ادەبي كەشتە اقىننىڭ سياسى كەۋىپ ۇلگەرمەگەن ولەڭدەرى وقىلىپ, سوزىنە جازىلعان اندەرى شىرقالدى. اقىننىڭ ەسىمى كوكشە جۇرتىنا جاقسى تانىس. ءسوز ونەرىن قادىر تۇتاتىن جۇرتقا جاقسى تانىمال جەرلەس اقىن ءۇش پوەتيكالىق جيناقتىڭ قۇراستىرۋشىسى ءارى قالامگەرلىكتەن بولەك اقىن 20-دان استام كينوتۋىندىنىڭ اۆتورى, ءارى رەجيسسەرى. اتالمىش ءبىلىم ورداسى وسىنداي تۇلعالارمەن كەزدەسۋ كەشتەرىن ۇيىمداستىرۋدى داستۇرگە اينالدىرعان.
– باقىتجان مۇساحان ۇلى ورىس ءتىلدى قازاق اقىنى. سونداي-اق, الەمدىك پوەزيانىڭ دامۋ تەندەنتسياسى سالاسىنا ەڭبەگى سىڭگەن بەلگىلى سىنشىلاردىڭ ءبىرى,–دەيدى كەزدەسۋ كەزىندە ج.مۋسين اتىنداعى جوعارى قازاق پەداگوگيكالىق كوللەدجىنىڭ ديرەكتورى نۇرتاس احات.
باقىتجان مۇساحان ۇلىنىڭ شىعارماشىلىعىنا ارنالعان كەشتە اقىننىڭ جۇرەكجاردى جىرلارى وقىلىپ, اقىن سوزدەرىنە جازىلعان اندەر شىرقالدى. بۇدان بولەك اسەرلى كەشتە جاستار اقىننىڭ شىعارماشىلىعىمەن, ادامي بولمىسىمەن جانە رۋحاني الەمىمەن جاقىن تانىستى. كەش ماقساتى دا سول ەدى.
شىعارماشىلىق كەشتە كوللەدجدىڭ ءبىلىم الۋشىلارى اقىننىڭ شىعارماشىلىعىمەن تەرەڭىرەك تانىسىپ, جىر وتىمەن جىلىندى.
بايقال ءبايادىل,
«Egemen Qazaqstan»
