ساپتا – جاڭا تەحنيكا
سەيسەنبى, 21 اقپان 2012 8:07
استانالىق اسكەري ءبولىم جاڭا جاۋىنگەرلىك بتر-82 جانە برم «كوبرا» قارۋ-جاراعىنا يە بولدى, دەپ حابارلادى قورعانىس مينيسترلىگىنىڭ ءباسپاسوز قىزمەتى.
بۇگىن بەس قارۋىن اسىنعان دەسانتشىلار جاۋىنگەرلىك ماشينالارمەن «سپاسسك» وقۋ ورتالىعى باعىتىنا جورىققا شىقتى. مۇندا ولار دالا توسىندەگى جاتتىعۋلاردا جاۋىنگەرلىك اتىستاردى جۇزەگە اسىرىپ, ءتاجىريبەلەرىن تولىقتىراتىن بولادى. وقۋ ورتالىعىنىڭ پوليگونىندا جاڭادان كەلگەن تەحنيكالار دا قاتىستىرىلادى.
سەيسەنبى, 21 اقپان 2012 8:07
استانالىق اسكەري ءبولىم جاڭا جاۋىنگەرلىك بتر-82 جانە برم «كوبرا» قارۋ-جاراعىنا يە بولدى, دەپ حابارلادى قورعانىس مينيسترلىگىنىڭ ءباسپاسوز قىزمەتى.
بۇگىن بەس قارۋىن اسىنعان دەسانتشىلار جاۋىنگەرلىك ماشينالارمەن «سپاسسك» وقۋ ورتالىعى باعىتىنا جورىققا شىقتى. مۇندا ولار دالا توسىندەگى جاتتىعۋلاردا جاۋىنگەرلىك اتىستاردى جۇزەگە اسىرىپ, ءتاجىريبەلەرىن تولىقتىراتىن بولادى. وقۋ ورتالىعىنىڭ پوليگونىندا جاڭادان كەلگەن تەحنيكالار دا قاتىستىرىلادى. سونىمەن قاتار جول-ءجونەكەي جەكە قۇرام ءتاجىريبە جۇزىندە شابۋىلعا تويتارىس بەرۋ, توسقاۋىلداردان ءوتۋ جانە شارتتى تۇردەگى قارسىلاستاردىڭ كوزىن جويۋ سياقتى جاتتىعۋلاردى پىسىقتايدى. وقۋ ورتالىعىنا كەلىسىمەن دەسانتشى-جاۋىنگەرلەر جەكە قارۋدان جانە ت-72, بتر-80ا, بتر-82, برم «كوبرادان» اتۋ جاتتىعۋلارىن ورىندايدى. بيىلعى جىلى قازاقستان ارمياسىنداعى ءىس-شارالاردىڭ بارلىعى قازاقستان رەسپۋبليكاسى قارۋلى كۇشتەرىنىڭ 20 جىلدىعىن مەرەكەلەۋگە بايلانىستى وتكىزىلەدى.
جاۋىنگەرلىك ازىرلىككە بايلانىستى جىلدىڭ قاي مەزگىلىندە دە العا قويىلعان بارلىق تاپسىرمالار اسكەرلەردىڭ بىلىكتىلىگىن جەتىلدىرۋگە ارنالعان باستى شارا بولىپ سانالادى.
قارۋلى كۇشتەردىڭ جاۋىنگەرلىك ءازىرلىگىن ارتتىرۋ ماقساتىندا اسكەرلەر جاڭا قارۋ-جاراقپەن, اسكەري تەحنيكامەن جانە باسقا دا قۇرال جابدىقتارمەن جابدىقتالۋدا. باستى نازار قولدا بار تەحنيكانى جەتىلدىرۋگە, قالپىنا كەلتىرۋگە جانە زاماناۋي قارۋ-جاراق الۋعا اۋدارىلعان.
وتاندىق تاۋار ءوندىرۋ جانە وتاندىق ونەركاسىپ كەشەنىن دامىتۋدا ايتارلىقتاي جۇمىستار جۇرگىزىلىپ جاتقاندىعىن اتاپ ءوتكەن ءجون. مەملەكەت باسشىسى – جوعارعى باس قولباسشىنىڭ تاپسىرماسى بويىنشا 2020 جىلعا دەيىن وتاندىق كاسىپورىنداردا ءاسكەرگە ارنالعان ونىمدەردى 80 پايىزعا ارتتىرۋ بەلگىلەنگەن. بۇگىندە ول 50 پايىزعا جەتىپ وتىر.
