باسقا باسىلىمداردان
سەنبى, 31 ناۋرىز 2012 7:55
قارۋسىزدانۋكوشباسشىسى
قازاقستان پرەزيدەنتىنۇرسۇلتان نازارباەۆتىڭباستاماسى الەمنازارىندا
_______________________________________
AP. رف پرەزيدەنتى دميتري مەدۆەدەۆ پەن اقش پرەزيدەنتى باراك وباما بۇرىنعى سەمەي يادرولىق سىناق پوليگونى ەندى قاتەر تۋعىزبايتىنىن ءمالىمدەدى. رەسەي باسشىسى, سونداي-اق مۇنى يادرولىق قاۋىپسىزدىك ءماسەلەلەرىمەن اينالىساتىن وزگە ەلدەر ءۇشىن ناقتى مىسال بولاتىنىن اتاپ ءوتتى.
سەنبى, 31 ناۋرىز 2012 7:55
قارۋسىزدانۋكوشباسشىسى
قازاقستان پرەزيدەنتىنۇرسۇلتان نازارباەۆتىڭباستاماسى الەمنازارىندا
_______________________________________
AP. رف پرەزيدەنتى دميتري مەدۆەدەۆ پەن اقش پرەزيدەنتى باراك وباما بۇرىنعى سەمەي يادرولىق سىناق پوليگونى ەندى قاتەر تۋعىزبايتىنىن ءمالىمدەدى. رەسەي باسشىسى, سونداي-اق مۇنى يادرولىق قاۋىپسىزدىك ءماسەلەلەرىمەن اينالىساتىن وزگە ەلدەر ءۇشىن ناقتى مىسال بولاتىنىن اتاپ ءوتتى.
دميتري مەدۆەدەۆ ءۇش مەملەكەت 2004 جىلدان باستاپ ءتۇسىنىستىك جاعدايدا سەمەي پوليگونىنىڭ زارداپتارىن جويۋ ماقساتىندا بىرلەسكەن جۇمىستار جاساپ كەلە جاتقانىنان حاباردار ەتتى. وسىعان بايلانىستى رەسەي باسشىسى قازاقستان پرەزيدەنتى نۇرسۇلتان نازارباەۆقا بۇل ماسەلەدە ورنىقتىلىق جانە بەلسەندى كوزقاراس تانىتقانى ءۇشىن العىس ءبىلدىردى.
«رەسەي مەن اقش يادرولىق قاۋىپسىزدىك ماسەلەسى جاۋاپكەرشىلىگىن وزدەرىنە جۇكتەگەن مەملەكەتتەر رەتىندە اتالعان پروبلەمالارمەن اينالىسۋعا جانە ونى شەشۋگە رەسۋرستار تابا ءبىلدى», – دەدى د.مەدۆەدەۆ. باراك وبامانىڭ پىكىرىنشە, «سوڭعى بىرنەشە جىلدا ءۇش ەل اۋقىمدى جۇمىستاردى جۇزەگە اسىردى». اق ءۇي باسشىسى «قىرعي-قاباق» سوعىس كەزىندە سەمەي پوليگونىندا كوپتەگەن يادرولىق ماتەريالدار جينالىپ قالعانىن اتاپ ءوتتى. «ءبىز يادرولىق ماتەريالداردىڭ قاۋىپسىز ورىندا بولۋىنا قول جەتكىزدىك. ەندى ونداعى يادرولىق ماتەريالدار تەررورشىلاردىڭ قولىنا ءتۇسپەيتىندەي قورعالعان», – دەدى اقش پرەزيدەنتى.
