حيللاري كلينتون: قازاقستانداعى زاڭدىلىق ۇلىقتىلىعى
دۇيسەنبى, 16 قاڭتار 2012 7:52
قازاقستان رەسپۋبليكاسىنىڭ سىرتقى ىستەر ءمينيسترى ەرجان قازىحانوۆ اقش-تىڭ مەملەكەتتىك حاتشىسى حيللاري كلينتونمەن تەلەفون ارقىلى سويلەستى. سۇحبات بارىسىندا تاراپتار ەكىجاقتى ستراتەگيالىق سەرىكتەستىگىنىڭ بولاشاعىن تالقىلادى.
قازاقستان جانە اقش سىرتقى ساياسي ۆەدومستۆولارىنىڭ باسشىلارى ديپلوماتيالىق قاتىناستاردى ورناتۋ كۇنىنەن بەرى 20 جىلدىڭ ىشىندە ەكى مەملەكەت ۇزاق جولدى ەڭسەرىپ, كەڭ اۋقىمدى ىنتىماقتاستىقتى ءارى قاراي نىعايتۋ جولىندا باياندى نەگىزدەر قالاعانىن اتاپ ءوتتى. بۇل ىنتىماقتاستىق قاۋىپسىزدىك, جاپپاي قىرىپ-جوياتىن قارۋ-جاراقتاردى تاراتپاۋ, ەنەرگەتيكا, ەكونوميكالىق دامۋ, ايماقتىق تۇراقتىلىق جانە دەموكراتيالىق ۇدەرىستەردى دامىتۋ سياقتى سالالاردى قامتۋدا.
دۇيسەنبى, 16 قاڭتار 2012 7:52
قازاقستان رەسپۋبليكاسىنىڭ سىرتقى ىستەر ءمينيسترى ەرجان قازىحانوۆ اقش-تىڭ مەملەكەتتىك حاتشىسى حيللاري كلينتونمەن تەلەفون ارقىلى سويلەستى. سۇحبات بارىسىندا تاراپتار ەكىجاقتى ستراتەگيالىق سەرىكتەستىگىنىڭ بولاشاعىن تالقىلادى.
قازاقستان جانە اقش سىرتقى ساياسي ۆەدومستۆولارىنىڭ باسشىلارى ديپلوماتيالىق قاتىناستاردى ورناتۋ كۇنىنەن بەرى 20 جىلدىڭ ىشىندە ەكى مەملەكەت ۇزاق جولدى ەڭسەرىپ, كەڭ اۋقىمدى ىنتىماقتاستىقتى ءارى قاراي نىعايتۋ جولىندا باياندى نەگىزدەر قالاعانىن اتاپ ءوتتى. بۇل ىنتىماقتاستىق قاۋىپسىزدىك, جاپپاي قىرىپ-جوياتىن قارۋ-جاراقتاردى تاراتپاۋ, ەنەرگەتيكا, ەكونوميكالىق دامۋ, ايماقتىق تۇراقتىلىق جانە دەموكراتيالىق ۇدەرىستەردى دامىتۋ سياقتى سالالاردى قامتۋدا.
ە.قازىحانوۆ مەملەكەتتىك حاتشىنى پارلامەنت ماجىلىسىنە سايلاۋدى وتكىزۋ جۇمىسى جايلى حاباردار ەتىپ, سايلاۋ دەموكراتيالىق دامۋ جولىندا ماڭىزدى قادام بولىپ, ەلىمىزدىڭ ودان ءارى جۇيەلى جانە تۇراقتى الەۋمەتتىك-ەكونوميكالىق دامۋىنا مۇمكىندىك تۋعىزاتىنىن باسا ايتتى.
ح.كلينتون قازاقستاننىڭ ەركىن ءارى ءادىل سايلاۋدى وتكىزۋگە دەگەن نىق ۇستانىمىنا مىزعىماس قولداۋ ءبىلدىرىپ, ەلىمىزدىڭ اشىقتىعى مەن كوپتەگەن شەتەلدىك بايقاۋشىلاردىڭ شاقىرىلۋىن ايرىقشا اتاپ ءوتتى. مەملەكەتتىك حاتشى امەريكا قۇراما شتاتتارى قازاقستاننىڭ ءارى قاراي جان-جاقتى دامۋىن تولىققاندى قولدايتىنىن باسا ايتىپ, ەلىمىزدەگى ۇدەرىستەردىڭ ماڭىزدى ايماقتىق تۇرعىدا ءوتىپ جاتقانىن اتاپ ءوتتى. سونىمەن قاتار, اقش مەملەكەتتىك دەپارتامەنتىنىڭ باسشىسى, كونستيتۋتسيالىق كەڭەس كوزقاراسىنا قاراماستان, بۇكىل قازاقستاندىقتاردىڭ كونستيتۋتسيالىق بورىشىن قامتاماسىز ەتۋ مۇددەلەرىنە باعىشتالعان قازاقستان پرەزيدەنتىنىڭ جاڭاوزەندەگى سايلاۋدى وتكىزۋ جونىندەگى شەشىمى قازاقستانداعى زاڭدىلىق ۇلىقتىلىعى مەن دەموكراتيا قاعيدالارىنا دەگەن نىق ۇستانىمىنىڭ جارقىن ايعاعى دەپ ايتتى.
سۇحباتتاسۋشىلار قازاقستاننىڭ سىرتقى ىستەر ءمينيسترىنىڭ ۆاشينگتونعا جۋىق ارادا باراتىن رەسمي ساپارى ەكى ەل پرەزيدەنتتەرى اراسىندا قول جەتكىزىلگەن ۋاعدالاستىقتار مەن ەكىجاقتى ىنتىماقتاستىقتى ودان ءارى ۇدەتۋگە سەرپىن بەرەتىندىگىن اتاپ ءوتتى.
وسىعان وراي, 2012 جىلعى ناۋرىزدا سەۋلدە وتەتىن ەكىنشى يادرولىق قاۋىپسىزدىك ءسامميتىنىڭ جانە ونىڭ اياسىندا پرەزيدەنت ن.نازارباەۆ پەن پرەزيدەنت ب.وباما كەزدەسۋىنىڭ ماڭىزدىلىعى اتاپ ايتىلدى. قازاقستان پرەزيدەنتىنىڭ سەۋلدەگى سامميتكە قاتىسۋى اق ءۇي باسشىسى مەن كورەيا رەسپۋبليكاسى پرەزيدەنتى لي مەن باكتىڭ شاقىرۋلارى نەگىزىندە جوسپارلانۋدا.
حيللاري كلينتون: «پرەزيدەنت نازارباەۆ يادرولىق قارۋ-جاراقتى تاراتپاۋ جانە قارۋسىزداندىرۋ رەجىمىن نىعايتۋعا زور جەكە ۇلەسىن قوستى, وسى ورايدا پرەزيدەنت وباما قازاقستان كوشباسشىسىمەن جانە الەمنىڭ باسقا ەلدەرى باسشىلارىمەن وسى ماڭىزدى سالاداعى ىنتىماقتاستىقتى نىعايتۋعا باعىشتالعان كەزدەسۋلەردى اسىعا كۇتەدى», – دەپ اتاپ ءوتتى.
«ەگەمەن-اقپارات».
