ەڭ تىنىش ەل – قازاقستان!
سەيسەنبى, 8 مامىر 2012 7:45
مەن قازاقستان حالقى اسسامبلەياسىنىڭ بارلىق سەسسياسىنىڭ قاتىسۋشىسىمىن. ءوزىم كۋا بولعان وسى تاريحي ساتتەر, تاريحي جيىلىستىڭ ارقايسىسى دا وزىندىك ەرەكشەلىگىمەن مەنىڭ جادىمدا. بۇل جولعى سەسسيا ءبىزدىڭ بارلىعىمىز ءۇشىن اسا ماڭىزدى دا ماعىنالى بولۋىمەن قۇنى بولەك دەسەم, قاتەلەسپەسىم انىق.
سەيسەنبى, 8 مامىر 2012 7:45
مەن قازاقستان حالقى اسسامبلەياسىنىڭ بارلىق سەسسياسىنىڭ قاتىسۋشىسىمىن. ءوزىم كۋا بولعان وسى تاريحي ساتتەر, تاريحي جيىلىستىڭ ارقايسىسى دا وزىندىك ەرەكشەلىگىمەن مەنىڭ جادىمدا. بۇل جولعى سەسسيا ءبىزدىڭ بارلىعىمىز ءۇشىن اسا ماڭىزدى دا ماعىنالى بولۋىمەن قۇنى بولەك دەسەم, قاتەلەسپەسىم انىق.
ەلباسىمىز نۇرسۇلتان نازارباەۆ وسى سەسسيادا سويلەگەن سوزىندە تەك قحا مۇشەلەرىنە عانا ەمەس, بۇگىنگى ءبىزدىڭ بەيبىت قوعامدا ءومىر ءسۇرىپ وتىرعان ءاربىر قازاقستاندىق ازاماتقا الداعى ماڭىزدى باعىتتاردى كورسەتىپ بەرگەندىگىن ايتۋىمىز كەرەك. تۇراقتىلىق, بىرلىك, جاڭعىرتۋ – بۇل ءبىزدىڭ ەلىمىزدىڭ بۇگىنگى بەينەسى جانە بولاشاعىمىزدىڭ كەپىلى. نۇرسۇلتان ءابىش ۇلىنىڭ ءار ءسوزى وسىنداي ناقتى ۇستانىمداردان تۇرادى جانە ۋاقىت وتە كەلە ەلباسى ءسوزىنىڭ ستراتەگيالىق ماڭىزى اسا قۇندى ەكەندىگىنە كوزىمىز جەتە تۇسەتىنى كۇمانسىز.
مۇنان وزگە, ەلباسى قازاقستان حالقى اسسامبلەياسى قۇرامىنداعى ءاربىر ەتنومادەني بىرلەستىكتەردىڭ كەلەشەكتە ۇستانار بەرىك ۇستانىمىن دا ايقىنداپ بەردى. الەمدىك وركەنيەتكە ءوز بەينەمىزدى تانىتۋ ءۇشىن اعىلشىن تىلىنە جەتىك بولىپ, ەلارالىق قاتىناستا ورىس ءتىلىنىڭ كومەگىنە قالاي سۇيەنسەك, بارشامىزدىڭ قازاقستاندىق ەكەندىگىمىزدى تانىتاتىن قازاق تىلىنە دە مەيلىنشە ۇلەس قوسىپ, مەملەكەتتىك ءتىلدىڭ اياسىن كەڭەيتۋ جولىندا قوعام بولىپ كۇش سالۋىمىز كەرەكتىگىن جەتكىزدى. ءبىز پرەزيدەنتىمىزدىڭ بۇل تاپسىرماسىن بۇلجىتپاي ورىندايتىنىمىزعا سەنىمدىمىز. ونىڭ ايعاعى رەتىندە, سەسسيا كەزىندە ۇزىلىسكە شىققان ءتۇرلى ۇلت وكىلدەرىنىڭ قازاق تىلىندە ءبىر ءۇيدىڭ بالالارىنداي شۇيىركەلەسىپ جاتقان ءساتىن كورىپ كوڭىل سەندىردىك.
بۇل سەسسيادا سويلەگەن ەلباسى ءسوزىنىڭ تاعى ءبىر ەرەكشەلىگى, ەكونوميكالىق الەۋەت پەن ساياسي قارىم-قاتىناستى نىعايتۋدان وزگە, ەلىمىزدىڭ بولاشاعى – جاستاردىڭ بۇگىنى مەن ەرتەڭىنە اسا ءمان بەرۋدى تاپسىرعاندىعى. ءبىز جاس ۇرپاقتى ەلىن سۇيەتىن, مەملەكەتىنىڭ ءبىر مۇشەسى رەتىندە ءوز جاۋاپكەرشىلىگىن تەرەڭ ءتۇسىنەتىن رۋحى بيىك, جاس مامان ەتىپ تاربيەلەۋىمىز كەرەك. ءبىزدىڭ بولاشاعىمىزدىڭ ءبىلىمدى ءھام بىلىكتى بولىپ قالىپتاسۋى الدىڭعى بۋىن وكىلدەرى – بىزدەردىڭ موينىمىزدا.
پرەزيدەنت ءبىر سوزىندە بۇرىنىراق تاريحي وتاندارىنا كەتىپ, قايتادان قازاق دالاسىنا, قازاق ەلىنە ورالىپ جاتقان وتباسىلار تۋرالى دا ايتىپ ءوتتى. ءوزىمنىڭ دە تۋىستارىم ۆولگوگرادتان قايتا كوشىپ كەلگەندىكتەن, ەلباسىنىڭ ايتقاندارىنىڭ اقيقات ەكەندىگىنە تاعى دا كوز جەتكىزدىم. راس, قايدا بارمايىق, ءبىز قازاقستان سەكىلدى بەيبىتشىلىگى مەن ىنتىماعى, بەرەكەسى مەن بىرلىگى جاراسقان قوعام تاپپايتىنىمىز انىق. سىرت ەلدەردەگىدەي اسىرە ۇلتشىلدىق, تاپقا ءبولۋ, شەتتەتۋ سەكىلدى كەلەڭسىزدىكتەردىڭ ءبىزدىڭ قوعامنان كولەڭكەسىن دە كورمەيسىز.
ەڭ تىنىش ەل, بارشامىزدىڭ ورتاق ءۇيىمىز – قازاقستان! كەلەشەك ۇرپاققا وسى تاتۋلىق پەن ىنتىماقتى ايالاپ جەتكىزۋ پەشەنەمىزگە بۇيىرسىن دەمەكپىن.
الەكسەي تسەحوۆوي, «حالىقارالىق اقپاراتتاندىرۋ اكادەمياسى» قوعامدىق بىرلەستىگىنىڭ ءبىرىنشى ۆيتسە-پرەزيدەنتى, ق.ساتباەۆ اتىنداعى قازۇتۋ پروفەسسورى.
الماتى.
