مەملەكەتتىك قىزمەتشىلەر ەرەۋىلگە شىقتى
بەيسەنبى, 9 اقپان 2012 8:16
كەشە ءيزرايلدىڭ مەملەكەتتىك سەكتورىندا جۇمىس ءىستەيتىن قىزمەتكەرلەر ەرەۋىل باستادى. رەيتەر اگەنتتىگىنىڭ اقپاراتتارىنا قاراعاندا, ولار بيۋدجەتتىك مەكەمەلەر قىزمەتكەرلەرىنىڭ جاعدايىن جاقسارتۋدى تالاپ ەتەدى.
ەرەۋىل سالدارىنان ەلدەگى بانكتەر, تەمىر جولدار, قور رىنوگى مەن بىرقاتار ۇكىمەتتىك مەكەمەلەر جۇمىس ىستەمەي تۇر. سونداي-اق تەل-اۆيۆكە جاقىن «بەن-گۋريون» حالىقارالىق اۋەجايى دا ۋاقىتشا جابىلعان. ساراپشىلاردىڭ باعالاۋىنشا, بۇل اكتسيانىڭ ءاربىر كۇنى ەل ەكونوميكاسىنا 500 ميلليون دوللار شىعىن كەلتىرەتىن كورىنەدى. العاشىندا ساۋدا پالاتاسى وداعى اكتسياعا تىيىم سالۋدىڭ مۇمكىندىگىن قاراستىرىپ كورگەن ەكەن. ءيزرايلدىڭ جوعارعى سوتى ساۋدا پالاتاسىنىڭ ءوتىنىشىن قابىلداماي تاستاعان.
بەيسەنبى, 9 اقپان 2012 8:16
كەشە ءيزرايلدىڭ مەملەكەتتىك سەكتورىندا جۇمىس ءىستەيتىن قىزمەتكەرلەر ەرەۋىل باستادى. رەيتەر اگەنتتىگىنىڭ اقپاراتتارىنا قاراعاندا, ولار بيۋدجەتتىك مەكەمەلەر قىزمەتكەرلەرىنىڭ جاعدايىن جاقسارتۋدى تالاپ ەتەدى.
ەرەۋىل سالدارىنان ەلدەگى بانكتەر, تەمىر جولدار, قور رىنوگى مەن بىرقاتار ۇكىمەتتىك مەكەمەلەر جۇمىس ىستەمەي تۇر. سونداي-اق تەل-اۆيۆكە جاقىن «بەن-گۋريون» حالىقارالىق اۋەجايى دا ۋاقىتشا جابىلعان. ساراپشىلاردىڭ باعالاۋىنشا, بۇل اكتسيانىڭ ءاربىر كۇنى ەل ەكونوميكاسىنا 500 ميلليون دوللار شىعىن كەلتىرەتىن كورىنەدى. العاشىندا ساۋدا پالاتاسى وداعى اكتسياعا تىيىم سالۋدىڭ مۇمكىندىگىن قاراستىرىپ كورگەن ەكەن. ءيزرايلدىڭ جوعارعى سوتى ساۋدا پالاتاسىنىڭ ءوتىنىشىن قابىلداماي تاستاعان.
سوعىستىڭ سوڭعى ارداگەرى ومىردەن وزدى
ءبىرىنشى دۇنيەجۇزىلىك سوعىستا وعان قاتىسۋشى سوڭعى ادام فلورانس گرين ۇلىبريتانيانىڭ كينگز-لينن قالاسىندا ومىردەن وزدى. كەيۋانا 4 اقپان كۇنى 111 جاسقا تولۋىنا ەكى اپتا قالعاندا قايتىس بولعان.
فلورانس گرين ءبىرىنشى دۇنيەجۇزىلىك سوعىس كەزىندە بريتاندىق مارحەم اسكەري اۋە كۇشتەرى بازاسىندا داياشى بولىپ جۇمىس ىستەپتى. سوعىس اياقتالعاننان كەيىن ول 1918 جىلى قۇرىلعان كورولدىكتىڭ ايەلدەر اسكەري اۋە كۇشتەرىندە قىزمەت ەتكەن. 2008 جىلى بەرگەن ءبىر سۇحباتىندا فلورانس گرين سوعىس كەزىندە ءوزىنىڭ كوپتەگەن ۇشقىشتارمەن تانىسقانىن, ولارمەن ءجيى قىدىرعانىن, جۇمىستان كەيىنگى بوس ۋاقىتىن وتە كوڭىلدى وتكىزگەنىن ايتىپ, اعىنان جارىلىپتى. ءبىرىنشى دۇنيەجۇزىلىك سوعىستىڭ سوڭعى ارداگەرى كلود چۋلز 2011 جىلى 110 جاسىندا قايتىس بولعان ەدى. ول ومىردەن وزعان سوڭ, ف.گرين سوعىستىڭ سوڭعى ارداگەرى رەتىندە رەسمي تۇردە تانىلعان ەكەن.
