«بوبەكتەگى» ەرتەگى الەمى
بەيسەنبى, 23 تامىز 2012 7:25
بالالىق شاق – باقىتتى شاق بولۋى كەرەك. عۇلامالار بىزگە وسىنداي وسيەت قالدىرعان. «تاربيە – ۇلاعاتتى ءىس» – دەپ ۇلى ويشىل ءال-فارابي ايتپاقشى, ارقاشان دا مارتەبەلى, ارقاشان دا مىنبەرى بيىك يگى ىستەر قاتارىنداعى تاربيەنىڭ نەگىزگىسى – دەنساۋلىق تاربيەسى بولىپ وتىر.
بەيسەنبى, 23 تامىز 2012 7:25
بالالىق شاق – باقىتتى شاق بولۋى كەرەك. عۇلامالار بىزگە وسىنداي وسيەت قالدىرعان. «تاربيە – ۇلاعاتتى ءىس» – دەپ ۇلى ويشىل ءال-فارابي ايتپاقشى, ارقاشان دا مارتەبەلى, ارقاشان دا مىنبەرى بيىك يگى ىستەر قاتارىنداعى تاربيەنىڭ نەگىزگىسى – دەنساۋلىق تاربيەسى بولىپ وتىر.
پرەزيدەنت ن.ءا.نازارباەۆ «جاڭا الەمدەگi جاڭا قازاقستان» اتتى قازاقستان حالقىنا جولداۋىندا ەلiمiزدiڭ دامۋىنىڭ جاڭا كەزەڭiندەگi مەملەكەتتiك ساياساتتىڭ بiر باعىتى مەديتسينالىق قىزمەت كورسەتۋ ساپاسىن جاقسارتۋ جانە دەنساۋلىق ساقتاۋدىڭ جوعارى تەحنولوگيالىق جۇيەسiن دامىتۋ بولۋى كەرەك دەپ اتاپ كورسەتتi. قازاقستان رەسپۋبليكاسىنىڭ دەنساۋلىق ساقتاۋ سالاسىن دامىتۋدىڭ 2011-2015 جىلدارعا ارنالعان «سالاماتتى قازاقستان» مەملەكەتتiك باعدارلاماسىنىڭ بەلگىلى مىندەتتەرىنىڭ ءبىرى – بiرىڭعاي ۇلتتىق دەنساۋلىق ساقتاۋ جۇيەسiن دامىتۋ جانە جەتiلدiرۋ. ەلىمىزدىڭ ءبىرىنشى حانىمى سارا الپىسقىزى نازارباەۆانىڭ بالالارعا جاساپ وتىرعان قامقورلىعىن تىزبەلەي بەرۋگە دە بولار ەدى. دەسەك تە, سولاردىڭ ىشىندەگى ەڭ ماڭىزدىسى – «رەسپۋبليكالىق «بوبەك» بالالاردى ساۋىقتىرۋ-وڭالتۋ ورتالىعى» دەپ باتىل ايتۋىمىزعا بولادى. بۇل ورتالىق 1997 جىلى 5 قاراشادا اشىلعان بولاتىن.
بۇگىندە «بوبەك» ۇلتتىق عىلىمي-پراكتيكالىق ءبىلىم بەرۋ جانە ساۋىقتىرۋ ورتالىعى ەلىمىزدىڭ بارلىق اۋماعىنداعى كوپبالالى جانە از قامتىلعان وتباسىلارعا, بالالار ءۇيى مەن ەكولوگياسى ناشار اۋداندارداعى بالالارعا بەلسەندى تۇردە كومەك قولىن سوزىپ كەلەدى. مۇنىڭ ىشىندە ەڭ ناتيجەلى باعدارلامالاردىڭ ءبىرى رەتىندە دەنساۋلىق ساقتاۋ قىزمەت كەشەنىن ايتۋىمىز ورىندى. جىل بويىندا بۇل كەشەنگە ەلىمىزدىڭ شالعاي اۋداندارىنان 1500-گە جۋىق بالا كەلىپ, دەنساۋلىعىن جاقسارتادى. ال مامىراجاي جازدىڭ دەمالىسىندا بالالار دەنساۋلىق ساقتاۋ لاگەرىندە بولىپ قايتادى. جالپى, 15 جىلدىڭ ىشىندە مۇندا 30 000-داي بالا بولدى.
