قازاقستان • 07 ناۋرىز، 2019

سوت ءىسىن جۇرگىزۋدىڭ زاماناۋي ۇلگىسى حالىقارالىق كونفەرەنتسيادا تالقىلاندى

822 رەت كورسەتىلدى

ساياسي بيلىك ينستيتۋتى رەتىندە سوت بيلىگىنىڭ مەملەكەت دامۋىنداعى ورنى ايرىقشا.   دەموكراتيالىق پرينتسيپتەر نەگىزىن باسشىلىققا الىپ دامىپ كەلە جاتقان قوعامدا زاڭدىلىقتاردىڭ ساقتالۋى، ادام قۇقىعى مەن بوستاندىعىنىڭ الەۋەتى جوعارى. قازاقستاننىڭ الەمدىك قۇقىق جۇيەسىندەگى بەدەلى، حالىقارالىق ەكونوميكالىق قاتىناستار اياسىنداعى تاجىريبەسى مەملەكەتتىڭ سوت جۇيەسىن زاماناۋي تۇرعىدا جەتىلدىرىپ وتىرۋدى تالاپ ەتەدى.

قر كونستيتۋتسيالىق كەڭەس، جوعارى سوت، باس پروكۋراتۋرا، استاناداعى ەقىۇ باعدارلامالار ءوفيسى جانە گەرمانيانىڭ حالىقارالىق قۇقىقتىق ىنتىماقتاستىق قورىنىڭ ۇيىمداستىرۋىمەن وتكەن ء«تيىمدى قىلمىستىق ساياسات جانە قىلمىستىق سوت ءىسىن جۇرگىزۋدىڭ زاماناۋي ۇلگىسى – ازاماتتاردىڭ كونستيتۋتسيالىق قۇقىقتارىن تيىسىنشە قورعاۋدىڭ كەپىلى» ءVىىى عىلىمي-تاجىريبەلىك كونفەرەنتسيادا ءۇش سەسسياعا باعىتتالعان ماسەلەلەر تالقىلاندى.

كونفەرەنتسيا جۇمىسىن ءداستۇرلى جاعدايدا اشقان قر كونستيتۋتسيالىق كەڭەسىنىڭ توراعاسى قايرات ءمامي  ءۇش سەسسيا جۇمىسىندا قارالاتىن قۇقىقتىق شارالاردىڭ وزەكتىلىگىنە توقتالدى. وسى كەزگە دەيىنگى كەزەكتى كونفەرەنتسيالار بارىسىندا زاڭ تالاپتارى، حالىقارالىق ستاندارتتاردى ەنگىزۋدە بىرقاتار ۋاعدالاستىقتارعا قول جەتكىزىلگەن. قىلمىستىق جانە قىلمىستىق اكىمشىلىك زاڭنامالارىن رەفورمالاۋ بىرقاتار جىلدار بويى جۇرگىزىلىپ كەلەدى. 2015 جىلدان باستاپ قازاقستاندا  مەملەكەتتىڭ قازىرگى زامانعى قىلمىستىق جۇيەسىنىڭ نەگىزدەرىن كورسەتەتىن جاڭا قىلمىستىق جانە قىلمىستىق اكىمشىلىك كودەكس قولدانىستا. ولاردىڭ نەگىزىندە ءبىرىنشى كەزەكتە ادام قۇقىعى باستى نازاردا. مەملەكەتتىڭ 2025  جىلعا دەيىنگى ستراتەگيالىق دامۋ جوسپارىنا سايكەس  سالاداعى وزگەرىستەر قاناي جاعدايدا دا ادام قۇقىعى مەن بوستاندىعى شەڭبەرىنەن اسپاۋى ءتيىس.

