«حالىقتى تازا اۋىز سۋمەن قامتۋ جانە جاپپاي گازداندىرۋ - ماڭىزدى باسىمدىق بولىپ قالا بەرەدى. ەلدى مەكەندەرگە سۋ تارتۋ جانە سۋمەن قامتاماسىز ەتۋ جۇمىستارىنا قوسىمشا 140 ملرد تەڭگە ءبولۋدى تاپسىرامىن. بۇل قاراجاتتى وبلىستار الىپ, جۇمىسقا كىرىسۋى كەرەك. بۇل شەشىم وسى سالاداعى 2,2 ملن ازاماتتىڭ ماسەلەسىن شەشەدى» دەدى ەلباسى «نۇر وتان» پارتياسىنىڭ كەزەكتى XVIII سەزىندە.
سونىمەن بىرگە ەلباسى گازداندىرۋ جانە ەلەكتر قۋاتىمەن قامتۋ ءۇشىن 140 ملرد تەڭگە ءبولۋدى تاپسىردى. بۇل جۇمىستار 1,1 ملن ادامدى گازبەن قامتۋعا مۇمكىندىك بەرەدى جانە وڭىرلىك ەنەرگيامەن قامتۋ الەۋەتىن ارتتىرادى. «بۇل ماقساتتار ءۇشىن ۇكىمەتكە 2019-2021 جىلدار ارالىعىندا 920 ملرد تەڭگە قاراستىرۋدى تاپسىرامىن», - دەدى نۇرسۇلتان نازارباەۆ.
