ماليدە اسكەري توڭكەرىس جاسالدى
سارسەنبى, 28 ناۋرىز 2012 7:40
شىعىس جۇرتى از مەيرام – ناۋرىزدى تويلاپ جاتقان شاقتا, ياعني 22 ناۋرىز كۇنى افريكانىڭ باتىسىنداعى مالي مەملەكەتىندە اسكەريتوڭكەرىس جۇزەگە اسىرىلدى. اسكەريلەر ەل استاناسى – باماكو قالاسىنداعى پرەزيدەنت سارايىن, كوپتەگەن ۇكىمەتتىك مەكەمەلەردى باسىپالدى.
اسكەريلەر وكىلىنىڭ مالىمدەۋىنشە, توڭكەرىس سەبەبى بيلىكتىڭ ارميانى نە قاجەتتىڭ بارىمەن قامتاماسىز ەتە الماي وتىرۋى بولىپ تابىلادى. اسكەريلەر قۇرعان دەموكراتيانى قالپىنا كەلتىرۋ جونىندەگى ۇلتتىق كوميتەتتىڭ باسشىلىعىنا كاپيتان امادۋ سانوگو كەلگەن. ول ەلدە كومەندانتتىق ساعات ەنگىزگەن. مالي پرەزيدەنتى امادۋ تۋماني تۋرەنىڭ ازىرشە قايدا ەكەنى بەلگىسىز.
سارسەنبى, 28 ناۋرىز 2012 7:40
شىعىس جۇرتى از مەيرام – ناۋرىزدى تويلاپ جاتقان شاقتا, ياعني 22 ناۋرىز كۇنى افريكانىڭ باتىسىنداعى مالي مەملەكەتىندە اسكەريتوڭكەرىس جۇزەگە اسىرىلدى. اسكەريلەر ەل استاناسى – باماكو قالاسىنداعى پرەزيدەنت سارايىن, كوپتەگەن ۇكىمەتتىك مەكەمەلەردى باسىپالدى.
اسكەريلەر وكىلىنىڭ مالىمدەۋىنشە, توڭكەرىس سەبەبى بيلىكتىڭ ارميانى نە قاجەتتىڭ بارىمەن قامتاماسىز ەتە الماي وتىرۋى بولىپ تابىلادى. اسكەريلەر قۇرعان دەموكراتيانى قالپىنا كەلتىرۋ جونىندەگى ۇلتتىق كوميتەتتىڭ باسشىلىعىنا كاپيتان امادۋ سانوگو كەلگەن. ول ەلدە كومەندانتتىق ساعات ەنگىزگەن. مالي پرەزيدەنتى امادۋ تۋماني تۋرەنىڭ ازىرشە قايدا ەكەنى بەلگىسىز.
پارلامەنتتىك سايلاۋ كەيىنگە شەگەرىلەدى
سيريا پارلامەنتى ەل پرەزيدەنتى باشار اسادقا ۇستىمىزدەگى جىلدىڭ 7 مامىرىنا جوسپارلانعان پارلامەنتتىك سايلاۋدى كەيىنگە شەگەرۋ تۋرالىۇسىنىسپەن شىقتى. پارلامەنتشىلەردىڭ پىكىرىنشە, مۇنداي قادام سايلاۋعادەيىن ۇكىمەت ۋادە بەرگەن كەڭ كولەمدى رەفورمالاردى جۇرگىزۋ ۇشىن قاجەت.
سيريا پارلامەنتىندەگىلەر بۇعان قوسا سايلاۋدى كەيىنگە شەگەرۋ جاڭادان قۇرىلعان پارتيالار ءۇشىن تانىمالدىلىققا قول جەتكىزۋگە مۇمكىندىك بەرەتىنىن مالىمدەپ وتىر. بىراق, پارلامەنتشىلەر سايلاۋدى ناقتى قاي ۋاقىتقا بەلگىلەۋ جونىندە ەشتەڭە ايتپاعان. ءوز كەزەگىندە سيريالىق وپپوزيتسياشىلار جاڭا كونستيتۋتسيانى زاڭسىز دەپ تانىپ, پارلامەنتتىك سايلاۋعا بويكوت جاريالايتىنىن مالىمدەگەن ەدى.
