ايماقتار • 28 اقپان، 2019

مەملەكەتتىك قىزمەت: شەنەۋنىكتەر نەگە «كومفورت-اۋماقتان» شىققىسى كەلمەيدى؟

485 رەت كورسەتىلدى

قوعامدا شەنەۋنىكتەردىڭ بۇقارا حالىقپەن جۇمىس ىستەۋىنە قاتىستى سىن كوپ ايتىلاتىنى جاسىرىن ەمەس. اسىرەسە، باسشىلىقتاعى مەملەكەتتىك قىزمەتكەردىڭ ورتاق ىسكە ەمەس، جەكە جاعدايىنا كوبىرەك ءبولۋى تۇرعىنداردىڭ تۇسىنبەۋشىلىگى مەن اشۋ-ىزاسىن دا تۋعىزاتىنى ءسوزسىز.

سول كەلەڭسىزدىكتىڭ قاتارىندا شەنەۋنىكتەردىڭ جۇمىس كابينەتىن جاساقتاۋعا قاتىستى ءۋاج بار. جانە ول نەگىزسىز ەمەس ەكەن. جاقىندا مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگىنىڭ الماتى وبلىسى بويىنشا دەپارتامەنتى ايماقتاعى مەملەكەتتىك مەكەمەلەرگە ارنايى تەكسەرۋ جۇمىستارىن جۇرگىزگەن بولاتىن. ناتيجەسىندە مەملەكەتتىك قىزمەت كورسەتىلەتىن ورىندارعا قاتىستى ءبىرتالاي جايت انىقتالدى. ماسەلەن، اق جاعالىلاردىڭ دەنى اتشاپتىرىم كابينەتتەردە وتىرۋدى ۇناتادى ەكەن. جايلى كابينەتتەگى جۇمساق جيھاز بەن جاعىمدى اتموسفەرا بۇل جەرگە العاش كەلگەن ادامدى مەملەكەت ادامىنىڭ قىزمەت ورىنى ەمەس، جەكە كاسىپ يەسىنىڭ دەمالىس بولمەسىنە كىرگەندەي اسەرگە بولەيدى. قىزمەتتىك تەكسەرۋ ايماقتاعى سەگىز جۇزدەن استام مەملەكەتتىك مەكەمەلەردى قامتىعان. ناتيجەسىندە قىزمەتتىك عيماراتتاردى پايدالانۋعا قاتىستى زاڭ بۇزۋشىلىق ورىن العانى انىقتالىپ، 50 000 شارشى مەتر اۋماق ءتيىمسىز قولدانىستا بولعانى دالەلدەندى. 

- مەملەكەتتىك مەكەمەلەردەگى پايدالانىلاتىن اۋماق زاڭدا بەلگىلەنگەن تالاپقا ساي بولۋى ءتيىس. ولاي بولماعاندا قازىنا قارجىسىنا ارتىق شىعىن اكەلەدى. مىسالى، تالدىقورعان قالاسى اكىمدىگىنىڭ حالىقتى جۇمىسپەن قامتۋ ورتالىعى وسىعان دەيىن جالپى الاڭى 206 شارشى مەتر عيماراتتى جالعا الىپ، وعان ءار جىل سايىن 7 ملن. 380 مىڭ تەڭگە اقى تولەپ وتىرعان، - دەيدى مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگىنىڭ الماتى وبلىسى بويىنشا دەپارتامەنتى مەملەكەتتىك قىزمەتتەر باسقارماسىنىڭ باسشىسى جەڭىس اندابەكوۆ.

 تەكسەرۋدەن كەيىن بۇل مەكەمە تالدىقورعان قالاسىنىڭ جۇمىسپەن قامتۋ جانە الەۋمەتتىك باعدارلامالار ءبولىمىنىڭ عيماراتىنا كوشىپ، جالعا بەرىلەتىن قاراجات ۇنەمدەلدى. ال تەكەلى قالاسى اكىمدىگىنىڭ جەر قاتىناستارى ءبولىمى دە جەكەمەنشىك عيماراتتان كەڭسە جالداپ، ايىنا 100 مىڭ تەڭگە، جىلىنا 1 ملن 200 مىڭ تەڭگەنى ورىنسىز جۇمساعان.

ايتپاقشى، وسىنداي قولايلى اۋماقتا ۇزاق جىل وتىرىپ، باسشىلىق ەتۋگە بەيىل جاندار ءبىلىم سالاسىندا دا جەتىپ ارتىلادى ەكەن. مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگى ايماقتاعى مەكتەپ ديرەكتورلارىنىڭ جۇمىس كابينەتتەرىنە دە مونيتورينگ جۇرگىزگەن ەكەن.  ناتيجەسىندە كەيبىر مەكتەپ باسشىلارى كابينەتتەرىنىڭ اۋماعى اتشاپتىرىم ەكەندىگى انىقتالدى. ياعني، بۇل بولمەلەر دە ءبىلىم مەكەمەسىندە ءتيىمسىز پايدالانىلاتىن الاڭ قاتارىنا جاتقىزىلعان.