اراب ەلدەرى دە سىرت اينالا باستادى
پارسى شىعاناعىنداعى اراب مەملەكەتتەرىنىڭ ىنتىماقتاستىعى كەڭەسى وعان مۇشە بارلىق ەلدەر ءوزدەرىنىڭ سيرياداعى ەلشىلەرىن كەرى شاقىرىپ الاتىندارىن مالىمدەدى. وسىعان بايلانىستى ەندى سيريالىق ەلشىلەر دە بۇل مەملەكەتتەردىڭ اۋماعىنان شۇعىل شىعارىلاتىن بولادى.
مۇنداي شەشىمدى كەڭەسكە مۇشە التى ەل – ساۋد ارابياسى, ءباا, باحرەين, كۋۆەيت, ومان جانە كاتار مەملەكەتتەرى سيريانىڭ پرەزيدەنتى باشار اسادتىڭ رەجىمىنە قارسىلىق تانىتۋ رەتىندە قابىلداپ وتىر. بىرقاتار مالىمەتتەر قازىرگى بيلىكتى قۇلاتۋدى جاقتاۋشىلار مەن ۇكىمەتتىك كۇشتەر اراسىنداعى جانجالدار سالدارىنان 7 مىڭنان استام ادام قۇربان بولعانىن كورسەتەدى. بۇۇ قاۋىپسىزدىك كەڭەسى باشار اسادتى وتستاۆكاعا كەتىرىپ, ەلدە ساياسي رەفورما جۇرگىزۋگە قاتىستى قارار قابىلداۋعا ارەكەتتەنگەن ەدى. بۇعان قىتاي مەن رەسەي كەلىسىم بەرمەي وتىر.
ەكىنشى مەرزىمگە قايتا سايلانباۋى ءۇشىن…
امەريكالىق بىرقاتار كاسىپكەرلەر باراك وبامانىڭ پرەزيدەنتتىككە ەكىنشى مەرزىمگە قايتا سايلانباۋى ءۇشىن 100 ميلليون دوللار بولۋگە ۋادە بەرىپ وتىر. مۇنداي شەشىم وتكەن جەكسەنبىدە كاليفورنيانىڭ وڭتۇستىگىندەگى كۋرورتتا وتكەن كونسەرۆاتيۆتىك اۋانداعى ساياساتكەرلەر مەن كاسىپكەرلەردىڭ كەزدەسۋىندە قابىلدانعان سياقتى.
كەيبىر اقپاراتتارعا قاراعاندا, بۇل كەزدەسۋگە 250-300-دەي ادام قاتىسقان. وسى شارانى ۇيىمداستىرعان اعايىندى چارلز جانە دەۆيد كوۋكتاردىڭ ارقايسىسى تيىسىنشە 40 جانە 20 ميلليون دوللار بولۋگە مىندەتتەنگەن كورىنەدى. ءبىر قىزىعى, وسىنداي شارانى اعايىندى كوۋكتار وسىمەن توعىزىنشى جىل ۇيىمداستىرىپ كەلەدى ەكەن. 2011 جىلى ولاردىڭ جيىنىنا قارسىلىق اكتسياسى دا بولىپ ءوتىپتى. ال بۇل جولى ونداي قارسىلىق بايقالماعان.
ارمياندار ماسەلەسىنە بايلانىستى كومەك سۇرادى
تۇركيانىڭ ەۋروپا وداعىمەن ءوزارا قاتىناستار جونىندەگى ءمينيسترى ەگەمەن باگيس گەرمانيانى فرانتسيا مەن تۇركيا اراسىنداعى ارمياندارعا قارسى زۇلمات (گەنوتسيد) تۋرالى تاريحي داۋدى شەشىپ بەرۋگە شاقىردى. پاريج قابىلداعان زاڭ قازىرگى كەزدە فرانتسيانىڭ كونستيتۋتسيالىق سوتىندا تەكسەرىلىپ جاتىر.
