قازاقستان • 01 ناۋرىز، 2019

قازاقستان يسلام ىنتىماقتاستىعى ۇيىمىمەن جۇمىستى كەڭەيتۋدى جالعاستىرۋدا

384 رەت كورسەتىلدى

ابۋ-دابيدە يسلام ىنتىماقتاستىعى ۇيىمى (يىۇ) سىرتقى ىستەر مينيسترلەرى كەڭەسىنىڭ 46-سەسسياسى جۇمىسىن باستاپ، وعان سىرتقى ىستەر ءمينيسترى بەيبىت اتامقۇلوۆ باستاعان قازاقستان دەلەگاتسياسى قاتىسۋدا دەپ حابارلايدى ءسىم ءباسپاسوز قىزمەتى.

فورۋمنىڭ قارساڭىندا قازاقستان ءسىم باسشىسى يىۇ باس حاتشىسى يۋسەف ءال-وسەيمينمەن كەلىسسوزدەر وتكىزدى. كەزدەسۋ بارىسىندا تاراپتار يسلام الەمىندەگى ساياسي جانە ەكونوميكالىق ءومىردىڭ ەڭ وزەكتى ماسەلەلەرى بويىنشا ۇستانىمدارىن تەڭەستىردى. الەمدىك تۇراقتىلىقتى ساقتاۋعا، ەكونوميكالىق جانە گۋمانيتارلىق بايلانىستاردى كەڭەيتۋگە باعىتتالعان قازاقستان پرەزيدەنتى نۇرسۇلتان نازارباەۆتىڭ باستامالارىن جۇزەگە اسىرۋعا اسا كوڭىل ءبولىندى.

يىۇ باس حاتشىسى قازاقستان جانە ونىڭ كوشباسشىسىنىڭ ۇيىمنىڭ قىزمەتىن قولداۋداعى، مۇشە مەملەكەتتەردىڭ اراسىنداعى سەنىم مەن ءوزارا قارىم-قاتىناس اتموسفەراسىن نىعايتۋداعى ءرولىن جوعارى باعالادى. يىۇ قىزمەتىندە 2016 جىلى قازاقستان مەن تۇركيا پرەزيدەنتتەرى ۇسىنعان يسلامدىق تاتۋلاسۋ باستاماسىن ىسكە اسىرۋ ماسەلەسى ەرەكشە ورىن الادى. بۇل كونتسەپتسيا يىۇ-عا مۇشە ەلدەر اراسىندا ءتۇرلى كەلىسپەۋشىلىكتەردى رەتتەۋ ءۇشىن كەڭ جانە يكەمدى پلاتفورما قۇرۋدى كوزدەيدى. وسىعان بايلانىستى تاراپتار وسى باعىتتاعى بىرلەسكەن جۇمىستىڭ ناقتى شارالار كەشەنى بويىنشا كەلىستى.

2019 جىلى استانادا ازىق-ت ۇلىك قاۋىپسىزدىك جونىندەگى يسلام ۇيىمى باس اسسامبلەياسىنىڭ ەكىنشى وتىرىسى وتەدى. بۇل ۇيىمدى قۇرۋ باستاماشىسى رەتىندە ەلباسى ن.نازارباەۆ بولىپ تابىلادى. قىسقا مەرزىم ىشىندە بۇل قوعامداستىققا قازاقستان يىۇ ەلدەرىنىڭ ازىق-ت ۇلىك حابى جانە اگروونەركاسىپتىك ساياساتتى جوسپارلاۋ ورتالىعى بولا الادى دەپ سانايتىن 32 مەملەكەت قوسىلدى.

