دەنساۋلىق پويىزدارى ەل يگىلىگىنە قىزمەت ەتەدى
جۇما, 3 اقپان 2012 7:17
توتەنشە جاعدايلار مينيسترلىگىنىڭ «اپاتتار مەديتسيناسى تەمىر جول گوسپيتالدارى» اق باسقارما توراعاسى سەرىك دانباەۆپەن اڭگىمە
– سەرىك ۇعان ۇلى, وسى كۇندەرى قالىڭ قاۋىم مەديتسينالىق پويىزداردىڭ جاساقتالعاندىعىنان, ولاردىڭ جۇرتشىلىقتىڭ دەنساۋلىعىن تەكسەرۋگە ناقتى كومەك كورسەتىپ جۇرگەندىگىنەن حاباردار. بۇل پويىزداردى جاساقتاۋعا نەندەي جاعداي سەبەپ بولدى جانە ونىڭ اتقاراتىن قىزمەتىنىڭ اۋقىمى قانداي؟
جۇما, 3 اقپان 2012 7:17
توتەنشە جاعدايلار مينيسترلىگىنىڭ «اپاتتار مەديتسيناسى تەمىر جول گوسپيتالدارى» اق باسقارما توراعاسى سەرىك دانباەۆپەن اڭگىمە
– سەرىك ۇعان ۇلى, وسى كۇندەرى قالىڭ قاۋىم مەديتسينالىق پويىزداردىڭ جاساقتالعاندىعىنان, ولاردىڭ جۇرتشىلىقتىڭ دەنساۋلىعىن تەكسەرۋگە ناقتى كومەك كورسەتىپ جۇرگەندىگىنەن حاباردار. بۇل پويىزداردى جاساقتاۋعا نەندەي جاعداي سەبەپ بولدى جانە ونىڭ اتقاراتىن قىزمەتىنىڭ اۋقىمى قانداي؟
– مەملەكەت باسشىسى ن.ءا. نازارباەۆ ءوزىنىڭ 2011 جىلعى «بولاشاقتىڭ ىرگەسىن بىرگە قالايمىز» اتتى قازاقستان حالقىنا جولداۋىندا «قازاقستان ءۇشىن كولىكتىك مەديتسينا وتە كوكەيكەستى, سوندىقتان ءبىز ونى دامىتاتىن بولامىز» دەگەن ەدى. وسى ماقساتتا ەلىمىزدە قازاقستاندىقتاردىڭ يگىلىگى ءۇشىن ءۇش مەديتسينالىق پويىز قۇرىلىپ, بۇگىندە جەمىستى جۇمىس ىستەۋدە.
بۇل مەديتسينالىق پويىزدار ەكى الەۋمەتتىك ماڭىزدى مىندەتتەردى شەشۋگە كومەكتەسەدى: ەلىمىزدىڭ شالعاي وڭىرلەرىنىڭ تۇرعىندارىنا مەديتسينالىق قىزمەت كورسەتۋدىڭ قول جەتىمدى بولۋىن قامتاماسىز ەتۋمەن قاتار, ەۆاكۋاتسيالاۋ مۇمكىندىگىنە وراي ءىرى كولەمدەگى توتەنشە جاعدايلاردا زارداپ شەككەندەرگە مەديتسينالىق جاردەم كورسەتەدى.
جوبانى دامىتۋ 2010 جىلدىڭ شىلدە ايىندا «دەنساۋلىق» ەمدەۋ دياگنوستيكالىق پويىزىنان باستالدى. بۇنداي اۋماقتى الەۋمەتتىك جوبا «نۇر وتان» حالىقتىق-دەموكراتيالىق پارتياسىنىڭ قولداۋىمەن ءتوتەنشە جاعدايلار مينيسترلىگى جانە «قازاقستان تەمىر جولى» ۇك» اق اراسىندا جاسالعان مەموراندۋمعا سايكەس ىسكە اسىرىلدى.
