وپپوزيتسيا شەگىنۋگە ءماجبۇر بولدى
سەيسەنبى, 31 قاڭتار 2012 7:05
سيريانىڭ ۇكىمەتتىك اسكەرى بۇرىن وپپوزيتسيانىڭ قولىنا كوشكەن داماسكىنىڭ شىعىس جاق شەتىندە باقىلاۋ ورناتتى.
سيريانىڭ ەرىكتى ارمياسى تاكتيكالىق شەگىنىس جاسادى, رەجىم كۇشتەرى قالانىڭ شەت ايماعىنا باقىلاۋ ورناتىپ, جاپپاي تۇتقىنداۋلار جۇرگىزۋدە, دەپ حابارلاعان رەيتەر اگەنتتىگى سيريا ۇكىمەتىنە قارسىلاستار وكىلدەرىنە سىلتەمە جاساي وتىرىپ. سوڭعى ۋاقىتتارى ۇكىمەت اسكەرى مەن وپپوزيتسيا اراسىنداعى ۇرىستار داماسك قالاسىنىڭ جاقىن جەرىندە جۇرگەن بولاتىن. وسى ورايدا اراب مەملەكەتتەرى ليگاسىنىڭ وسى ەلدەگى باقىلاۋشىلىق ميسسياسىن توقتاتقانىن دا ايتا كەتۋ قاجەت.
سەيسەنبى, 31 قاڭتار 2012 7:05
سيريانىڭ ۇكىمەتتىك اسكەرى بۇرىن وپپوزيتسيانىڭ قولىنا كوشكەن داماسكىنىڭ شىعىس جاق شەتىندە باقىلاۋ ورناتتى.
سيريانىڭ ەرىكتى ارمياسى تاكتيكالىق شەگىنىس جاسادى, رەجىم كۇشتەرى قالانىڭ شەت ايماعىنا باقىلاۋ ورناتىپ, جاپپاي تۇتقىنداۋلار جۇرگىزۋدە, دەپ حابارلاعان رەيتەر اگەنتتىگى سيريا ۇكىمەتىنە قارسىلاستار وكىلدەرىنە سىلتەمە جاساي وتىرىپ. سوڭعى ۋاقىتتارى ۇكىمەت اسكەرى مەن وپپوزيتسيا اراسىنداعى ۇرىستار داماسك قالاسىنىڭ جاقىن جەرىندە جۇرگەن بولاتىن. وسى ورايدا اراب مەملەكەتتەرى ليگاسىنىڭ وسى ەلدەگى باقىلاۋشىلىق ميسسياسىن توقتاتقانىن دا ايتا كەتۋ قاجەت.
ءساتسىز اياقتالعان سىناق
ءيزرايلدىڭ ۇشقىشسىز ۇشاتىن «ەيتان» ۇشاعى جاڭا تەحنولوگيالاردى سىناقتان وتكىزۋ كەزىندە اپاتقا ۇشىرادى.
بۇل تۋرالى يزرايل قورعانىس ارمياسى جوعارعى قارۋلى كۇشتەرىنىڭ كومانداشىسى يدو نەحۋشتان يلان رامون اتىنداعى VI حالىقارالىق عارىش كونفەرەنتسياسىندا ءسويلەگەن كەزىندە حابارلاعان. ول تەرگەۋلەر جۇرگىزىلىپ, اۆيااپاتتىڭ ناقتى سەبەبىنىڭ انىقتالاتىنىن اتاپ كورسەتكەن. «ەيتان» الەمدەگى ەڭ ۇلكەن ۇشقىشسىز ۇشاتىن ۇشاق بولىپ سانالادى. ساراپشىلاردىڭ حابارلاۋىنشا, وسىناۋ جاڭا قۇرىلعىنىڭ اپاتقا ۇشىراۋى 5 ميلليون دوللار شىعىن اكەلگەن.
قوزعالىس قايتا جانداندى
وكلەند پوليتسياسى تۇتقىنداعان «ۋولل-ءستريتتى باسىپ ال» قوزعالىسى ەرەۋىلشىلەرىنىڭ سانى 400 ادامعا جەتكەن.
