شاراينا
بەيسەنبى, 12 شىلدە 2012 7:40
سيريا جونىندەگى قارار جوباسى
رەسەي بۇۇ-نىڭ قاۋىپسىزدىك كەڭەسىنە سيريا بويىنشا قارار جوباسىنازىرلەپ ۇسىندى. جوبا سيرياداعى حالىقارالىق بايقاۋشىلاردىڭ بولۋمەرزىمىن ءۇش ايعا ۇزارتۋدى قاراستىرادى. بۇل تۋرالى رەسەيدىڭ«جاڭالىقتار» اقپارات اگەنتتىگى حابارلادى.
بەيسەنبى, 12 شىلدە 2012 7:40
سيريا جونىندەگى قارار جوباسى
رەسەي بۇۇ-نىڭ قاۋىپسىزدىك كەڭەسىنە سيريا بويىنشا قارار جوباسىنازىرلەپ ۇسىندى. جوبا سيرياداعى حالىقارالىق بايقاۋشىلاردىڭ بولۋمەرزىمىن ءۇش ايعا ۇزارتۋدى قاراستىرادى. بۇل تۋرالى رەسەيدىڭ«جاڭالىقتار» اقپارات اگەنتتىگى حابارلادى.
رەسەيدىڭ بۇۇ جانىنداعى تۇراقتى وكىلىنىڭ ءبىرىنشى ورىنباسارى الەكساندر پانكيننىڭ سوزىنە قاراعاندا, ۇسىنىلعان قاراردىڭ ءمانى بۇۇ-نىڭ سيريا بويىنشا ارنايى وكىلى كوفي انناننىڭ كۇش-جىگەرىنە قولداۋ كورسەتۋ بولىپ تابىلادى. جالپى, اقش باستاعان باتىس ەلدەرى سيريا پرەزيدەنتى باشار اسادتىڭ پرەزيدەنتتىكتەن كەتكەنىن قالاسا, رەسەي بۇعان قارسى ۇستانىمدا.
پرەزيدەنت دەكرەتىنىڭ كۇشىن جويدى
مىسىردىڭ كونستيتۋتسيالىق سوتى ەلدىڭ جاڭا تاعايىندالعانپرەزيدەنتى موحاممەد ءمۋرسيدىڭ اسكەريلەر بيلىكتە تۇرعان كەزدەتاراتقان پارلامەنتتى جۇمىسىنا قايتارۋ تۋرالى دەكرەتىنىڭ كۇشىنجويدى.
قۇرامىندا يسلاميستەردىڭ «مۇسىلمان باۋىرلار» پارتياسىنىڭ وكىلدەرى كوپ جاڭادان سايلانعان پارلامەنت كونستيتۋتسيالىق سوت تاراپىنان وسىلايشا زاڭسىز دەپ تابىلىپ وتىر. ول سايلاۋ زاڭ بۇزۋشىلىقتارمەن ءوتتى دەپ ەسەپتەيدى. سوت مۇنداي شەشىمدى 14 ماۋسىمدا قابىلداعان ەدى. بىراق مۋرسي 8 شىلدەدە جوعارىداعىداي دەكرەتكە قول قويعان بولاتىن. كونستيتۋتسيالىق سوت ونى زاڭسىز دەپ تاۋىپ, كۇشىن جويدى.
كەنشىلەر ەرەۋىلى ەسكەرىلە مە؟
يسپانيادا كەنشىلەر جاپپاي ەرەۋىلگە شىققان ەدى. ولار ۇكىمەتتىڭ كومىرءوندىرىسى سالاسىن سۋبسيديالاۋدى 63 پايىزعا قىسقارتۋ تۋرالىشەشىمىنە وسىلايشا نارازىلىق بىلدىرگەن بولاتىن. كەشە ەرەۋىلشىلەر400 شاقىرىم ءجۇرىپ ءوتىپ, ءمادريدتىڭ باس الاڭىنا اتباسىن تىرەدى.
كەنشىلەرگە پوليتسيا رەزەڭكە وق اتىپ, رايلارىنان قايتارماقشى بولعان ەدى. بىراق ولارعا قالا تۇرعىندارى كومەككە كەلگەندىكتەن, ءتارتىپ ساقشىلارى شەگىنۋگە ءماجبۇر بولدى. كەنشىلەر بۇرىنعى ۋاعدالاستىقتاردىڭ ورىندالعانىن عانا قالايتىنىن, جاڭا تالاپ قويمايتىنىن ءمالىمدەۋدە. ەگەر سۋبسيديالاۋ قىسقارسا, 10 مىڭداعان كەنشى جۇمىسسىز قالماق.
كورەيا باسشىسىنىڭ باۋىرى ۇستالدى
وڭتۇستىك كورەيا پرەزيدەنتى لي مەن باكتىڭ اعاسى لي سان دىكجەمقورلىق تۋرالى ءىس بويىنشا قاماۋعا الىندى. كەشە «فرانس-پرەسس»اگەنتتىگى حابارلاعانداي, سەۋل سوتى پروكۋراتۋرانىڭ ونىتۇتقىنداۋ تۋرالى ۇسىنىسىن قاناعاتتاندىرعان.
