قازاقستان • 01 ناۋرىز، 2019

ەۋروپارلامەنت دەپۋتاتى اندرەي مامىكين «الپامىس باتىردى» جىرلادى

406 رەتكورسەتىلدى

لاتۆيا مەملەكەتىنىڭ ازاماتى، لاتۆياداعى ەۋروپارلامەنت دەپۋتاتى اندرەي مامىكين «تۇلپار ءمىنىپ، تۋ العان» ۇلتتىق جوباسىن قولداۋ ماقساتىندا ۇيىمداستىرىلعان ەستافەتانى قابىلداپ، «الپامىس باتىر» جىرىنان ءۇزىندى وقىدى.

اندرەي مامىكين - لاتۆيا ۋنيۆەرسيتەتىنىڭ فيلولوگيا فاكۋلتەتىن اياقتاعان. 2014 جىلدان باستاپ ەۋروپارلامەنت دەپۋتاتى قىزمەتىن اتقارادى.

ول ەستافەتانى بەلگىلى قازاقستاندىق جۋرناليست، «حابار» اگەنتتىگىنىڭ بەلگياداعى ءتىلشىسى جانات ەرنستتەن الىپ، قر سىرتقى ىستەر ءمينيسترىنىڭ ورىنباسارى رومان ۆاسيلەنكوعا جولدادى.

ەسكە سالا كەتەيىك،  2018 جىلى الماتى قالاسى اكىمدىگىنىڭ قولداۋىمەن «تۇلپار ءمىنىپ، تۋ العان!» ادەبي، تاريحي-تانىمدىق بايقاۋى ءوتتى. بايقاۋعا الماتى قالاسىنداعى 133 مەكتەپتەن  500 مۇعالىم قاتىسىپ، 1300 وقۋشى «الپامىس باتىر» جىرىن جاتتادى. قاتىسۋشىلار ىشىندە 54 وزگە ۇلت وكىلدەرى بولدى.

«تۇلپار ءمىنىپ، تۋ العان» ۇلتتىق جوباسىن قولداۋ ماقساتىندا «الپامىس جىرىن» وقۋدان ەستافەتا ۇيىمداستىرىلعان بولاتىن. ەستافەتانى 300-دەن اسا ەلىمىزدىڭ تانىمال تۇلعالارى قولدادى. ونىڭ ىشىندە مينيسترلەر، دەپۋتاتتار، وبلىس پەن قالا اكىمدەرى، ديپلوماتتار مەن سوت جۇيەسىنىڭ وكىلدەرى، جوعارى وقۋ ورنىنىڭ باسشىلارى، عالىمدار، قوعام جانە مادەنيەت قايراتكەرلەرى، بەلگىلى سپورتشىلار بولدى.

بيىلعى جىلى جوبانىڭ اياسىندا 132 بەتتەن تۇراتىن «قوبىلاندى باتىر» جىرىن 50 000 وقۋشىعا تولىق جاتتاتۋ كوزدەلۋدە.

بايقاۋدىڭ ماقساتى – وسكەلەڭ ۇرپاقتى حالىق پوەزياسىنا، قازاق حالقىنىڭ رۋحاني اسىل مۇراسىنا دەگەن سۇيىسپەنشىلىككە جانە پاتريوتيزمگە تاربيەلەۋ، ەلدىك پەن ەرلىك رۋحىن، نامىسشىلدىق،قايسارلىق قاسيەتتەرگە باۋلۋ. بايقاۋ رەسپۋبليكا بويىنشا 6-10 سىنىپ وقۋشىلارىنىڭ اراسىندا وتەدى. بايقاۋ اياسىندا قاتىسۋشىلار «قوبىلاندى باتىر» جىرىنىڭ ماراباي جىراۋ نۇسقاسىن جاتقا ايتىپ، جىردىڭ ىشىندەگى كونەرگەن، تاريحي سوزدەردىڭ ماعىناسىن اشىپ، ازىرلەنگەن سۇراقتارعا جاۋاپ بەرەدى.

بايقاۋ رەسپۋبليكا بويىنشا 5 000 مەكتەپتەن 50 000 وقۋشى مەن 25 000 مۇعالىمدى قامتيدى دەپ كۇتىلۋدە. جەڭىمپاز اتانعان وقۋشىلار مەن ولاردى سايىسقا باۋلىعان ۇستازداردى اقشالاي سىياقىلار كۇتەدى.

بايقاۋدىڭ ۇيىمداستىرۋ كوميتەتى – «Qazaq Epos» قوعامدىق قورى.

جوبانى قولداۋشى قازاقستان رەسپۋبليكاسى اقپارات جانە كوممۋنيكاتسيالار مينيسترلىگى، ءبىلىم جانە عىلىم مينيسترلىگى، «حابار» اگەنتتىگى،  جەرگىلىكتى اتقارۋشى ورگاندار.

سوڭعى جاڭالىقتار

ىستىق تاماق تاراتتى

قازاقستان • بۇگىن، 17:59

جاقسى اكىم جالعىز جۇرەدى

تانىم • بۇگىن، 17:02

بەتپەردە كيگەن كوكتەم

تانىم • بۇگىن، 16:55

ۇقساس جاڭالىقتار