ورتالىق قىزمەتكەرلەرى ءار بالانىڭ الەۋمەتتىك جاعدايىمەن تولىق تانىسادى. ەڭ باستى ماقسات – بالالار دەنىنىڭ ساۋلىعى عانا ەمەس, سونىمەن قاتار, رۋحاني-ادامگەرشىلىك قاسيەتتەردى يگەرۋىنە ىقپال جاساۋ. بۇل ءۇردىستىڭ ءبىرىنشى قادامى بالالاردىڭ كۇنتىزبەلىك كەستەسىندە كورسەتىلگەندەي, شاتتىق شەڭبەرىمەن باستالادى. «ءوزىن-ءوزى تانۋ» نەگىزىندە ءبىلىم بەرۋ تۇجىرىمداماسىندا ۇزدىك دەپ تانىلعان وقىتۋ تۇرلەرى مەن مازمۇنى قولدانىلادى.
ورتالىققا كەلگەن بالالاردىڭ تولىققاندى رۋحاني-ۇيلەسىمدى دامۋى ءۇشىن بارلىق جاعدايلار قاراستىرىلعان: جارىق تا ادەمى عيماراتپەن, تاماشا ەمدىك-ساۋىقتىرۋ كەشەنى جانە باسسەينمەن قامتاماسىز ەتىلگەن. بارلىق جەردە بالالاردىڭ ويداعىداي تىنىعۋىنا, سپورتتىق ويىن كەشەندەرى, جازعى ساياباقتار, باۋ-باقشالار, ءان-بي ورىندارى, كىتاپحانا, كينو, كونتسەرت زالدارى, پسيحولوگيالىق تىنىعۋعا ارنالىپ جابدىقتالعان سەنسورلى جانە دەمالىس بولمەلەرى مەكتەپ جاسىنداعى بالالاردىڭ ۋاقىتتى ءتيىمدى وتكىزۋىنە زور مۇمكىنشىلىك جاسايدى. «بوبەك» ساۋىقتىرۋ ورتالىعىندا بالالار ءوز دەنساۋلىعىن شىنىقتىرۋ بارىسىندا الفا كاپسۋلا, ساۋنا, ءتىس دارىگەرى, فيزيوتەراپيالىق ەمدەۋ, ساۋلەمەن ەمدەۋ, بۋمەن تىنىستاۋ, گيدرو, تۇزدى, شىرشا ۆاننالارىن قابىلدايدى. قازىرگى ۋاقىتتا ساۋىقتىرۋ 22 كۇندىك كۋرستان تۇرادى.
لاگەردە بالالار كوپتەگەن قىزىقتى تانىمدىق ءىس-شارالارعا قاتىسادى. وبسەرۆاتورياعا, كىتاپحاناعا بارۋ, كتك (كوڭىلدى تاپقىرلار كلۋبى) ويىندارى, ءان-بي كونكۋرستارى, ءتۇرلى ۆيكتورينالار جانە «بوبەك» تاڭعاجايىپ الەمىمەن ەركىن تانىسا الادى. ورتالىقتا وتكىزگەن كۇندەردەن ۇمىتىلماس ساتتەر, جاڭا تانىسۋلار, جاڭا دوستار, ەستەن كەتپەس اسەر الۋ دا وسى «بوبەكتەگى» ەرتەگى الەمىنىڭ جارقىن كورىنىسى.
شولپان قولىمباەۆا,
«بوبەك» ۇعپببسو باس ديرەكتورىنىڭ ورىنباسارى, پەداگوگيكا عىلىمدارىنىڭ كانديداتى, دوتسەنت,
ارداق قۇلتاي,
«بوبەك» ۇلتتىق ورتالىعىنىڭ اعا عىلىمي قىزمەتكەرى.
