سونداي ازاماتتاردىڭ ءبىرى تۇرىك ەتنوسىنىڭ وكىلى تۇرىمبەك وسمانوۆ. ايتۋلى كۇندە ءتۇبىمىز ءبىر تۇركى دەپ اتا-باباسىنا پانا بولعان اقىلبەك احمەتباي اقساقالدىڭ وتباسىنا بارىپ, قازاق اعايىندارعا رياسىز ريزاشىلىعىن جەتكىزدى.
ءدال وسى كۇنى شاھارداعى كورەي, گرەك, يران ەتنومادەني بىرلەستىكتەرى مەن «ىنتىماق» ەتنوسارالىق بىرلەستىگىنىڭ جەتەكشىلەرى دە قامقورشىل وتباسىلارعا دوستىقتىڭ بەلگىسى رەتىندە ارنايى سىيلىقتار تارتۋ ەتتى.
«سولاقاي ساياساتتىڭ سالدارىنان ءبىزدىڭ اتا-بابالارىمىز 1944 جىلى گرۋزيانىڭ احىسقا ايماعىنان قازاق جەرىنە قونىس اۋداردى. 8 بالاسىمەن شىمكەنتتىڭ ماڭىنداعى قىزىلساي اۋىلىنا تاپ بولعان ءبىزدىڭ بابالارىمىز ياعني وسمانوۆتار اۋلەتىن سول كەزدە احمەتباي اقساقال قابىلداپ, قورجىن تامىنىڭ ءبىر بولمەسىن ۇسىندى. وزدەرىنىڭ باسىنداعى قيىن جاعدايعا قاراماستان ءبىر ءۇزىم نانىمەن ءبولىسىپ, اشتىقتان, اۋرۋدان تيتىقتاعان حالىقتى امان الىپ قالدى. وسىنداي مەيىرىمدىلىگى ءۇشىن قازاق حالقىنا شەكسىز ريزاشىعىمدى بىلدەرەمىن», دەيدى تۇرىك ازاماتى.
قاراتاۋ اۋدانىنا قاراستى قايتپاس شاعىناۋدانىندا تۇراتىن قوس اۋلەتتىڭ ۇرپاقتارى بۇگىندە بىرگە تۋعان باۋىرلارداي ءوزارا تىعىز قارىم-قاتىناستا ءومىر سۇرەدى.
سونداي-اق, مەرەكە اياسىندا قالالداعى 16 ەتنومادەني بىرلەستىكتەردىڭ توراعالارى تار زاماندا ءبىر ءۇزىم ناندى ءبولىپ بەرگەن اقكوڭىل قازاق شاڭىراقتارىنا بارىپ, قازاق حالقىنىڭ ەتنوستارعا جاساعان جاقسىلىعىن ەسكە الدى.