- بۇگىندە مەملەكەتتىك قىزمەتشىلەر مەن ۆەدومستۆولىق باعىنىستى ۇيىمدار باسشىلارىنىڭ الدىندا ءوز جۇمىس ءستيلىن قايتا قاراستىرىپ، مەملەكەت پەن قوعام اراسىنداعى الشاقتىقتى جويۋ مىندەتى تۇر. وسىعان وراي، وبلىستاعى ءبىلىم مەكەمەلەرىنە ارنايى مونيتورينگ جاسادىق. ناتيجەسىندە 740 مەكتەپ ديەكتورلارى كابينەتىن زەردەلەدى. جالپى وبلىس بويىنشا اۋدان، قالالارداعى مەكتەپ ديرەكتورلارىنىڭ كابينەتتەرىنەن جالپى كولەمى 1500 شارشى مەتر نورمادان اسىپ تۇر. اۋماعى اتشاپتىرىم، كولەمى زاڭدا بەلگىلەرگەن تالاپتار ارتىق 174  كابينەت انىقتالدى، - دەدى بىزگە دەپارتامەنتتىڭ مەملەكەتتىك قىزمەتتەر باسقارماسىنىڭ باسشىسى جەڭىس اندابەكوۆ.

ال مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگى الماتى وبلىسى بويىنشا دەپارتامەنتى ءوز تاراپىنان جوعارىداعى مەكتەپ باسشىلارىنا رەگلامەنتكە سايكەس جۇمىس كابينەتىنە ورنالاسۋدى مىندەتتەگەن. بۇل سىنپقا با لسىيماي جاتقان كەيبىر مەكتەپتەردەگى ورىن سانىن رەتتەپ، باسشىلىقتىڭ دا ازاماتتارعا قول جەتىمدىلىگىن ارتتىرۋادى. ءتىپتى، مەكتەپ ديرەكتورلارىنىڭ كابينەتىن مەكتەپتىڭ ءبىرىنشى قاباتتارىنا كوشىرۋ عيماراتتاعى قاربالاس كەزىندە جاعدايدى باقىلاۋعا مۇمكىندىك بەرەدى دەپ ايتادى ماماندار،

جالپى، مەملەكەتتىك قىزمەتكەرلەردىڭ بيۋدجەت قارجىسى ەسەبىنەن ۇلكەن كەڭسە جالداپ، «كومفورت اۋماقتاردا» جۇمىس ىستەۋگە دەگەن قۇمارلىعى زاڭ اياسىندا جازالانۋى ءتيىس. سوندا بۇل كەلەڭسىز ءۇردىستىڭ جولى كەسىلىپ، باسشىلاردىڭ دا ەلگە بەت بۇرۋىنا جول  اشىلماق. بۇل ادەتتەن باس تارتۋدىڭ ءتاسىلى دە جەتكىلىكتى كورىنەدى. سونىڭ ءبىرى، قازىر قولدانىسقا كەڭىنەن ەنگىزىلىپ جاتقان Open space جوباسىندا قىزمەت كورسەتۋ ۇلگىسى شەنەۋنىكتەردى بۇقارا حالىقپەن جاقىنداتىپ، ەركىن قالىپتا جۇمىس ىستەۋگە بەيىمدەۋدە. الماتى وبلىسىنداعى ۇشتوبە قلاسىنىڭ اكىمدى وسى جوبا بويىنشا قىزمەت كورسەتۋدى باستاعان ەدى. 

ۇشتوبەدەگى «سەرۆيستىك اكىمدىكتىڭ» تاعى ءبىر ەرەكشەلىگى، بۇل جەردە ادەتتەگىدەي كىلەم توسەلگەن ءدالىز بويىنا قازداي تىزىلگەن ەمەن ەسىكتى كابينەتتەر جوق. ەسەسىنە، ۇياداي عانا عيماراتقا قاجەتتى قىزمەتتىڭ 41 ءتۇرىن ۇسىناتىن ۇشتوبە قالاسى اكىمىنىڭ اپپاراتى، ءبىلىم بەرۋ، ساۋلەت جانە قالا قۇرىلىسى، جەر قاتىناستارى، جولاۋشىلار تاسىمالى جانە اۆتوموبيل جولدارى بولىمدەرى، قاراتال اۋدانى اكىمدىگىنىڭ جۇمىسپەن قامتۋ ورتالىعى سياقتى ناعىز جۇرت ءجيى ىزدەيتىن رەسمي ورگانداردىڭ جۇمىسىنا تۇرعىندار ءدان ريزا.

قالماحانبەت مۇقامەتقالي،

«Egemen Qazaqstan»

الماتى وبلىسى

سوڭعى جاڭالىقتار

تاريحي نىساندار جاڭعىرتىلۋدا

قازاقستان • بۇگىن، 13:05

بۇگىن – ەڭبەك كۇنى

قازاقستان • بۇگىن، 09:20

شەكتەن شىققان احۋال جوق

ايماقتار • كەشە

اتىراۋدا ەگىز ۇل امان-ەسەن تابىلدى

ايماقتار • 25 قىركۇيەك، 2020

اتىراۋدا جول بويىندا تراكتور اۋدارىلدى

ايماقتار • 25 قىركۇيەك، 2020

شىعىستا جازۋشى ءمۇسىنى تۇعىرعا قوندى

رۋحانيات • 25 قىركۇيەك، 2020

ۇقساس جاڭالىقتار