ۇيعىر ازاماتىن ءولىم جازاسىنا كەستى
ءوزىنىڭ سەگىز سەرىگىمەن شىڭجاڭ-ۇيعىر اۆتونوميالى اۋدانىنداعىقارعالىق قالاسىنىڭ بازارىندا قانتوگىس ۇيىمداستىرعان ابۋدۋكەرەممامۋت ولىم جازاسىنا كەسىلگەن. بۇل ىس بويىنشا ۇكىم قاشعار قالاسىنداشىعارىلعان.
سوت ا.مامۋتتى تەررورلىق توپ ۇيىمداستىردى, لاڭكەستىك جاسادى دەپ ايىپتاعان. سوت ىسىنە ۇستىمىزدەگى جىلدىڭ 28 اقپانىندا جاسالعان لاڭكەستىك سەبەپ بولعان. وقيعا سالدارىنان 15 ادام قازا تاۋىپ, تاعى 14 ادام جاراقات العان. ا.مامۋتتىڭ ءوزى قىلمىسى ۇستىندە قولعا تۇسسە, ونىڭ بارلىق سەرىكتەرى اتىپ ءولتىرىلىپتى. ءسوز رەتىندە قىتايدىڭ اتالعان اۋدانىندا شامامەن 9 ميلليون ۇيعىر ەتنوسى تۇراتىنىن ايتا كەتەيىك.
كارزاي رەزيدەنتسياسى اسا قاۋىپتى جەر
اۋعانستان قاۋىپسىزدىك كۇشتەرى ەل پرەزيدەنتى حاميد كارزايرەزيدەنتسياسىنىڭ اۋماعىنان جانكەشتىلەردىڭ 11 بەلبەۋىن تاپقان. بۇلتۋرالى كاتاردىڭ ايگىلى «ءال-جازيرا» تەلەارناسى حابارلادى. اتالعانفاكت بويىنشا تەرگەۋ جۇمىستارى باستالىپ كەتسە, بىرنەشە ادامتۇتقىندالعان.
«ءال-جازيراداعى» جوعارى شەندى دەرەك كوزى جەرگىلىكتى بارلاۋ قىزمەتىنە بەلبەۋلەردىڭ جارىلعىشتارمەن سىقا تولتىرىلعانىن جانە قولدانۋعا دايىن بولعانىن جەتكىزگەن. ال كارزاي رەزيدەنتسياسىنىڭ اۋماعى اۋعانستانداعى اسا قاتتى كۇزەتىلەتىن كەشەن بولىپ تابىلادى. بۇعان دەيىن پرەزيدەنتتىڭ بىرنەشە تۋىسقانى مەن جاقىندارى جانكەشتىلەر شابۋىلىنان قازا تاپقانى بەلگىلى.
بالالاردى سوعىسقا تارتتى دەپ ايىپتادى
بىرىككەن ۇلتتار ۇيىمى ب ۇلىكشىلەردىڭ كامەلەتكە تولماعان بالالاردى سولدات رەتىندە سوعىسقا تارتقانى تۋرالى مالىمەت العان. بۇۇ-نىڭ كامەلەتكە تولماعاندار ىستەرى جونىندەگى ارنايى وكىلىنىڭ ايتۋىنشا, الىنعان مالىمەتتەر ءالى دە بولسا تەكسەرۋدى قاجەت ەتەدى. جالپى, 15-كە تولماعاندار اسكەري ءىس-قيمىلدارعا تارتىلسا, بۇل بالا قۇقى تۋرالى كونۆەنتسيانى بۇزعان بولىپ تابىلادى.