2010 جىلدىڭ قورىتىندىسى بويىنشا «دەنساۋلىق» مەديتسينالىق پويىزى «2010 جىلعى جىلدىڭ №1 الەۋمەتتىك جاۋاپتى جوباسى» نوميناتسياسى بويىنشا «جىل تاڭداۋى» ۇلتتىق بايقاۋىندا جانە «جىلدىڭ ۇزدىك الەۋمەتتىك جوباسى» نوميناتسياسى بويىنشا بيزنەستىڭ الەۋمەتتىك جاۋاپكەرشىلىگى ءجونىندەگى «پارىز» بايقاۋىندا جۇلدەگەر اتاندى.
شالعايداعى شاعىن ستانسالار مەن بەكەتتەردىڭ جانە ولارعا تاياۋ ورنالاسقان ەلدى مەكەندەردىڭ مامانداندىرىلعان مەديتسينالىق جاردەمگە مۇقتاجدىعى, ەمدەۋ-دياگنوستيكالىق جاردەمدى قاجەت ەتەتىن جۇرتشىلىقتىڭ كوپتىگى ءوز جۇمىسىن 2011 جىلى باستاعان ەكىنشى مەديتسينالىق «جاردەم» پويىزىن شىعارۋعا سەبەپ بولدى.
– مەديتسينالىق پويىزداردىڭ سانى ۇشەۋ دەگەن ەدىڭىز.
– دۇرىس ايتاسىز. مەملەكەت باسشىسى ن.ءا.نازارباەۆتىڭ «بولاشاقتىڭ ىرگەسىن بىرگە قالايمىز» اتتى قازاقستان حالقىنا ارناعان جولداۋىندا بەرگەن تاپسىرمانى ورىنداۋدا جانە قازاقستان رەسپۋبليكاسىندا دەنساۋلىق ساقتاۋ سالاسىن دامىتۋدىڭ 2011-2015 جىلدارعا ارنالعان «سالاماتتى قازاقستان» مەملەكەتتىك باعدارلاماسى اياسىندا «نۇر وتان» حالىقتىق-دەموكراتيالىق پارتياسىنىڭ باستاماسىمەن توتەنشە جاعدايلار مينيسترلىگى «قازاقستان تەمىر جولى» ۇك» اق جانە دەنساۋلىق ساقتاۋ مينيسترلىگىمەن بىرگە «سالاماتتى قازاقستان» ءۇشىنشى مەديتسينالىق پويىزىن دا وتكەن جىلى جولعا شىعارعان بولاتىن.
مەديتسينالىق ءۇش پويىزدىڭ ەكىنشى جارتىجىلدىقتاعى جۇمىسى قازاقستان رەسپۋبليكاسىنىڭ 20 جىلدىعىنا جانە «نۇر وتان» حالىقتىق-دەموكراتيالىق پارتياسىنىڭ باستاماسىمەن وتكىزىلەتىن «تاۋەلسىزدىكتىڭ جيىرما بەلەسى» اكتسياسىنا ارنالدى.
پويىز ۆاگوندارىنىڭ تەحنيكالىق مۇمكىندىگى حالىققا ەمدەۋ- دياگنوستيكالىق شارالارىن ءجۇرگىزۋگە, امبۋلاتورلىق شاعىن وپەراتسيالار جاساۋعا جانە ستوماتولوگيالىق جاردەمدى كەڭ كولەمدە كورسەتۋگە مۇمكىندىك بەرەتىن ساندىق زەرتحانالىق, رەنتگەندياگنوستيكالىق, ۋلترادىبىستىق, ەندوسكوپيالىق, ەلەكتروينسترۋمەنتالدى مەديتسينالىق قوندىرعىلارمەن جابدىقتالعان.