بۇعان مىسال رەتىندە قازاقستان كاسىپورىندارىندا شىعارىلىپ جاتقان 125 مم-لىك سناريادتاردى, يميتاتسيالىق قۇرالداردى, ءتىركەمەلەر مەن قاشىقتىق ولشەگىشتەردى, «كاماز» اۆتوكولىگى بازاسىندا جاسالعان شتاب ماشينالارىن, جاۋىنگەرلىك ماشينا ەكيپاجدارىن ءازىرلىكتەن وتكىزەتىن ترەناجەرلەردى اتاۋعا بولادى. سونىمەن بىرگە, وتاندىق كاسىپورىندار بروندى تەحنيكا مەن اۆتوكولىكتەردى, اۆياتسيالىق تەحنيكالاردىڭ جەكەلەگەن تۇرلەرىن تولىق كولەمدە جەتىلدىرۋدى جانە بارلىق جوندەۋ جۇمىستارىن جۇرگىزۋدى قامتاماسىز ەتەدى. ناتيجەسىندە, قازاقستان ايماعىندا اسكەري ماقساتتاعى ءونىم شىعارۋدىڭ اۋقىمى ارتتى, بىرقاتار بىرلەسكەن كاسىپورىندار اشىلدى, ولاردىڭ ءونىمدەرى قازىردىڭ وزىندە ارميانى جابدىقتاۋعا جىبەرىلۋدە.
– بۇگىن قازاقستان اەروۇتقىر اسكەرلەرىنىڭ جاۋىنگەرلىك ماشينا پاركىن بتر-82 مەن برم «كوبرا» تولىقتىردى, – دەپ اتاپ ءوتتى 68665 اسكەري ءبولىمنىڭ كومانديرى, گەنەرال-مايور الماس جۇماكەەۆ. – قازاقستان ارمياسى تمد ەلدەرى اراسىندا العاش جاڭا تەحنيكامەن جابدىقتالدى.
بتر-82 – تەرەڭ جەتىلدىرىلگەن بتر-80 بروندى ترانسپورتەرى. كەشەندى جۇمىستاردىڭ اتقارىلۋى بارىسىندا ماشينانىڭ ءومىرشەڭدىگى 20 پايىزعا ارتتىرىلدى, ەكيپاج مۇشەلەرى مەن اگرەگاتتاردى جانە جۇيەلەردى قورعاۋ كۇشەيتىلدى. جارىقشاقتاردان قورعايتىن, جىلۋ مەن شۋدى ساقتايتىن قوندىرعىنىڭ قويىلۋى ەكيپاجدىڭ جۇمىس ىستەۋىنە ىڭعايلىلىق تۋعىزدى. اتىس قۋاتى مەن ءجۇرۋ دەڭگەيىنىڭ ارتتىرىلۋى جولسىز جەرمەن ءجۇرۋى كەزىندە جىلدامدىعىن ارتتىرۋعا ءمۇمكىندىك بەردى.
«كوبرا» بارلاۋ ماشيناسىنا برونەتراسپورتەردىڭ قۇرامداس ءبولىكتەرى پايدالانىلدى. ماشينانىڭ كورپۋسى بتر-عا قاراعاندا شاعىن ءارى ىڭعايلى, اسكەري تەحنيكا ەكيپاج مۇشەلەرى مەن ىشتەگى جابدىقتاردى قورعاۋدى قامتاماسىز ەتەدى. ماشينانى قوسىمشا برونمەن قاپتاۋ ءمۇمكىنشىلىكتەرى قاراستىرىلۋدا. ماشينا ەش قيىندىقسىز تەرەڭدىگى 1,1 مەتر سۋلى بوگەتتەن وتە الادى, سۋدا ءجۇزەدى ءارى جىلدام جۇرەدى.
دەسانتشى-جاۋىنگەرلەر «سپاسسك» وقۋ ورتالىعىندا ءبىر اي بويى شىڭدالىپ ءتاجىريبە جيناقتايدى. قازاقستان ارمياسىنىڭ اسكەري قىزمەتشىلەرى قىستىڭ قىتىمىر ايازىنا ىرىق بەرمەيدى, اۋا رايى ولاردىڭ قانداي كيىم كيۋ كەرەكتىگىن عانا انىقتايدى.