«وكلەندتى باسىپ ال» قوزعالىسىنا قاتىسۋشىلار بۇرىن يەسىز قالعان ءبىر عيماراتتى باسىپ الىپ, وندا وزدەرىنە وفيس جاسايتىنىن جانە ۇيسىزدەر پروبلەماسىنا نازار اۋدارتاتىنىن ايتقان بولاتىن. وكلەند پوليتسياسىمەن قاقتىعىس الەۋمەتتىك تەڭسىزدىك پەن بايلارعا سالىناتىن سالىققا قارسى نارازىلىق بىلدىرەتىن قوزعالىسقا قاتىسۋشىلاردىڭ جالپى حالىقتىڭ نازارىن وزىنە اۋدارۋ تۇرعىسىنداعى بيىلعى جىلعى العاشقى تالپىنىسى.
ەۋرووداقتى شومىشتەن قىسپاق
يران پارلامەنتى ەۋرووداق ەلدەرىنە مۇنايدىڭ كەز كەلگەن ءتۇرىنىڭ ەكسپورتىنا 5 جىلدان 10 جىلعا دەيىن تىيىم سالماق نيەتتە.
پارلامەنتتىڭ ەنەرگەتيكا جونىندەگى كوميتەتىنىڭ مۇشەسى ەماد حوسسەينيدىڭ حابارلاۋىنشا, ازىرگە زاڭ جوباسى ازىرلەنۋ ساتىسىندا, دەگەنمەن, ەۋرووداققا كەم دەگەندە 5 جىلعا مۇناي ەكسپورتىنا تىيىم سالۋ جوسپارلانىپ وتىر. ءبىز جاۋدىڭ سانكتسياسىنا قارسى ءوز سانكتسيامىزبەن جاۋاپ قايتارۋعا ءتيىسپىز, دەپ اتاپ كورسەتكەن يراننىڭ ۇلتتىق قاۋىپسىزدىك قىزمەتىنىڭ باسشىسى موحاممەد كاريد ابەدي.
شەتەلدىكتەر كەپىلدىككە الىنۋدا
سۋداننىڭ قاۋىپسىزدىك كۇشتەرى ەلدىڭ وڭتۇستىك كوردوفان شتاتىندا ەرەۋىلشىلەر وتكەن سەنبىدە قولعا تۇسىرگەن 14 قىتايلىق جۇمىسشىنى بوساتتى.
شتات اكىمشىلىگى ءباسپاسوز قىزمەتىنىڭ مالىمەتتەرىنشە, ەرەۋىلشىلەر جول سالىپ جاتقان قىتاي كومپانياسى قىزمەتشىلەرى ورنالاسقان لاگەرگە شابۋىل جاساپ, 35 قىتايلىق جۇمىسشى مەن ينجەنەردى الىپ كەتكەن. كەيبىر مالىمەتتەر بويىنشا ەرەۋىلشىلەردىڭ قولىنا 70-كە تارتا قىتاي ازاماتتارى تۇسكەن كورىنەدى. اسكەريلەر كەپىلدىكتە قالعان وزگە قىتايلىقتاردى بوساتۋ ءۇشىن تالپىنىستار جاساۋدا, دەپ مالىمدەگەن شتاتتىڭ گۋبەرناتورى.
بەيبىت كەلىسسوزدىڭ بەرەرى قانداي؟
اۋعانستان ۇكىمەتى ساۋد ارابياسىندا تاليبان قوزعالىسى وكىلدەرىمەن كەزدەسۋ وتكىزۋدى جوسپارلاپ وتىر, دەپ حابارلاعان بي-بي-سي اگەنتتىگى.