«سالاماتتى قازاقستان» ءۇشىنشى مەديتسينالىق پويىزى العاش رەت تمد جانە الىس شەتەلدەردىڭ, رەسپۋبليكامىزدىڭ جەتەكشى عىلىمي مەديتسينالىق ورتالىقتارىمەن (شالعاي ستانسالار مەن بەكەتتەردەگى ناۋقاستاردى ەمدەۋ بارىسىندا) on-line رەجىمدە كونفەرەنتسيا وتكىزۋگە, كونسيليۋم جاساۋعا, كەڭەس بەرۋگە مۇمكىندىك بەرەتىن تەلەكوممۋنيكاتسيا قۇرالدارىمەن جابدىقتالعان.
مەديتسينالىق پويىزداردى قۇرۋ ءۇشىن «قازاقستان تەمىر جولى» ۇلتتىق كومپانياسى جولاۋشىلار ۆاگوندارىن ءبولدى. قاراپايىم جولاۋشىلار ۆاگوندارىنان مەديتسينالىق ۆاگوندار جاساپ شىعارۋدى «الماتى ۆاگون جوندەۋ زاۋىتى» اق جۇزەگە اسىردى.
تجم «اپاتتار مەديتسيناسى تەمىر جول گوسپيتالدارى» اكتسيونەرلىك قوعامىنىڭ ۇزدىكسىز جانە ساپالى جۇمىس ىستەۋى ءۇشىن پويىز شتاتىن بىلىكتىلىگى جوعارى ماماندارمەن (18 دارىگەر ماماندىعى بويىنشا) جاساقتاۋ, ءدارى-دارمەكتەرمەن قامتاماسىز ەتۋ جۇرگىزىلدى.
– بۇل پويىزدار توتەنشە جاعدايلاردا زارداپ شەككەندەرگە دە جاردەمدەسەدى دەپ ەستىپ ەدىك.
– ونىڭىز راس, پويىزدار تابيعي جانە تەحنوگەندىك سيپاتتاعى توتەنشە جاعدايلاردا زارداپ شەككەندەرگە مەديتسينالىق جاردەم كورسەتەدى جانە زارداپ شەككەندەردى ەۆاكۋاتسيالايدى. پويىزدار تج وشاعىنا تەزىرەك جەتۋ ءۇشىن «قازاقستان تەمىر جولى» ۇلتتىق كومپانياسى» اق ونى «جاسىل ءدالىزبەن» قامتاماسىز ەتەدى.
– وسىنداي اۋقىمدى جوبا بۇگىندە ءوز ناتيجەسىن بەردى مە؟
– ەكى جىلعا تولمايتىن مەرزىمدە ءۇش كەڭەستىك-دياگنوستيكالىق پويىزدىڭ ماماندارىمەن رەسپۋبليكامىزدىڭ بارلىق وبلىستارىنىڭ 212 ستانساسىنىڭ جانە ولارعا ىرگەلەس جاتقان اۋىلداردىڭ 84 114 تۇرعىنىنا, سونىمەن قاتار 26 510 بالاعا مەديتسينالىق ءجاردەم كورسەتىلدى. دارىگەرلەرگە كەلۋشىلەر سانى 382 087 ادامدى قۇرادى. 222 998 دياگنوستيكالىق, سونىمەن قاتار 63 188 ۋلترادىبىستىق جانە باسقا دا تولىپ جاتقان مەديتسينالىق زەرتتەۋلەر جۇرگىزىلدى. ونىڭ ءبارىن شاعىن ماقالا اياسىندا ەجىكتەپ ايتىپ جاتپاي-اق, 794 شاعىن امبۋلاتورلىق وپەراتسيالار جاساعانىنا عانا توقتالسام دەيمىن.
جۇرگىزىلگەن جۇمىس ناتيجەسىندە پويىز ماماندارىمەن 142 230 اۋرۋ ءتۇرى تىركەلدى, ونىڭ 17 754-ءى بالالار ناۋقاسى بولىپ شىقتى. سونداي-اق 2 272 ىسىك انىقتالدى. الدىن الا تۋبەركۋلەز دياگنوزى 91 ادامعا قويىلدى.
