندادى. باياندالعان اقپاراتقا سايكەس، جوسپاردا قالا ەكونوميكاسىن ودان ءارى دامىتۋ، تۇرعىن ءۇي ماسەلەلەرىن شەشۋ، تكش جاڭعىرتۋ، قاجەتتى ينجەنەرلىك ينفراقۇرىلىم جۇرگىزۋ، جىلۋمەن، گازبەن قامتۋ، سونداي-اق ءبىلىم جانە دەنساۋلىق ساقتاۋ سالاسىنداعى قىزمەتتەردىڭ ساپاسى مەن قولجەتىمدىلىگىن ارتتىرۋ بويىنشا ءىس-شارالار قاراستىرىلعان. سونىمەن قاتار، اۋە قاتىناستارىن دامىتۋ ماسەلەلەرى تۋرالى «SCAT» اۋە كومپانياسىنىڭ پرەزيدەنتى ۆ. دەنيسوۆ ءوز وي-پىكىرىن جەتكىزدى.

كەڭەس بارىسىندا پرەمەر-مينيستر شىمكەنت قالاسىندا جەڭىل ونەركاسىپتى دامىتۋ الەۋەتى زور ەكەنىن، وسى جۇمىس ساپارى بارىسىندا بارىپ كورگەن، اەا-دا ورنالاسقان كاسىپورىندار وعان دالەل بولا الاتىنىن اتاپ ءوتتى.

مەملەكەت باسشىسىنىڭ تاپسىرماسىنا سايكەس، قاراپايىم زاتتار ەكونوميكاسىن دامىتۋعا 600 ملرد تەڭگە ءبولىندى، ونىڭ 400 ملرد تەڭگەسى وڭدەۋ ونەركاسىبىنە باعىتتالادى. پرەزيدەنتتىڭ اتالعان باعىتتاعى تاپسىرمالارىن ورىنداۋ تۋرالى «قازاقستاندىق يندۋستريانى دامىتۋ ينستيتۋتى» اق باسقارما ءتورايىمى د. ءجۇنىسوۆا باياندادى.

تالقىلاۋ قورىتىندىسى بويىنشا پرەمەر-مينيستر قىسقا ۋاقىت ىشىندە كەشەندى جوسپاردى قابىلداۋ بويىنشا بارلىق قاجەتتى راسىمدەردى اياقتاۋدى تاپسىردى. بۇل ورايدا، حالىقتىڭ ءومىر ساپاسىن جاقسارتىپ، تابىسىن ارتتىرۋعا ەرەكشە كوڭىل ءبولىنۋى ءتيىس.

«ەلباسىمىزدىڭ “الەۋمەتتىك قامقورلىق” جاڭا الەۋمەتتىك باستامالارى ازاماتتاردىڭ جەكە ساناتتارىن الەۋمەتتىك قولداۋدى كۇشەيتۋگە، كوپ بالالى وتباسىلاردى تۇرعىن ۇيمەن قامتۋعا، وڭىرلىك ينفراقۇرىلىمدى دامىتۋعا جانە “اۋىل – ەل بەسiگi” ارنايى جوباسىن ىسكە اسىرۋعا باعىتتالعان»، — دەپ ا. مامين، جوسپارلانعان بارلىق قولداۋ شارالارىن ۋاقىتىلى كورسەتۋ قاجەتتىگىن اتاپ ءوتتى.

سوڭعى جاڭالىقتار

ۇقساس جاڭالىقتار