بۇل ءىس-شارا 2018 جىلعى قازانداعى ەلباسى نۇرسۇلتان نازارباەۆتىڭ فينليانديا رەسپۋبليكاسىنا رەسمي ساپارىنىڭ ءىس جۇزىندەگى جالعاسى.
دوڭگەلەك ۇستەل جۇمىسىنا فينليانديانىڭ سىرتقى ساۋدا جانە دامۋ ءمينيسترى اننا-ماري ۆيرولاينەن, قر سىرتقى ىستەر ءمينيسترىنىڭ ورىنباسارى ەرمەك كوشەرباەۆ, سونداي-اق ەكى ەلدىڭ ىسكەر توپتارىنىڭ 40-تان استام وكىلدەرى قاتىستى.
سىرتقى ساياسات ۆەدومستۆوسى باسشىسىنىڭ ورىنباسارى ە. كوشەرباەۆ وتىرىستى اشىپ, ينۆەستيتسيالاردى تارتۋ مەحانيزمى, ينۆەستيتسيالىق كليمات, شەتەلدىك ينۆەستورلارعا ارنالعان سالىقتىق جەڭىلدىكتەر تۋرالى ايتتى.
«ەلباسى ينۆەستيتسيالاردى تارتۋ ماسەلەسىنە جەكە نازار اۋدارادى, بۇگىنگى كۇنى قازاقستاندا ينۆەستورلارعا بارلىق جاعداي جاسالىپ, ينۆەستيتسيالىق كليماتتى جەتىلدىرۋ بويىنشا جۇمىستار ۇدايى تۇردە جۇرگىزىلۋدە. 2018 جىلعى جەلتوقسان ايىندا ينۆەستيتسيالاردى تارتۋ فۋنكتسياسى ءبىزدىڭ مينيستىرلىككە جۇكتەلدى. قازىرگى كەزدە «شەتەلدىك كاسىپورىندار-ورتالىق-ايماق» فورماتىندا كەشەندى ەكوجۇيەنى قالىپتاستىرۋ جۇمىستارى باستالدى», - دەدى ە. كوشەرباەۆ.
ءىس-شارا بارىسىندا «Kazakh Invest» ۇق» اق, «Kazakh Export» ەكسپورتتىق ساقتاندىرۋ كومپانياسى» اق, «KaukoInternational», «Finnish Water Forum», «AINS», «Nurminen Logistics» سەكىلدى كومپانيالاردىڭ جەتەكشىلەرى ءوز تانىستىرىلىمدارىن ۇسىندى.
ەكى ەل اراسىنداعى تاۋار اينالىمى 2018 جىلى شامامەن 247 ميلليون اقش دوللاردى قۇرادى. وتكەن جىلى قازاقستاننان فينلياندياعا 115,7 ملن. دوللارعا تاۋار ەكسپورتتالعان. نەگىزگى ەكسپورتتىق ونىمدەر - شيكى مۇناي, كومىر, كومىر شيكىزاتىن ايىرۋ ونىمدەرى, قوزعالتقىشتار مەن كۇشتىك ستانتسيالارى, جۇك ماشينالارى, جەر جۇمىستارىنا ارنالعان ماشينالارى جانە جول-قۇرىلىس تەحنيكاسى.
قازاقستانعا فينليانديادان 2018 جىلى يمپورت كولەمى 131,6 ملن. اقش دوللارىن قۇرادى. نەگىزگى تاۋارلار: مۇناي ونىمدەرى, قاعاز, ءدارى-دارمەك پەن سۋتەك پەروكسيدى.
شارا ناتيجەسىندە «تۇكش جاڭعىرتۋ قازاقستاندىق ورتالىعى» اق, «تەجعزو تيپتىك جانە ەكسپەريمەنتالدى جوبالاۋ عىلىمي-زەرتتەۋ ينستيتۋتى» جشس جانە «AINS Group» اراسىنداعى مەموراندۋمعا قوسىمشا ۇشجاقتى كەلىسىمگە قول قويۋ ءراسىمى وتكىزىلدى.
فينليانديا سولتۇستىك ەۋروپا مەن ەۋرو وداقتاعى قازاقستاننىڭ نەگىزگى ارىپتەستەرىنىڭ ءبىرى بولىپ تابىلادى. ەكى ەل اراسىنداعى قارىم-قاتىناستار ساياسي ديالوگتىڭ جوعارى ديناميكاسىمەن, ەكونوميكالىق جانە ينۆەستيتسيالىق ىنتىماقتاستىقتى ودان ءارى كەڭەيتۋ ءۇشىن ۇلكەن الەۋەتىمەن سيپاتتالادى.