يىۇ حاتشىلىعى مەن يسلام دامۋ بانكى (يدب) قازاقستان جانە باسقا ەلدەرمەن بىرلەسىپ، ءبىزدىڭ «يسلامدىق ينفراقۇرىلىمدىق ىقپالداستىق» اتتى باستامامىزدىڭ ءىس جۇزىندە ىسكە اسىرىلۋى بويىنشا جۇمىس جۇرگىزىپ كەلەدى. وسى ماقساتتا يدب «كولىك-گەوگرافيالىق اقپاراتتىق جۇيەنى» ازىرلەپ، بۇل ازيا، تاياۋ شىعىس جانە افريكانىڭ اراسىنداعى كولىك دالىزدەرىنىڭ قازىرگى جاعدايىن جانە بىرىكتىرۋ جولدارىن تالداۋعا مۇمكىندىك بەرەدى. بۇدان باسقا، باستاما يىۇ مەملەكەتتەرى اراسىندا تاۋارلار مەن ينۆەستيتسيالار اعىنىن جەڭىلدەتۋ جاعدايىن جاساۋدى كوزدەيدى.

2017 جىلى استانا «يىۇ-نىڭ 2026 جىلعا دەيىنگى عىلىم، تەحنولوگيا جانە يننوۆاتسيانى دامىتۋ جونىندەگى باعدارلاماسى» قابىلدانعان يىۇ-نىڭ عىلىم جانە تەحنولوگيالار جونىندەگى ءبىرىنشى ءسامميتىن وتكىزدى. بۇدان باسقا، قازاقستاننىڭ ۇسىنىسى بويىنشا عىلىم مەن تەحنولوگيا سالاسىندا 15 جەتەكشى مۇسىلمان ەلدەرىنىڭ ديالوگ الاڭىن قۇرۋ بويىنشا جۇمىس جۇرگىزىلۋدە. مينيسترلەر كەزدەسۋى بارىسىندا قازاقستاندىق ديپلومات اسقار مۋسينوۆ يىۇ-نىڭ عىلىم جانە تەحنولوگيا جونىندەگى باس حاتشىسىنىڭ ورىنباسارى لاۋازىمىنا رەسمي تۇردە كىرىسەدى.

يىۇ باس حاتشىسىمەن كەلىسسوزدەردىڭ ماڭىزدى بولىگى ۇيىمدى رەفورمالاۋ تاقىرىبى بولدى. مينيستر ب.اتامقۇلوۆ يىۇ-نىڭ تەز وزگەرەتىن الەم تالاپتارىنا سايكەس كەلۋ ءۇشىن وزگەرىستەر ءسوزسىز قاجەت ەكەندىگىن اتاپ ءوتتى. بۇۇ-دان كەيىنگى ەكىنشى ءىرى حالىقارالىق ۇيىم بولىپ تابىلاتىن يىۇ-نىڭ تيىمدىلىگىن ارتتىرۋ مۇشە مەملەكەتتەردىڭ دە، بۇكىل حالىقارالىق قوعامداستىقتىڭ دا مۇددەلەرىنە قىزمەت ەتەدى.

سىرتقى ىستەر ءمينيسترى يىۇ باس حاتشىسى يۋ. ءال-وسەيميندى ۇستىمىزدەگى جىلعى 16-17 مامىردا وتەتىن XII استانا ەكونوميكالىق فورۋمىنا شاقىردى. فورۋم جۇمىسىنا يىۇ ەلدەرىنىڭ ءىرى ينۆەستورلارى دا قاتىساتىنىنا ءۇمىت ءبىلدىردى.

سوڭعى جاڭالىقتار

سەنگەنىمىز – شەتەل ۆاليۋتاسى...

ەكونوميكا • بۇگىن، 08:14

بورتە حانىم

رۋحانيات • بۇگىن، 08:10

قارا شاڭىراقتىڭ قاسيەتى

قوعام • بۇگىن، 08:08

ەلگە العىستارىن جەتكىزدى

قوعام • بۇگىن، 08:03

وزبەكستان نارىعىنا شىعادى

ەكونوميكا • بۇگىن، 07:55

قوسىلۋ شارتىنا قول قويدى

قوعام • بۇگىن، 07:54

قۇس شارۋاشىلىعى قولداۋ كۇتەدى

ەكونوميكا • بۇگىن، 07:51

مۇنايى مول ماڭعىستاۋ

ايماقتار • بۇگىن، 07:50

تاكەن جازعان اشتىق

تاريح • كەشە

ۇقساس جاڭالىقتار