سيريانىڭ ازات ەتۋ ارمياسى دەلىنىپ وتىرعان ب ۇلىكشىلەر توبى باسشىلارىنىڭ ايتارلىقتاي بولىگىن سيريانىڭ ۇكىمەتتىك اسكەرلەرى مەن قاۋىپسىزدىك كۇشتەرىنىڭ بۇرىنعى وفيتسەرلەرى قۇرايدى. ب ۇلىكشىلەر ءبىز 70 مىڭ ادامبىز دەيتىن كورىنەدى. پرەزيدەنت باشار اساد پەن وعان قارسى جاقتاردىڭ قاقتىعىسى سالدارىنان وتكەن جىلدىڭ ناۋرىزىنان بەرى 8 مىڭنان استام ادام وپات بولعان.
ساركوزي پارا الدى دەگەن كۇدىك بار
2007 جىلعى سايلاۋ ناۋقانى كەزىندە نيكوليا ساركوزي ەۋروپاداعى ەڭ باي ايەل ليليان بەتانكۋردەن 800 مىڭ ەۋرو كولەمىندە جاردەم-پۇل العان دەگەن كۇدىك توبە كورسەتتى. بۇل ءجايت فرانتسۋز باسپاسوزىندە پايدا بولعان تەرگەۋ قۇجاتتارىنىڭ ارقاسىندا ايعاقتالىپ وتىر.
سايلاۋ ناۋقانى ءۇشىن اقشا بەرۋ, تەرگەۋ دەرەكتەرى بويىنشا, ەكى كەزەڭدە جۇرگەن. اۋەلگى اقشا – 400 مىڭ ەۋرو 2007 جىلدىڭ اقپانىندا ساركوزيدىڭ سول كەزدەگى قازىناشىسى, بولاشاق ەڭبەك ءمينيسترى ەريك ۆەرتاعا بەرىلىپتى. ەكىنشى جارتىسى سول جىلدىڭ ساۋىرىندە پرەزيدەنتتىككە كانديداتتىڭ جەكە ءوز قولىنا ۇستاتىلسا كەرەك. سونىمەن, بۇل سايلاۋ الدىنداعى دوڭگەلەككە تاياق قىستىرۋ ما, شىندىق پا, ونى ۋاقىت كورسەتەدى.
قىسقا قايىرىپ ايتقاندا:
• 2011 جىلى رەسەيدەگى جەمقورلىق قىلمىس ونىڭ الدىنداعى جىلمەن سالىستىرعاندا 40 پايىزعا وسكەن. ەسەسىنە قوزعالعان قىلمىستىق ىستەر بار-جوعى 8 پايىزعا ارتسا, سوتقا جەتكەنى ءتىپتى 4 پايىزعا قىسقارىپ كەتىپتى. بۇل تۋرالى «ۆەدوموستي» باسىلىمى اقپار تاراتتى.
• ءبىر اينالدىرعاندى شىر اينالدىرادى دەگەن بار. حالىقارالىق ۆاليۋتا قورىنىڭ بۇرىنعى باسشىسى دومينيك ستروسس-كانن ەندى جەڭگەتايلىقپەن اينالىسقان قىلمىستىق توپقا قاتىسى بار دەپ ايىپتالىپ وتىر. بىراق, ونىڭ ءوزى ايىپتى ەش مويىندامايتىنىن مالىمدەپتى.
• گرۋزيا سىرتقى ىستەر مينيسترلىگى اعاش ءۇي تۇرعىزاتىن ءفيننىڭ قۇرىلىس كومپانياسىن ابحازيا رىنوگىنا جىبەرمەي قويعان. رەسمي ءتبيليسيدىڭ ابحازيانى رەسەي اسكەرى باسىپ العان گرۋزيا اۋماعى سانايتىنى بەلگىلى. ال گرۋزيادا «باسىپ الىنعان اۋماقتار تۋرالى» زاڭ جۇمىس ىستەيدى.
ينتەرنەت ماتەريالدارى نەگىزىندە ازىرلەندى.
