«تاريفتەردى تومەندەدى دەيسىزدەر, ال حالىق تومەندەگەنىن كورىپ تۇرماعاندارىن ايتادى. ءبىرىنشى كەزەكتە, حالىق مۇنى قالتاسىمەن سەزىنۋى كەرەك»,-دەدى وبلىس اكىمى كوممۋنالدى قىزمەت باسشىلارىنا.
ونىڭ تاپسىرماسىمەن اقتوبەدە, سونىمەن قاتار وبلىستىڭ بارلىق اۋداندارىندا 19 اقپاننان باستاپ ارزانداتىلعان تاريفتەرگە قاتىستى اعىمداعى جاعدايعا مونيتورينگ جاساۋعا كىرىسەتىن جۇمىس توپتارى قۇرىلدى.
بەردىبەك ساپارباەۆ: «جۇمىس توپتارىنا جاۋاپتى مەملەكەتتىك ورگانداردىڭ وكىلدەرىنەن وزگە قوعام قايراتكەرلەرى دە كىرۋ كەرەك. پاتەرلەردى ارالاپ, ادامدارمەن سويلەسسىن, تۇبىرتەكتەرىن الىپ, سالىستىرسىن. تاريفتەردى تومەندەتۋ – مەملەكەت باسشىسىنىڭ مىندەتتى تۇردە ورىندالۋى ءتيىس تاپسىرماسى, مۇنى ءاربىر ءۇي يەسى سەزىنۋى كەرەك»,- دەپ اتاپ ءوتتى.
ەسكە سالايىق, جاڭا جىلدان باستاپ وڭىردە كوممۋنالدى قىزممەتتەردىڭ بارلىق ءتۇرىنىڭ قۇنى تومەنگەن بولاتىن. كوممۋنالدى قىزمەتتەردىڭ مالىمەتتەرىنە سۇيەنسەك, وبلىستا گاز, جىلۋ تاريفتەرى 10,2%, جارىق 3% ارزاندادى. سۋمەن جابدىقتاۋ 5,5%, سۋ تارتۋ 5,9% تومەندەگەن. جەدەلساتى قىزمەتىنىڭ ءتاريفى 10% ازايىپ, پيك قىزمەتى 7,3% ارزاندادى. دوموفون قىزمەتى ءۇشىن اقتوبەلىكتەر 5% ارزان تولەي باستادى.
