وسىعان وراي, ورتالىق كوممۋنيكاتسيالار قىزمەتىندە فرانكوفوندى ەلدەر ەلشىلەرىنىڭ قاتىسۋىمەن فرانكوفونيا مەرەكەسىنە جانە #Frankofonı Naýryzy – 2019» ماۋسىمىنا ارنالعان ءباسپاسوز ءماسليحاتى وتكىزىلدى.
«فرانكوفونيا – 5 قۇرلىقتاعى 80 مەملەكەتتىڭ, 300 ميلليوننان استام فرانتسۋز ءتىلدى ادامداردىڭ باسىن بىرىكتىرەتىن گەو-مادەني كەڭىستىك. جىل سايىن الەم بويىنشا حالىقارالىق فرانكوفونيا كۇنى 20 ناۋرىز كۇنى تويلانادى. قازاقستانداعى ناۋرىز مەيرامىن تويلاۋ وسى كۇنگە سايكەس كەلەتىندىكتەن, اتالمىش ماۋسىمنىڭ #Frankofonı Naýryzy دەپ اتالۋى ورىندى. مادەني ماۋسىم اياسىندا بارشا قازاقستاندىقتارعا فرانكوفونيا ەلدەرىنىڭ باي مادەنيەتىمەن جانە فرانتسۋز تىلىمەن جاقىنىراق تانىستىراتىن قىزىقتى ءارى جارقىن مادەني ءىس-شارالار باعدارلاماسى ۇسىنىلادى», - دەدى فرانتسيانىڭ قازاقستانداعى توتەنشە جانە وكىلەتتى ەلشىسى فيليپپ مارتينە.
