تەحنولوگيا • 01 ناۋرىز، 2019

جاستاردىڭ ەرتەڭگى كۇنگە سەنىمى زور

400 رەتكورسەتىلدى

وبلىس اكىمى مالىك مىرزالين ءوڭىر جاستارىمەن كەزدەسىپ، ولاردىڭ بۇگىنگى جاي-كۇيى تۋرالى اڭگىمەلەستى.

تاعىلىمدى شاراعا كوكشەتاۋ قالاسىنان جانە وبلىستىڭ ءار وڭىرىنەن جينالعان بەلسەندى جاستارى قاتىستى. كەزدەسۋدە العاش بولىپ ءسوز العان وبلىس باسشىسى مالىك مىرزالين جاستاردى ءاردايىم قولدايتىنىن ايتا وتىرىپ، وبلىس جاستارىنىڭ وزەكتى ماسەلەلەرىنە توقتالدى.

– تاۋەلسىزدىك رۋحىمەن ءوسىپ كەلە جاتقان بۇگىنگى جاس بۋىن – ەرتەڭگى ءۇمىتىمىز، سەنىمدى تىرەگىمىز. جاستار – ەل دامۋىنىڭ نەگىزگى فاكتورى، – دەدى وبلىس اكىمى. –بۇگىنگى كۇنى اقمولا وبلىسىندا 750 مىڭ تۇرعىن بولسا، ونىڭ 20 پروتسەنتتەن استامى جاستار. بۇگىنگى كۇنى اقمولالىق جاستار ءار سالادا تابىستى ەڭبەك ەتۋدە. ولارعا بيلىك تاراپىنان بارلىق جاعداي جاسالۋدا. وسى ورايدا، وبلىس اكىمى كوكشەتاۋ قالاسىندا «رۋحاني جاڭعىرۋ» سارايى جانە كوپبەيىندى سپورت كەشەنى سالىناتىنىن اتاپ ءوتتى.

كەزدەسۋدە «جاس سارباز» بالالار مەن جاسوسپىرىمدەردىڭ اسكەري-پاتريوتتىق قوزعالىسى» رەسپۋبليكالىق قوعامدىق بىرلەستىگى وبلىستىق فيليلىنىڭ توراعاسى ورىنبەك ساعيدوللا، «شاعىن جانە ورتا بيزنەستى دامىتۋعا قوسقان ۇلەسى» وبلىستىق بايقۋىنىڭ جەڭىمپازى تيمۋر سارسەنباەۆ، «World skills Kazakhstan-2018» 4-ءشى ۇلتتىق چەمپيوناتىنىڭ التى مەدال يەگەرى، كوكشەتاۋ قالاسىنداعى جوعارى تەحنيكالىق كوللەدجدىڭ 3-ءشى كۋرس ستۋدەنتى ماكسيم سوكولوۆ، «Zhas Project» جاستار كورپۋسىن دامىتۋ بويىنشا جوبانىڭ وڭىرلىك ۇيلەستىرۋشىسى تيمۋر ىسقاقوۆ، وبلىس ورتالىعىنداعى ءىت مەكتەپ-ليتسەيىنىڭ 10-شى سىنىپ وقۋشىسى، مۇعالىمدەر ءۇشىن تەستىلەۋ سايتىنىڭ اۆتورى جانارىس سايرانبەكوۆ، كوكشەتاۋ تەحنيكالىق ينستيتۋتىنىڭ كۋرسانتى ادىلەت سەرىك، «رۋح-الداسپان» قوعامدىق بىرلەستىگىنىڭ توراعاسى مەرگەن توقسانباي، شوقان ءۋاليحانوۆ ۋنيۆەرسيتەتىنىڭ ستۋدەنتى، «ماڭگىلىك ەل جاستارى – يندۋسترياسى! جوباسىنا قاتىسۋشى ادىلەت قۇرمانبەك، «فەنيكس» ۆولونتەرلەر ورتالىعى» وڭىرارالىق قوعامدىق ۇيىمىنىڭ ءتورايىمى ايىم كۇشەنوۆا، «شاڭىراق» اگروونەركاسىپتىك حولدينگىنىڭ باسشىسى ينديرا سادەنوۆا ءسوز سويلەپ، جاستارعا ارنالعان باعدارلامالار شەڭبەرىندە اگروونەركاسىپ، مادەنيەت، ءبىلىم جانە عىلىم سالالارىندا  قول جەتكىزىگەن جەتىستىكتەرىن جەتكىزسە، ەندى ءبىرى،  كەيبىرى كۇرمەۋى قيىن ماسەلەلەردى ورتاعا سالدى. بەس بالا تاربيەلەپ وتىرعان جاس انا اسەمگۇل قاليجانوۆا ءوزىنىڭ وتباسىلىق باقىتىمەن ءبولىستى.

– جولداسىم شىڭعىس ەكەۋىمىز بەس بالا تاربيەلەپ وتىرمىز. ءبىزدىڭ ماقساتىمىز ءوسىرىپ وتىرعان ۇل – قىزدارىمىزدى ەلىمىزدىڭ مىقتى ازاماتى ەتىپ تاربيەلەۋ. بىزدە كەز-كەلگەن اتا-انا رەتىندە بالالارىمىزدىڭ بولاشىعى جارقىن جانە باياندى بولعانىن قالايمىز.  سول ءۇشىن ايانباي ەڭبەك ەتۋدەمىز. جاقىندا مەملەكەتتىك تۇرعىن ءۇي باعدارلاماسى بويىنشا پاتەرلى بولدىق. ءبىزدىڭ بولاشاققا دەگەن سەنىمىمىز زور، – دەيدى جاس انا اسەمگۇل قاليجانوۆا.

شارادا ءار سالادا جوعارى جەتىستىكتەرگە قول جەتكىزىپ، كوزگە تۇسكەن بەلسەندى جاستارعا سەرتيفيكات جانە باعالى سىيلىقتار تاپسىرىلىپ، العىس حاتتارمەن ماراپاتتالدى. شارا سوڭىندا جەرگىلىكتى شىعارماشىلىق جاستاردىڭ كونتسەرتتىك باعدارالاماسىنا ۇلاستى.

بايقال ءبايادىل،

«Egemen Qazaqstan»

اقمولا وبلىسى

سوڭعى جاڭالىقتار

ۇقساس جاڭالىقتار