تۇركيالىق ءمينيستردىڭ سۇحباتىندا اتالعانداي, بۇگىندە داۋ-دامايدى ءورشىتىپ وتىرعان 1915 جىلعى جاعداي تۋرالى مالىمەتتەر گەرمانيانىڭ مۇراعاتتارىندا ساقتالعان بولۋى كەرەك. سوندىقتان دا ول بەرليندى تاريحشىلار ءۇشىن ءوز مۇراعاتتارىن اشۋعا شاقىردى. ە.باگيستىڭ حاباردار ەتۋىنشە, ازاماتتىق سوعىس كەزىندە تۇرىكتەر تاراپىنان دا, ارمياندار تاراپىنان دا قۇربان بولعاندار جەتەرلىك. بۇلار جونىندە قۇجاتتار بار.
«سوعىس ەمەس, بەيبىتشىلىك قاجەت»
ارگەنتينا بۇۇ-عا ۇلىبريتانيانىڭ فولكلەند ارالدارىنداعى اسكەريلەرىن كۇشەيتىپ جاتقانىنا بايلانىستى رەسمي شاعىم جولدادى. بۇل ارگەنتينا پرەزيدەنتى فەرناندەس دە كيرشنەردىڭ مالىمدەمەسىندە اتاپ كورسەتىلگەن.
پرەزيدەنتتىڭ مالىمدەمەسى بويىنشا, ۇلىبريتانيانىڭ بۇل ارەكەتى حالىقارالىق قاۋىپسىزدىكتى نىعايتۋعا كەرى ىقپال ەتەدى, قاۋىپ-قاتەردى كۇشەيتەدى. ونىڭ پىكىرىنشە, ۇلىبريتانيا سوعىس ءورتىن تۇتاندىرۋ ارقىلى ارگەنتينانىڭ تابيعي رەسۋرستارىنا قول جەتكىزۋدى ماقسات ەتىپ وتىر. «بريتاندىق پرەمەر-مينيسترگە الەمگە سوعىس ەمەس, بەيبىتشىلىك قاجەت ەكەنىن ايتقىم كەلەدى», – دەپ تۇيىندەگەن ول ءسوزىن.
قىسقا قايىرىپ ايتقاندا:
* ازەربايجان شاح-دەنيز كەن ورنى اۋدانىنداعى پلاتفورمانىڭ تەحنيكالىق اقاۋلىعىنا بايلانىستى تۇركيا مەن گرۋزياعا گاز ەكسپورتتاۋدى ۋاقىتشا توقتاتتى.
* نيدەرلاندىدا قىستىڭ ايازدى بولۋى سالدارىنان سۋ كانالدارى قاتىپ جاتىر. سونداي-اق ۆەنەتسيا مەن پاريج قالالارى دا وسىنداي قيىندىققا تاپ بولۋدا. ەۋروپانىڭ بىرقاتار ەلدەرىندە اۋا تەمپەراتۋراسى 39 گرادۋسقا تومەندەگەن.
* رەسەي مەن ءۇندىستان بيىلعى جىلى دا بىرلەسكەن «يندرا» اتتى قۇرلىقتاعى اسكەري جاتتىعۋدى جالعاستىرادى. جاتتىعۋ قىتاي مەن موڭعوليا شەكاراسىنداعى گەپارد پوليگونىندا وتەدى.
* شۆەتسيانىڭ پرەمەر-ءمينيسترى فرەدريك رەينفەلدت ەلدە زەينەتكەرلىككە شىعۋ جاسىن 75-كە دەيىن ۇزارتۋ مۇمكىندىگىن قاراستىرۋدى ۇسىندى.
* تاشكەنت وبلىسى شىرشىق قالاسىنىڭ ميليتسياسى قازاق جانە وزبەك جاستارى اراسىنداعى بولۋى مۇمكىن ۇلتارالىق قاقتىعىستىڭ الدىن الدى. بۇل ينتەرنەتكە ورنالاستىرىلعان اننەن شىققان.
ينتەرنەت ماتەريالدارى نەگىزىندە ازىرلەندى.