76 جاستاعى لي سان دىك ەلدەگى ەكى ءىرى بانكتەن ولارعا قاتىستى جۇرگىزىلىپ جاتقان تەكسەرۋلەردى توقتاتۋعا ۋادە بەرىپ, ەسەسىنە پارا تالاپ ەتكەن دەگەن كۇدىك بار. تەكسەرۋ دەرەكتەرىنشە, پرەزيدەنتتىڭ باۋىرى 2007 جانە 2011 جىلدار ارالىعىندا كەم دەگەندە 600 ميلليون ۆون (525 مىڭ دوللار) پارا العان. ال ەكى بانكتىڭ جۇمىسى قارجى جەتپەگەندىكتەن توقتاتىلعان.
بەسەسكۋدىڭ يمپيچمەنتى زاڭدى
رۋمىنيا پارلامەنتى ەل پرەزيدەنتى ترايان بەسەسكۋ قىزمەت بابىن اسىرا پايدالاندى دەپ شەشىپ, وعان قارسى يمپيچمەنت جاريالاعانى بەلگىلى. ەندى ەلدە اتالعان ماسەلە بويىنشا رەفەرەندۋم وتكىزىلەتىن بولدى. وعان سايلاۋشىلاردىڭ كەم دەگەندە 50 پايىزى كەلسە, رەفەرەندۋم وتكىزىلگەن بولىپ تانىلادى.
رەفەرەندۋم وتكىزۋ تۋرالى شەشىمدى بۇرناعى كۇنى رۋمىنيانىڭ كونستيتۋتسيالىق سوتى قابىلدادى. ال كوپشىلىگى بەسەسكۋدىڭ ساياسي باسەكەلەستەرى بولىپ تابىلاتىن پارلامەنت 6 شىلدەدە پرەزيدەنتتىڭ يمپيچمەنتىنە داۋىس بەرگەن ەدى. ەندى, جوعارىدا اتاپ كورسەتىلگەنىندەي, ەلدىڭ كونستيتۋتسيالىق سوتى پرەزيدەنتكە يمپيچمەنتتىڭ زاڭدىلىعىن قۋاتتاپ بەردى.
ۇزاق جىلعى ءۇزىلىس ءۇزىلدى
كەشە ميانما جەرىنە (بۇرىنعى بيرما) 22 جىلعى ۇزىلىستەن كەيىن العاش رەت اقش ەلشىسىنىڭ اياعى ءتيدى. اقش-تىڭ ميانماداعى ەلشىسى قىزمەتىنە 47 جاستاعى دەرەك ميتچەلل كىرىسەتىن بولدى. ول وتكەن جىلدىڭ ساۋىرىنەن بەرى اقش پرەزيدەنتى باراك وبامانىڭ ميانماداعى ارنايى وكىلى بولىپ كەلگەن-ءتىن.
ميانمامەن ديپلوماتيالىق قاتىناسىن قايتا ورناتۋ تۋرالى شەشىمىن ۆاشينگتون ۇستىمىزدەگى جىلدىڭ قاڭتارىندا جاريالاعان ەدى. بۇل قادام ميانمادا بىرقاتار ساياسي رەفورمالار جۇرگىزىلۋىنە وراي جاسالعان بولاتىن. ماسەلەن, 2011 جىلى ەلدى 1962 جىلدان بەرى باسقارىپ كەلگەن اسكەري حۋنتا بيلىكتى ازاماتتىق ۇكىمەتكە وتكىزىپ بەرگەن ەدى.
قىسقا قايىرىپ ايتقاندا:
ساراپشىلار ەۋروايماقتا جۇمىسسىزدىق دەڭگەيى 2013 جىلدىڭ سوڭىنا دەيىن وسى كولەمدە ساقتالاتىنىن كولدەنەڭ تارتىپ وتىر. ياعني, جۇمىسسىزدىق بيىل 10,5 پايىزدى قۇراسا, كەلەسى جىلدىڭ سوڭىنا قاراي 11 پايىز توڭىرەگىندە بولماق.
ليۆيادان يتاليا جاعالاۋلارىنا رەزەڭكە قايىقپەن جەتپەكشى بولعان 54 ميگرانت شولدەن مەرت بولدى. ءبىر ءوزى عانا امان قالعان ەريترەي ازاماتىن ءتۋنيستىڭ جاعالاۋ كۇزەتى قىزمەتكەرلەرى قۇتقارىپ قالىپتى. جىل باسىنان بەرگى ولگەن بوسقىندار سانى 170 ادامعا جەتىپ وتىر.
قىرعىزستاننىڭ قورعانىس مينيسترلىگى ەل اۋماعىندا ورنالاسقان رەسەيدىڭ ءۇش اسكەري بازاسى ءۇشىن جالدىق اقىنى كوتەرەتىن بولدى. قورعانىس ءمينيسترى تاالايبەك ومۋراليەۆتىڭ ءتۇسىندىرۋىنشە, اقىنىڭ كوتەرىلۋى ينفلياتسيامەن بايلانىستى.
رەسەي مەن ۋكراينا ازوۆ تەڭىزىندەگى شەكارا مەن كەرچ بۇعازىنداعى شەكارانى ۋكراينا شارتى بويىنشا دەليميتاتسيالاۋ تۋرالى كەلىسىمگە كەلدى. ءتيىستى قۇجاتقا بۇگىن قىرىمدا رەسەي پرەزيدەنتى ۆلاديمير پۋتين مەن ۋكراينا پرەزيدەنتى ۆيكتور يانۋكوۆيچ قول قويادى دەپ كۇتىلۋدە.
ينتەرنەت ماتەريالدارى نەگىزىندە ازىرلەندى.