ەمدەلۋشiلەر بىلىكتى مەديتسينالىق كومەك الۋ جانە تەكسەرۋدەن وتۋمەن قاتار مەديتسينالىق پويىزداردىڭ باعىتى بويىنشا ۇيىمداستىرىلعان «نۇر وتان» حدپ قوعامدىق بولىمدەرىنىڭ الەۋمەتتىك قورعاۋ سالاسىنداعى ماماندارىنىڭ كەڭەسىنە ءجۇگىنۋگە مۇمكىندىك الدى.
تاعى ءبىر ايتا كەتەتىن ءجايت, پويىزدىڭ تەلەمەديتسينالىق ورتالىعى ارقىلى on-line رەجىمىندە پويىزدىڭ دارىگەرلەرى «انا مەن بالا ۇلتتىق عىلىمي ورتالىعى» اق پروفەسسورى ت.ۇكىباسوۆا جانە «استانا مەديتسينالىق ۋنيۆەرسيتەتى» اق اكۋشەرلىك جانە گينەكولوگيا كافەدراسىنىڭ مەڭگەرۋشىسى, پروفەسسور گ.احمەديانوۆامەن بايلانىسىپ, جاتىردان قان كەتۋ دەرتىمەن قينالىپ جۇرگەن اقمولا وبلىسى, ادىر ستانساسىنىڭ تۇرعىنىنا كونسيليۋم سەانسىن جۇرگىزدى. تەلەمەديتسينالىق كونسيليۋم دياگنوزدى ناقتىلاۋعا, قان كەتۋ سەبەپتەرىن انىقتاۋعا, ەمدەۋ تاكتيكاسىن تۇزەۋگە جانە پاتسيەنتتى ودان ءارى «انا مەن بالا ۇلتتىق عىلىمي ورتالىعىندا» وپەراتيۆتى ەمدەۋ تۋرالى ماسەلەنى شەشۋگە مۇمكىندىك بەردى.
– جەرگىلىكتى تۇرعىندار مۇنداي مەديتسينالىق پويىزداردىڭ ەلدى مەكەنگە قاشان كەلەتىنىن بىلمەي, قاپى قالىپ جاتقان جوق پا؟
– باعىت بويىنشا ورنالاسقان ستانسالار مەن اۋىلدىق وكرۋگتەردىڭ تۇرعىندارىنا پويىزدىڭ جۇمىس كەستەسى الدىن الا حابارلانادى, وسىنىڭ ارقاسىندا مەديتسينالىق جاردەم كورسەتۋ, سونىمەن قاتار, ايماقتاردا الەۋمەتتىك-مادەنيەتتىك شارالاردى وتكىزۋ ناقتى ۇيىمداستىرىلادى. وسىنداي قامقورلىققا ريزا بولعان شالعاي ەلدى مەكەندەردىڭ, شاعىن بەكەت تۇرعىندارىنىڭ قازاقستان پرەزيدەنتى نۇرسۇلتان ءابىش ۇلى نازارباەۆقا, توتەنشە جاعدايلار مينيسترلىگىنىڭ جانە «قازاقستان تەمىر جولى» ۇك» اق باسشىلىعىنا, سونداي-اق جوباعا قاتىسۋشى مەديتسينا قىزمەتكەرلەرىنە ايتار العىسى شەكسىز.
– بۇل جوبا الداعى ۋاقىتتا دا جالعاسا ما؟
– البەتتە. قاڭتاردان باستاپ مەديتسينالىق پويىزدار قازاقستان بويىنشا ساپارعا شىقتى. ولاردىڭ ماقساتى وزگەرمەيدى – ول حالىقتى دياگنوستيكالاۋ جانە ەمدەۋ.
– اڭگىمەڭىزگە راحمەت.
اڭگىمەلەسكەن جۇماگۇل قۋانىشبەكقىزى.