جاتتىعۋ اياقتالدى, ماقسات ورىندالدى
قارۋلى كۇشتەردىڭ 20 جىلدىعى قارساڭىنداعى قىسقى وقۋ كەزەڭىنە ارنالعان ءىس-شارالار جوسپارى قارقىندى ىسكە اسىرىلۋدا. رەسپۋبليكانىڭ وڭتۇستىگىندە قۇرلىق اسكەرلەرىنىڭ بريگادالىق-تاكتيكالىق وقۋ-جاتتىعۋلارى وتكىزىلدى. وعان «وڭتۇستىك» وڭىرلىك قولباسشىلىعىنىڭ اسكەري بولىمدەرى تارتىلدى. جامبىل وبلىسىنىڭ گۆاردەيسكي گارنيزونى ماڭىندا موتواتقىشتار, تانك جانە ارتيللەريالىق بولىمشەلەر ارالاس ادىسپەن: تەمىر جول بويىمەن ەشەلوندارمەن جانە اۆتوكولىكپەن جەتتى.
بۇل جاتتىعۋلاردىڭ ءبىر ەرەكشەلىگى – وقۋ-جاۋىنگەرلىك تاپسىرمالار داعدىلى دالا توسىندە ەمەس, قوسىمشا قيىنشىلىقتار تۋدىراتىن بەلگىسىز تاۋلى ايماقتا, وتە كۇردەلى جاعدايدا العاش رەت ۇيىمداستىرىلدى. مۇنداي ءادىستىڭ قارۋلى كۇشتەردىڭ بارلىق اسكەري بولىمدەرىندەگى كاسىبي-وفيتسەر مەن كاسىبي كەلىسىم-شارت قىزمەتكەرىن جانە مەرزىمدى قىزمەتتەگى ساربازدىڭ جاۋىنگەرلىك ازىرلىكتەگى بىلىكتىلىگىن ارتتىرۋعا سەپتىگىن تيگىزەرى حاق.
وقۋ-جاتتىعۋ قيمىلدارىنا بارلىعى 2,5 مىڭنان استام اسكەري قىزمەتشى قاتىستى. ولار جاياۋ اسكەردىڭ جاۋىنگەرلىك ماشينالارىن, بروندى ترانسپورتەرلەردى, تانكتەردى, ارتيللەريالىق قوندىرعىلار مەن اتىس قارۋلارىن شەبەر مەڭگەرگەندىكتەرىن بايقاتتى. ءاسكەرلەردى اۋەدەن مايداندىق جانە ارميالىق اۆياتسيا ءسۇيەمەلدەدى. جاتتىعۋدىڭ كۇردەلى كەزەڭدەرىن اسكەري قىزمەتشىلەر كۇندىز دە, تۇندە دە جۇزەگە اسىردى.
– جىل مەزگىلىنىڭ قانداي ءتاۋلىگىندە بولماسىن جاۋىنگەرلىك ازىرلىك بويىنشا بەرىلگەن تاپسىرمالاردى ورىنداۋ – قارۋلى كۇشتەردىڭ جوعارعى باس قولباسشىسى نۇرسۇلتان نازارباەۆتىڭ تالاپ ەتىپ وتىرعانىنداي, قازاقستان ارمياسى اسكەري قىزمەتشىلەرىنىڭ بىلىكتىلىكتەرىن جەتىلدىرۋگە ارنالعان باستى قۇرال بولۋى ءتيىس, – دەپ اتاپ ءوتتى جاتتىعۋدىڭ ەرەكشەلىگى مەن ماڭىزدىلىعى تۋرالى قۇرلىق اسكەرلەرىنىڭ باس قولباسشىسى, گەنەرال-لەيتەنانت مۇرات مايكەەۆ.
جاتتىعۋ اياقتالدى. اسكەري قىزمەتشىلەر ارالاس ادىسپەن: تەمىر جول بويىمەن ەشەلوندارمەن جانە اۆتوكولىكتەرمەن ءوز اسكەري بولىمدەرىنە اتانىپ كەتتى.
ءجۇنىس ومار, قر قم ءباسپاسوز قىزمەتى.
