ديپلوماتيالىق پوشتادان كوكاين تابىلدى
سەنبى, 11 اقپان 2012 8:25
يتاليا پوليتسياسى ەكۆادور ەلشىلىگىنە جىبەرىلگەن ديپلوماتيالىق پوشتادان 40 كيلو كوكاين تاپتى. بۇل جونىندە ەكۆادور سىرتقى ساياسات ۆەدومستۆوسىنىڭ باسشىسى ريكاردو پاتينو مالىمدەدى.
كوكاين سالىنعان پوشتا ەكۆادورلىق تەاتر اكتەرى كريستيان لۋرعا جىبەرىلگەن. فرانس-پرەسس اگەنتتىگىنىڭ حابارلاۋىنشا, كريستيان لۋردى پوليتسيا ۇستاعان. تابىلعان جۇككە بايلانىستى اكتەرمەن بىرگە تاعى ءبىر ادام قاماۋعا الىنعان. ەكۆادور سىرتقى ىستەر ءمينيسترىنىڭ ايتۋىنشا, ۇستالعان ەكىنشى ادام بۇل ەلدىڭ ازاماتى ەمەس. پوشتا ەكۆادور استاناسىنا جىبەرىلەردىڭ الدىندا ونى جەرگىلىكتى ەسىرتكىگە قارسى كۇرەس باسقارماسى تەكسەرۋدەن وتكىزگەن كورىنەدى.
سەنبى, 11 اقپان 2012 8:25
يتاليا پوليتسياسى ەكۆادور ەلشىلىگىنە جىبەرىلگەن ديپلوماتيالىق پوشتادان 40 كيلو كوكاين تاپتى. بۇل جونىندە ەكۆادور سىرتقى ساياسات ۆەدومستۆوسىنىڭ باسشىسى ريكاردو پاتينو مالىمدەدى.
كوكاين سالىنعان پوشتا ەكۆادورلىق تەاتر اكتەرى كريستيان لۋرعا جىبەرىلگەن. فرانس-پرەسس اگەنتتىگىنىڭ حابارلاۋىنشا, كريستيان لۋردى پوليتسيا ۇستاعان. تابىلعان جۇككە بايلانىستى اكتەرمەن بىرگە تاعى ءبىر ادام قاماۋعا الىنعان. ەكۆادور سىرتقى ىستەر ءمينيسترىنىڭ ايتۋىنشا, ۇستالعان ەكىنشى ادام بۇل ەلدىڭ ازاماتى ەمەس. پوشتا ەكۆادور استاناسىنا جىبەرىلەردىڭ الدىندا ونى جەرگىلىكتى ەسىرتكىگە قارسى كۇرەس باسقارماسى تەكسەرۋدەن وتكىزگەن كورىنەدى.
بۇرىنعى ديكتاتور تۇرمەگە اۋىستىرىلدى
رەيتەر اگەنتتىگىنىڭ اقپاراتتارىنا قاراعاندا, پاناما ەلىنىڭ بۇرىنعى ديكتاتورى مانۋەل نورەگا بۇدان بىرنەشە كۇن بۇرىن جۇرەك تالماسىنا ۇشىرادى دەگەن كۇدىكپەن اۋرۋحاناعا جاتقىزىلعان. ەندى ول تۇرمەگە قايتا اۋىستىرىلدى.
پانامانىڭ دەنساۋلىق ساقتاۋ ءمينيسترى فرانكلين ۆەرگاردىڭ ءمالىم ەتۋىنشە, وعان العاشىندا ينسۋلت دياگنوزى قويىلعان. ال تەكسەرۋ بارىسىندا ول انىقتالمادى. 77 جاستاعى ەكس-ديكتاتوردان دارىگەرلەر ونىڭ قان قىسىمى جوعارىلاعانىن تاپتى. بۇرىنعى گەنەرال نورەگانىڭ دەنساۋلىق جاعدايى تۇراقتى قالىپتا. ونىڭ ومىرىنە قاتەر ءتونىپ تۇرعان جوق. ول دارىگەرلەردىڭ قاتاڭ باقىلاۋىنا الىنعان. نورەگانىڭ ادۆوكاتتارى ەكس-ديكتاتوردىڭ اۋرۋحانادا ەمدەلۋىن قالايدى. مانۋەل نورەگا 20 جىلدان استام ۋاقىتتان بەرى تەمىر توردا وتىر.
يرانعا شابۋىلدى كەيىنگە قالدىرۋدى ءوتىندى
مادوننانىڭ يزرايلدىك فاناتتارى Facebook ارقىلى ەلدىڭ پرەمەر-ءمينيسترى بينيامين نەتانياگۋدەن يرانعا قارسى اسكەري وپەراتسيانى ءانشىنىڭ تەل-اۆيۆكە كەلۋىنە دەيىن باستاماۋدى ءوتىندى.
گاارەتس باسىلىمىنىڭ جازۋىنشا, يزرايل اسكەري وپەراتسيانى ءانشىنىڭ كونتسەرتى جوسپارلانعان 29 مامىرعا دەيىن باستايتىن بولسا, ول كونتسەرتتى كەيىنگە قالدىرۋى مۇمكىن. بىرقاتار باق-تاردىڭ اقپاراتتارى بويىنشا, جاقىن كۇندەرى يزرايل يراننىڭ يادرولىق نىساندارىنا سوققى بەرۋى ىقتيمال. وسى جىلعى اقپاننىڭ باسىندا اقش قورعانىس ءمينيسترى لەون پانەتتا ءيزرايلدىڭ يرانعا شابۋىل جاساۋ مۇمكىندىگى جوعارى ەكەنىن ايتقان بولاتىن.