كونفەرەنتسيانىڭ  «سوتقا دەيىن ءىس جۇرگىزۋ رەفورماسى: قازىرگى جاعدايى مەن كەلەشەگى» تاقىرىبىنداعى ءبىرىنشى سەسسياسىندا ەقىۇ استاناداعى باعدارلامالىق ءوفيسىنىڭ باسشىسى دەرد سابو، قر تۇڭعىش پرەزيدەنتى – ەلباسىنىڭ قورى اتقارۋشى ديرەكتورىنىڭ ورىنباسارى، ەۋروپا كەڭەسى ۆەنەتسيالىق كوميسسياسىنىڭ مۇشەسى يگور روگوۆ، قر باس پروكۋرورىنىڭ ورىنباسارى مارات احمەتجانوۆ، قر ىشكى  ىستەر ءمينيسترىنىڭ ورىنباسارى راشيد جاقىپوۆ، فرانكفۋرت باس پروكۋراتۋراسى، كيبەرقىلمىسقا قارسى كۇرەس ورتالىعى كەڭسەسىنىڭ باسشىسى، اعا پروكۋرور اندرەاس ماي، قر باس پروكۋراتۋراسى جانىنداعى قۇقىق قورعاۋ ورگاندارى اكادەمياسىنىڭ رەكتورى ەرعالي مەرزادينوۆ، اتالعان ۆەدومستۆونىڭ نورما شىعارماشىلىق قىزمەتىن ۇيلەستىرۋ باسقارماسىنىڭ باستىعى الماز مۇحامەدجانوۆ، قر زاڭناما ينستيتۋتىنىڭ باس عىلىمي قىزمەتكەرى ارىستان اقپانوۆ، ت.ب. قۇقىق قورعاۋ قىزمەتىن جاڭارتۋ، ىزگىلەندىرۋ، سوتقا دەيىنگى ءىس جۇرگىزۋدىڭ قازىرگى تاجىريبەسى،  كەپىلدىكتەر مەن ادام قۇقىعى سياقتى تاقىرىپتاردى قوزعاپ، سالاداعى نەگىزگى ماسەلەلەرگە وراي كەڭىنەن بايانداما جاسادى. 

ال «ازاماتتاردىڭ كونستيتۋتسيالىق قۇقىتارىن قورعاۋ باسىمدىقتارىنىڭ نەگىزىندە سوت تورەلىگىن جاڭعىرتۋ» بويىنشا ەكىنشى سەسسيا جۇمىسىندا  قر جوعارى سوتىنىڭ قىلمىستىق ىستەر جونىندەگى سوت القاسىنىڭ توراعاسى اباي راحمەتۋلين قىلمىستىق ۇردىستە  باسەكەلەستىكتى قامتاماسىز ەتۋ، سوت تورەلىگىن جۇزەگە اسىرۋ تاۋەلسىزدىگىن كۇشەيتۋ بويىنشا تۇزەتۋلەردى، سوت ءىسىن وڭتايلاندىرۋ مەن تسيفرلاندىرۋ ماسەلەسىندەگى وزەكتى جايتتارعا توقتالدى. ال قر جوعارى سوتىنىڭ سۋدياسى اناتولي سمولين القابيلەر سوتىنىڭ پارمەنىن ارتتىرۋعا بايلانىستى ۇسىنىستارىن ورتاعا سالسا، كەلەسى كەزەكتەگى بايانداماشىلار سەسسيا تاقىرىبىنا ورتاق ماسەلەلەرگە قاتىستى مالىمەتتەرمەن ءبولىستى.

كونفەرەنتسيانىڭ ءۇشىنشى سەسسياسى «قىلمىستىق ساياساتتى ىزگىلەندىرۋ جانە قىلمىستىق زاڭدى ودان ءارى جەتىلدىرۋ ماسەلەلەرى» تاقىرىبىندا جالعاساتىن بولادى.

ەلۆيرا سەرىكقىزى،

«ەگەمەن قازاقستان»

الماتى

سوڭعى جاڭالىقتار

قازاقستاندا دوللار قىمباتتادى

ەكونوميكا • بۇگىن، 11:37

UFC رەيتينگىندە كوش باستادى

سپورت • بۇگىن، 08:32

ۇقساس جاڭالىقتار