«پايدالى كەڭەستەر اللەياسى» شاراسى وتۋدە
بەيسەنبى, 30 تامىز 2012 7:04
اۋىرماۋدىڭ جولىن بۇگىندە ءبىر قازاقستان عانا ەمەس, بۇكىل الەم جۇرتشىلىعى قولعا الىپ وتىر. قاي قوعام, قاي حالىقتىڭ دا مۇرات-ماقساتى – سالاماتتى تۇرمىسقا جول اشۋ. دۇنيەجۇزىلىك دەنساۋلىق ساقتاۋ ۇيىمى اۋرۋدىڭ الدىن الۋ, دەنساۋلىق ساقتاۋ باعىتىندا قانشاما باعدارلامالار قابىلدادى. ونى ءبىزدىڭ تاۋەلسىز قازاقستان دا قۋاتتاپ, قوسىلىپ وتىر. پرەزيدەنت ءوزىنىڭ «جالپىعا ورتاق ەڭبەك قوعامىنا قاراي 20 قادام» اتتى ماقالاسىندا ۇكىمەت الدىندا تاياۋ مەرزىمدە جۇزەگە اسىرىلاتىن 20 تاپسىرمانى قويدى. سونىڭ ءبىرى اۋرۋلاردىڭ الدىن الۋعا, سالاماتتى ءومىر سالتى ماسەلەلەرىنە كەلىپ تىرەلەدى. مۇندا «ءاربىر قازاقستاندىق سالاماتتى ءومىر سالتىن, دۇرىس تاماقتانۋ ەرەجەسىن ساقتامايىنشا, قيمىل-قوزعالىسسىز جانە سپورتسىز ۇزاق ءومىر ءسۇرۋ مۇمكىن ەمەس ەكەنىن ءبىلۋگە ءتيىس» دەگەن تۇجىرىم جاسالعان.
بەيسەنبى, 30 تامىز 2012 7:04
اۋىرماۋدىڭ جولىن بۇگىندە ءبىر قازاقستان عانا ەمەس, بۇكىل الەم جۇرتشىلىعى قولعا الىپ وتىر. قاي قوعام, قاي حالىقتىڭ دا مۇرات-ماقساتى – سالاماتتى تۇرمىسقا جول اشۋ. دۇنيەجۇزىلىك دەنساۋلىق ساقتاۋ ۇيىمى اۋرۋدىڭ الدىن الۋ, دەنساۋلىق ساقتاۋ باعىتىندا قانشاما باعدارلامالار قابىلدادى. ونى ءبىزدىڭ تاۋەلسىز قازاقستان دا قۋاتتاپ, قوسىلىپ وتىر. پرەزيدەنت ءوزىنىڭ «جالپىعا ورتاق ەڭبەك قوعامىنا قاراي 20 قادام» اتتى ماقالاسىندا ۇكىمەت الدىندا تاياۋ مەرزىمدە جۇزەگە اسىرىلاتىن 20 تاپسىرمانى قويدى. سونىڭ ءبىرى اۋرۋلاردىڭ الدىن الۋعا, سالاماتتى ءومىر سالتى ماسەلەلەرىنە كەلىپ تىرەلەدى. مۇندا «ءاربىر قازاقستاندىق سالاماتتى ءومىر سالتىن, دۇرىس تاماقتانۋ ەرەجەسىن ساقتامايىنشا, قيمىل-قوزعالىسسىز جانە سپورتسىز ۇزاق ءومىر ءسۇرۋ مۇمكىن ەمەس ەكەنىن ءبىلۋگە ءتيىس» دەگەن تۇجىرىم جاسالعان.
سالاماتتى تۇرمىستى ناسيحاتتاۋ, اۋرۋدىڭ الدىن الۋ ماقساتىنداعى «پايدالى كەڭەستەر اللەياسى» اتتى اكتسيا ءار اپتانىڭ سەنبىسىندە «كەڭ – بابا» ساياباعىندا وتكىزىلۋدە. ونى وڭتۇستىك قازاقستان وبلىسى باسقارماسى مەن وبلىستىق سالاماتتى ءومىر سالتىن قالىپتاستىرۋ ورتالىعى حالىق ءۇشىن, حالىق دەنساۋلىعى ءۇشىن ۇيىمداستىرىلىپ وتىرعان ءىس-شارانىڭ ءبىرى. ياعني, ساياباققا كەلگەن ءار دەمالۋشىعا, ءار وتباسىنا, ءتىپتى ەڭ كىشكەنتاي ءبۇلدىرشىنگە دە ۇلكەن ءمۇمكىنشىلىك – سەرۋەندەپ, دەمالۋمەن قاتار, اتا-انالار بالالارىن ءدارىگەرگە قاراتىپ, قاريالار قان قىسىمدارىن ولشەتىپ, دەنساۋلىعىنا قاتىستى پايدالى كەڭەستەر تىڭداپ, اقپاراتتى-تانىم ماتەريالدارىن الىپ قايتادى. اكتسياعا وبلىستىق, قالالىق ەمدەۋ مەكەمەلەرى جانە وبلىستىق سالاماتتى ءومىر سالتىن قالىپتاستىرۋ ورتالىعى بىلىكتى ماماندارىنان قۇرىلعان ءبىر توپ بريگادا قاتىسادى. شارا تامىز ايىندا «يود تاپشىلىعىنىڭ جانە تەمىر تاپشىلىعىنىڭ, ىشەك قۇرتتاردىڭ الدىن الۋ», «ۆيرۋستى گەپاتيتتەردىڭ الدىن الۋ», «ەمشەكپەن ەمىزۋ», «جوعارعى تىنىس الۋ جولدارى اۋرۋلارىنىڭ اسقىنۋى كەزىندەگى العاشقى مەديتسينالىق كومەك كورسەتۋ» جانە باسقا دا تاقىرىپتاردى قامتىدى. وسى ماسەلەلەرگە سايكەس, دارىگەرلەر حالىققا كەڭەس بەرۋمەن قاتار, ارنايى مەديتسينالىق قۇرال-جابدىقتارى اكەلىنىپ, تەكسەرۋلەر جۇرگىزىپ, ءجۇرەككە تىكەلەي جانە تىكەلەي ەمەس ماسساج جاساۋ, جاساندى تىنىس بەرۋ, تىنىس جولدارىندا بوگدە زاتتىڭ تۇرىپ قالعاندا, جاراقاتتانعان جاعدايدا العاشقى مەديتسينالىق كومەكتى قالاي كورسەتۋ ءتاسىلدەرى حالىققا كورسەتتى. اكتسيا كۇز ايلارىندا دا جالعاسىن تابادى.
ءومىر – ماڭگىلىك قوزعالىس, دامۋ, ىلگەرىلەۋ – ءومىردىڭ زاڭى. ول – ءماڭگىلىك, ول توقتاۋسىز. سالاماتتى ءومىر سالتى داعدىلارىن ۇستانۋعا تەك, دەنساۋلىق سالاسى عانا ەمەس, بارشا قوعام, ءار جانۇيا مۇشەلەرى ءبىر قولدىڭ بەس ساۋساعىنداي جۇمىلا كىرىسۋىمىز كەرەك.
ورالحان ءداۋىت,
«ەگەمەن قازاقستان».
وڭتۇستىك قازاقستان وبلىسى.