جالپى كامەرادا وتىراتىن بولدى
ۋكراينانىڭ مەملەكەتتىك پەنيتەنتسيارلىق قىزمەتى ەلدىڭ بۇرىنعى پرەمەر-ءمينيسترى يۋليا تيموشەنكونىڭ 9 اقپاننان باستاپ جالپى كامەراعا اۋىستىرىلعاندىعىن ءمالىم ەتتى.
ەكس-پرەمەر وتكەن جىلدىڭ 30 جەلتوقسانىندا حاركوۆ قالاسىنىڭ ماڭىنداعى تۇرمەگە اكەلىنگەن بولاتىن. ول ۋكراينا مەن رەسەي اراسىنداعى جاسالعان گاز كەلىسىمىنە بايلانىستى 7 جىلعا سوتتالعان. سونىمەن قاتار, ەكس-پرەمەرگە 90-شى جىلدارى 4,7 ميلليون گريۆەن سالىق تولەۋدەن جالتاردى دەگەن دە ايىپ تاعىلىپ وتىر.
جاڭا ەكى اتوم رەاكتورىن سالادى
رەيتەر اقپارات اگەنتتىگىنىڭ حابارلاۋىنشا, اقش ەكى اتوم رەاكتورىنىڭ قۇرىلىسىن باستاماق. بۇل جوبا 1978 جىلى قۋاتتالعان كورىنەدى.
جاڭا اتوم رەاكتورلارى دجوردجيا شتاتىندا ورنالاسقان قازىرگى كەزدە جۇمىس ىستەپ تۇرعان «ۆوگتل» اتوم ەلەكتر ستانساسىندا تۇرعىزىلاتىن بولادى. ولاردى تۇرعىزۋعا جالپى كولەمى شامامەن 14 ميلليارد دوللار قارجى جۇمسالادى. ال رەاكتورلاردى ىسكە قوسۋ 2016 جانە 2017 جىلدارعا جوسپارلانعان. اقش-تا اتوم رەاكتورلارىن سالۋ 1979 جىلدان بەرى توقتاتىلعان ەكەن.
ەكس-كانديدات ەسىن جينادى
وڭتۇستىك وسەتيانىڭ پرەزيدەنتتىگىنە بۇرىنعى كانديدات اللا دجيوەۆا كەشە ۇلىقتاۋ ءراسىمىن وتكىزۋى ءتيىس ەدى. وپپوزيتسيا باسشىسىنىڭ بۇل ارەكەتتەرىنە جەرگىلىكتى قۇقىق قورعاۋ ورگاندارى جول بەرمەدى.
بۇقارالىق اقپارات قۇرالدارىنىڭ تاراتقان اقپاراتتارىنا قاراعاندا, 9 اقپان كۇنى كەشكىسىن دجيوەۆانىڭ شتابىنا بەتپەردە كيگەن قارۋلى ادامدار باسىپ كىرگەن. ولار شتابتاعى وپپوزيتسيا وكىلدەرىن سوققىعا جىققان. ولاردىڭ ىشىندە اللا دجيوەۆا دا بولعان كورىنەدى. تاياققا جىعىلعان ول ەسىنەن تانىپ, اۋرۋحاناعا جەتكىزىلگەن. جەرگىلىكتى دارىگەرلەردىڭ ايتۋىنشا, ول كەشە ەسىن جيدى. جاراقاتى قاۋىپتى ەمەس.
قىسقا قايىرىپ ايتقاندا:
* سيريانىڭ سولتۇستىگىندەگى الەپپو قالاسىندا بىرنەشە قۋاتتى جارىلىس بولدى. جارىلىس سالدارىنان 20-دان استام ادام قازا تاپتى. ولاردىڭ اراسىندا اسكەريلەر مەن بەيبىت تۇرعىندار دا بار.
* فينليانديا قورعانىس مينيسترلىگى ەلدىڭ بيۋدجەت قاراجاتىن ۇنەمدەۋ ماقساتىندا قارۋلى كۇشتەردى ايتارلىقتاي قايتا قۇرىلىمداۋ قاجەتتىگى تۋرالى مالىمدەدى. سوندا قارۋلى كۇشتەر قاتارىنان 2200-دەن استام اسكەري قىزمەتشى قىسقاراتىن بولادى. بۇل 200 ميلليونعا جۋىق ەۋرونى ۇنەمدەۋگە ءمۇمكىندىك بەرەدى.
* ناتو-نىڭ اۋعانستان اۋماعىنداعى كاپيس پروۆينتسياسىنا اۋەدەن سوققى بەرۋ سالدارىنان ونداعان ادام وپات بولدى. وسىعان بايلانىستى اۋعانستان پرەزيدەنتى حاميت كارزاي مالىمدەمە جاسادى.
* رۋمىنيا مەن نيدەرلاندى پوليتسەيلەرى كرەديتتىك كارتوچكالارمەن الاياقتىق جاسادى دەگەن كۇدىكپەن 17 ادامدى تۇتقىنعا الدى. تەرگەۋشىلەردىڭ مالىمەتتەرى بويىنشا ولار وزگە ازاماتتاردىڭ كارتوچكالارىن جاساپ, ەسەپ-شوتتارىنان 119 ميلليون دوللاردى جىمقىرعان.
* سولتۇستىك كورەيا بيلىگى ەلدىڭ بۇرىنعى پرەزيدەنتى كيم چەن ءيردىڭ قۇرمەتىنە تۇرعىزىلعان 120 مەترلىك بارەلەفتى اشقاندىعىن حابارلادى.
ينتەرنەت ماتەريالدارى نەگىزىندە ازىرلەندى.