سەۋلدە يادرولىق قاۋىپسىزدىك جونىندەگى سامميت ءوتتى. جيىننىڭ جۇمىس وتىرىستارىنا 50-دەن استام ەلدىڭ جانە ءتورت حالىقارالىق ۇيىمنىڭ باسشىلارى قاتىستى. «سامميت الاڭىندا» بىرقاتار شاعىن قۇرامداعى كەزدەسۋلەر جوسپارلانعان ەدى. سونداي كەزدەسۋدىڭ ءبىرى رەسەي, اقش جانە قازاقستان پرەزيدەنتتەرىنىڭ اراسىندا بولدى. كەزدەسۋدە دميتري مەدۆەدەۆ ءۇش مەملەكەتتىڭ سەمەي پوليگونى جونىندەگى ىنتىماقتاستىعى يادرولىق قاۋىپسىزدىك ماسەلەسىمەن اينالىساتىندارعا ۇلگى بولاتىنىن اتادى.
«2004 جىلدان باستاپ ءۇش مەملەكەت: قازاقستان, اقش جانە رەسەي سەمەي پوليگونىن پايدالانۋدان قالعان زارداپتاردى جويۋمەن اينالىسۋدامىز, – دەدى دميتري مەدۆەدەۆ. – سونداي-اق مەن رەسەي فەدەراتسياسى مەن اقش-تىڭ يادرولىق قاۋىپسىزدىك جاۋاپكەرشىلىگىن جۇكتەگەن مەملەكەتتەر رەتىندە قاجەتتى كووپەراتسيا كورسەتكەنىن اتاپ وتكىم كەلەدى».
TREND. ۆاشينگتون سامميتىنەن كەيىنگى ەكى جىل جاھاندىق يادرولىق قاۋىپسىزدىك سالاسىندا ايتارلىقتاي جاعدايلارعا تولى بولدى. «بىرىنشىدەن, 2011 جىلى يادرولىق قارۋدى تاراتپاۋ شارتىنىڭ اياسىندا شولۋ كونفەرەنتسياسى ءوتتى, – دەدى سامميتتە سويلەگەن سوزىندە قازاقستان پرەزيدەنتى نۇرسۇلتان نازارباەۆ. – ەكىنشىدەن, ەكى جىل ءىشىندە الەمدە جوعارى بايىتىلعان ۋراننىڭ ۇلكەن كولەمى جويىلدى. الەمدەگى وتىزدان استام مەملەكەت يادرولىق قاۋىپسىزدىك سالاسىندا ۇلتتىق مىندەتتەمەلەر قابىلدادى. ءۇشىنشىدەن, 2010 جىلى استانادا يادرولىق تەرروريزم اكتىلەرىمەن كۇرەس جونىندەگى جاھاندىق باستامالار كونفەرەنتسياسى تابىستى ءوتتى».
نۇرسۇلتان نازارباەۆ, سونداي-اق قازاقستان ۇلتتىق دەڭگەيدە 210 توننا يادرولىق وتىندى قاۋىپسىز ساقتاۋ ءۇشىن تاسىمالداۋ جوباسىن جۇزەگە اسىرعانىن, قازاقستان «ۇلكەن سەگىزدىك» ەلدەرىنە جاپپاي قىرىپ-جوياتىن قارۋدىڭ تارالۋىمەن كۇرەستە جاھاندىق ارىپتەس رەتىندە شىققانىن اتاپ ءوتتى. «قازاقستان يادرولىق قاۋىپسىزدىك جونىندەگى سامميتتەردى ءار ەكى جىل سايىن وتكىزۋدى ۇسىنادى. ءبىز بولاشاقتا استانادا وسىنداي سامميتتەردىڭ ءبىرىن قابىلداۋعا دايىنبىز. قازاقستان اقش پەن رەسەي اراسىنداعى ستراتەگيالىق شابۋىلداۋ قارۋىن قىسقارتۋ تۋرالى شارتتىڭ كۇشىنە ەنۋىن قولدايدى جانە پرەزيدەنت باراك وبامانىڭ جاڭا يادرولىق ستراتەگياسىنا قولداۋ بىلدىرەدى. يادرولىق قارۋى بار ەلدەردىڭ بارلىعىن وسىنداي ىزگى نيەت كورسەتۋگە شاقىرادى», – دەپ اتاپ ءوتتى قازاقستان پرەزيدەنتى.
