مەملەكەت باسشىسى نۇرسۇلتان نازارباەۆ «نۇر وتان» پارتياسىنىڭ XVIII سەزىندە ەلىمىزدەگى الەۋمەتتىك سالالاردى جانداندىرۋعا باعىتتالعان ماڭىزدى مەجەلەردى ايقىنداپ بەردى. جاڭا الەۋمەتتىك قامقورلىق شارالاردى جۇزەگە اسىرۋ ناتيجەسى ەلىمىزدىڭ الەۋمەتتىك-ەكونوميكالىق دامۋىنا, حالىقتىڭ تۇرمىس ساپاسىن جانە الەۋمەتتىك ءالسىز توپتاردىڭ كىرىستەرىنىڭ ارتۋىنا ۇلكەن سەرپىن بەرەدى. الداعى ۋاقىتتا اتالعان مىندەتتەردى ىسكە اسىرۋ ءۇشىن زاڭعا وزگەرىستەر ەنگىزىلەدى.
وسى ورايدا مەملەكەت باسشىسىنىڭ تاپسىرمالارىن ىسكە اسىرۋ بويىنشا اتقارىلعان جۇمىستاردىڭ بارلىعىن اۋقىمدى تۇردە جاريالاپ, اقپاراتتىق ءتۇسىندىرۋ جۇمىستارىن جۇرگىزۋ قاجەت. سوندىقتان قازىرگى كەزدە مينيسترلىكتەر, اكىمدىكتەر, «نۇر وتان» پارتياسى وسى باعىتتا جۇمىس اتقارماق. بۇل رەتتە حالىقپەن كەرى بايلانىس ورناتۋ ءۇشىن جۇمىس جۇرگىزۋدىڭ جاڭا فورماتتارىن قاراستىرامىز. وسىعان بايلانىستى اقپارات جانە قوعامدىق دامۋ مينيسترلىگى جاقىن ارادا وزگە مەملەكەتتىك ورگاندارمەن بىرگە ناقتى قادامداردى بەلگىلەيتىن بولادى.
گۇلشارا ابدىقالىقوۆا,
پرەمەر-ءمينيستردىڭ ورىنباسارى
