كەزدەسۋگە بيزنەس مەكتەپ پەن ينجەنەرلىك جانە جاراتىلىستانۋ عىلىمدارىنىڭ دەكاندارى, ۋنيۆەرسيتەتتىڭ بەلدى وقىتۋشىلارى قاتىستى. تاراپتار دۋالدى وقىتۋ, ءبىلىم بەرۋ باعدارلاماسىن يندۋسترياعا يكەمدەۋ, ساپالى ادامي كايتالدى ازىرلەۋ, سونىمەن قاتار ورتاق جوبالاردى جۇزەگە اسىرۋ بويىنشا نەگىزگى باعىتتاردى ورتاعا سالدى. يندۋستريالدى ايماقتىڭ باس ديريەكتورى مۇحتار تۋرابەكوۆ سدۋ وكىلدەرىن ايماق الاڭىندا ورنالاسقان بارلىق ءوندىرىس ورىندارىنىڭ قىزمەتىمەن تانىستىرا وتىرىپ, ءبىلىم بەرۋ مەن بيزنەستىڭ تىعىز بايلانسىتا ورتاق سەرىكتەستىك ورناتۋىنىڭ ماڭىزدىلىعىن اتاپ ءوتتى.
«ماماندار ماسەلەسىنە كەلسەك, يندۋستريالدى ايماقتىڭ بارلىق كاسىپورىندارعا بىلىكتى ماماندار تاپشى. بيزنەس قاۋىمداستىقتىڭ ورتاسىندا جۇرگەن سوڭ, ولاردىڭ ماماندارعا بايلانىستى كوكەيكەستى سۇراقتارى ءاردايىم نازارىمىزدا جۇرەدى. ايتا كەتكەن ءجون, سدۋ قازاقستاندا دا, شەتەلدە دە ءوزىنىڭ ساپالى ءبىلىم بەرۋ جۇيەسىمەن تانىمال. ءبىز سدۋ-دى بەلدى IT ۋنيۆەرسيتەت رەتىندە دە تانيمىز. بالاشاقتا قولدانبالى يندۋسترياعا سۇرانىس ارتا تۇسەدى. سوندىقتان ۋنيۆەرسيتەتپەن قارىم-قاتىناس بىزگە جاڭا مۇمكىندىكتەرگە جول اشادى», دەدى مۇحتار تۇرابەكوۆ.
ءوز كەزەگىندە سدۋ رەكتورى قانات قوجاحمەت دۋالدى ءبىلىم بەرۋ جۇيەسى الەمدەگى كاسىبي-تەحنيكالىق كادرلاردى دايارلاۋدىڭ ەڭ ءتيىمدى نىساندارىنىڭ ءبىرى بولىپ تابىلاتىنىن اتاپ ءوتىپ, سونداي-اق ۋنيۆەرسيتەتتىڭ وسى ساتتەن باستاپ ىنتىماقتاستىق ورناتاتۋعا ءازىر بىرقاتار ناقتى سالالارىن ۇسىندى.
«ايتا كەتسەك, سدۋ فاكۋلتەتتەرى ايماق كاسىپورىندارىنا زەرتتەۋ تۇرعىسىندا كونسالتينگ قىزمەتىن كورسەتۋگە ءازىر. سونىمەن قاتار, دۋالدى وقىتۋ اياسىندا ستۋدەنتتەردى ايماق مەكەمەلەرىنە وندىرىستىك تاجىريبەگە جىبەرۋ جانە كەلەشەكتە ورتاق جوبالاردى بىرلەسە وتىرىپ جۇزەگە اسىرۋ», دەدى قانات قوجاحمەت.
ەكى جاقتى كەلىسسوزدەر بارىسىندا تاراپتار ەلىمىزدىڭ زياتكەرلىك ەليتاسىن قالىپتاستىرۋ, ءبىلىم بەرۋ ساپاسىن قامتاماسىز ەتۋ سالاسىندا ءتيىمدى ىنتىماقتاستىق ورناتۋ, ەڭبەك نارىعىندا سۇرانىسقا يە باسەكەگە قابىلەتتى بىلىكتى ماماندار دايارلاۋ, سونداي-اق بىرلەسكەن ءبىلىم بەرۋ باعدارلامالارىن ىسكە اسىرۋ بويىنشا مەملەكەت باسشىسى بەلگىلەگەن باسىمدىقتاردى ىسكە اسىرۋعا باعىتتالعان ءوزارا ىنتىماقتاستىق تۋرالى مەموراندۋمعا قول قويدى.
ءىس-شارانىڭ رەسمي بولىمىنەن كەيىن سدۋ دەلەگاتسياسى يندۋستريالدى پاركتىڭ بىرقاتار نىساندارىن ارالاپ, جەرگىلىكتى كاسىپورىنداردىڭ قاعاز پاكەتتەرىن شىعارۋ, كارتريدجدەر, مەتالل قۇرىلىمدارىن ءوندىرۋ, سونداي-اق كوكونىس داقىلدارىن ءوسىرۋ جونىندەگى جىلىجاي كەشەنىنىڭ قىزمەتىمەن تانىستى. بارلىق كاسىپورىن باسشىلارى دەلەگاتسيا قۇرامىنا وندىرىستىك تسەحتار بويىنشا تانىستىرۋ ەكسكۋرسيالارىن وتكىزىپ, شىعارىلاتىن وتاندىق ونىمدەر تۋرالى باياندادى.
