داستۇرگە اينالعان جارىسقا قازاقستان, بەلارۋس, ءازىربايجان, لاتۆيا, ليتۆا, يزرايل, يسپانيا, تۇركيا, ۋكراينا جانە ەستونيا قۇرامالارى قاتىستى. قازاقستاننىڭ جاسوسپىرىمدەر قۇراماسى العاش رەت ەۋروپالىق ۇزدىك كوماندالارمەن بىرگە حالىقارالىق ماتچتىق كەزدەسۋ وتكىزىپ وتىر.
تۋرنير قورىتىندىسى بويىنشا قازاقستان 76 ۇپايمەن ون كوماندانىڭ اراسىنان 8-ءشى ورىن يەلەندى.
ءبىزدىڭ قۇراما ساپىنان دانيل كورر مەن كريستينا وۆچيننيكوۆا جۇلدەگەر اتاندى. دانيل 60 مەترگە كەدەرگىلەر ارقىلى جۇگىرۋدەن, كريستينا بيىكتىككە سەكىرۋدەن كۇمىسكە قول جەتكىزگەن بولاتىن.
20 جاسقا دەيىنگى قۇرامالار اراسىنداعى حالىقارالىق ماتچتىق كەزدەسۋدە 195 ۇپاي جيناعان ۋكراينا كومانداسى جەڭىسكە جەتتى. ەكىنشى ورىندا يسپانيا (185), ءۇشىنشى ساتىدا بەلارۋس (182) قۇرامالارى ورنالاسقان.
