ستۋدەنت جاستاردىڭ ساناسىنا يماندىلىق, قوعامعا قاجەتتىلىك, قايىرىمدىلىق سىندى ادامي قۇندىلىقتاردى ۇيالاتۋ ماقساتىنداعى جوبانى ىسكە اسىرۋ بارىسىندا ستۋدەنتتەر جالعىزىلىكتى قارتتاردىڭ ۇيىنە, كوپ بالالى, ءارى تۇرمىسى تومەن انالاردىڭ ۇيلەرىنە بارىپ, ءۇي شارۋاسىنا كومەكتەستى. ءبىر توپ جاستار جەتىم بالالارعا, «انا مەن بالا ورتالىعىنا» ءوز كومەكتەرىن كورسەتتى. كەلەسى توپ مۇمكىندىگى شەكتەۋلى جاندارعا ارناپ پاراليمپيادا وينىدارىن وتكىزسە, ستۋدەنتترەدىڭ ءبىر توبى پسيحونەۆرولوگيالىق اۋرۋعا شالدىققان مۇگەدەك بالالارعا جان جىلۋىن سىيلادى. جوباعا وڭىرگە بەلگىلى كاسىپكەرلەر قولداۋ كورسەتتى.
مۇمكىندىگى شەكتەۋلى بالالار مەن قامكوڭىل قارتتار قۋانىشتارى مەن ريزاشىلىقتارىن ساحناعا شىعىپ, اق تىلەكپەن, ءوز ونەرلەرىمەن جەتكىزدى.
ۋنيۆەرسيتەت رەكتورى ب.احمەتوۆ شارانىڭ وڭايلىقپەن وتكىزىلمەگەنىن اتاپ ءوتىپ, اتسالىسقان جاستار مەن كاسىپكەرلەرگە, سونداي-اق كومەك كورسەتۋلەرىنە مۇمكىندىك جاساپ, رۇقساتىن بەرگەن مەكەمەلەر باسشىلارىنا العىس ايتتى.
سونداي-اق, شارا سوڭىندا وقۋ ورنىنىڭ باسشىسى جوباعا قولداۋ كورسەتۋگە ىنتا بىلدىرگەن كاسىپكەرلەرمەن مەموراندۋمعا قول قويدى.
گۇلايىم شىنتەمىرقىزى,
«Egemen Qazagstan»
ماڭعىستاۋ وبلىسى