تۇڭعىش رەت وتكەلى وتىرعان بەيبىت كەلىسىمدەر تاليباندار كاتاردا ءوز وكىلدىگىن اشقانعا دەيىن ءوتۋى ءتيىس. وسىعان دەيىن تالىپتەر حاميد كارزاي باسشىلىعىن زاڭسىز دەپ ەسەپتەگەندىكتەن اۋعانستان ۇكىمەتىمەن قانداي دا ءبىر كەلىسسوز جۇرگىزۋدەن باس تارتىپ كەلگەن بولاتىن. تۇڭعىش رەت وتكەلى وتىرعان كەلىسسوزدەرگە ساۋد ارابياسى ارااعايىندىق ءوزىنىڭ يگى سەپتىگىن تيگىزبەك.
اقش-تاعى اۆتوموبيل اپاتى
اقش-تىڭ فلوريدا شتاتىندا ورمان ءورتى سالدارىنان ءىرى اۆتوموبيل اپاتى ورىن العان.
وتكەن سەنبى كۇنى تۇمان مەن جاعالاي جايىلعان ءتۇتىننىڭ اسەرىنەن بىردەن 16 ماشينە سوقتىعىسىپ, سونىڭ سالدارىنان 10 ادام قازا تاۋىپ, 18 ادام اۋرۋحانالارعا جەتكىزىلگەن. جول-كولىك وقيعاسى گەينسۆيلل قالاسى ماڭىندا ورىن العان. اپات سالدارىنان پوليتسياعا وسى جولداعى قوزعالىستى توقتاتۋعا تۋرا كەلگەن. ءمالىم بولعانىنداي, 10 جەڭىل اۆتوموبيل مەن 6 جۇك كولىگى سوقتىعىسقان كورىنەدى.
سولتۇستىك كورەيا پارادقا دايىندالۋدا
سولتۇستىك كورەيادا ءساۋىر ايىندا كيم چەن ير قايتىس بولعاننان كەيىن العاشقى اسكەري پاراد وتپەك.
بۇقارالىق اقپارات قۇرالدارىنىڭ حابارلاۋىنشا, كحدر-دا بىرنەشە ايدان بەرى پارادقا دايىندىق جۇرگىزىلۋدە. اسكەري تەحنيكانىڭ قاتىسۋىمەن وتەتىن پاراد ەلدىڭ نەگىزىن قالاۋشى كيم ير سەننىڭ تۋعانىنا 100 جىل, اسكەردىڭ قۇرىلعانىن 80 جىل تولۋىنا ورايلاستىرىلماق. ال ولاردىڭ كورشىلەرى – وڭتۇستىك كورەيا قورعانىس مينيسترلىگى بۇل جايتكە بايلانىستى ەشقانداي تۇسىنىك بەرمەگەن كورىنەدى.
بانگلادەشتەگى نارازىلىق كۇنى
وپپوزيتسيا جاقتاستارىنىڭ شەرۋى بانگلادەشتىڭ ءبىرنەشە قالاسىندا پوليتسيامەن قاقتىعىسقا سوقتىرىپ, ودان 3 ادام قازا تاۋىپ, 100-دەن استام ادام دەنە جاراقاتتارىن العان.
بانگلادەش ۇلتتىق پارتياسىنىڭ بەلسەندىلەرى مەن ولاردىڭ وداقتاستارى – جامات ي يسلام يسلاميستىك ساياسي پارتياسى ەلدىڭ پرەمەر-ءمينيسترى حاسين ۆازەدانىڭ ساياساتىنا قارسى شىققان. وپپوزيتسيا قازىرگى ۇكىمەت بيلىكتە تۇرعاندا ەلدە سايلاۋ وتكىزۋگە قارسى. 29 قاڭتاردى وپپوزيتسيونەرلەر ۇلتتىق نارازىلىق كۇنى دەپ جاريالاپ, ونىڭ ارتى ونداعان قالالار مەن ەلدى مەكەندەردە پوليتسيامەن قاقتىعىستارعا ۇلاسقان. وپپوزيتسيانىڭ ايتۋىنشا, پوليتسەيلەر 1 مىڭنان استام بەلسەندىلەردى قاماۋعا العان.
ينتەرنەت ماتەريالدارى نەگىزىندە ازىرلەندى.
