ياعني, ەكولوگيالىق قاۋىپتى بولىپ سانالاتىن مۇناي قالدىقتارىن, مەديتسينالىق قالدىقتاردى جانە ءتۇرلى تۇرمىستىق قالدىقتاردى ەكولوگتاردىڭ رۇقساتىنسىز جويۋ جۇمىستارىن اتقارعان. دالىرەك ايتقاندا 2017 جىلى كومپانيا ەكولوگيا دەپارتامەنتى تاراپىنان 135 582, 089 توننا ءتۇرلى قالدىقتى قابىلداپ, جويۋ ءۇشىن رۇقسات العانىمەن, ولار 235454,454 توننا قالدىق جويىپ, نورماتيۆتەن 141606,8 توننا ارتىق كەتكەن. ال, 2018 ەكولوگيا دەپارتامەنتى بۇل كومپانياعا 3080 توننا عانا قالدىقتى قابىلداۋعا رۇقسات بەرگەنىمەن ولار كورسەتكىشتى 60618,257 تونناعا جەتكىزىپ, 57538,257 توننا قالدىقتى ەكولوگتاردىڭ رۇقساتىنسىز جويعان.
- «ەكوتەررا» جشس نورماتيۆتىك جوبادان تىم كوپ قالدىقتاردى قالاي, قايدا جويدى؟ ماسەلە وسىندا بولىپ تۇر. جانە بۇل قالدىقتاردىڭ بارلىعى يانتارلى قالدىقتار قاتارىنا جاتاتىندار, ياعني قورشاعان ورتاعا تيگىزەر زيانى وراسان زور. جالپى قالدىقتاردى وڭدەۋ جانە جويۋ جۇمىستارىمەن اينالىساتىن كومپانيالار قر زاڭناماسىنا سايكەس ءبىزدىڭ دەپارتامەنتتەن ارنايى رۇقسات الۋى ءتيىس. ال, بۇگىنگى ماسەلەسى قوزعالىپ وتىرعان سەرىكتەستىك جاساعان قىزمەتتەرىنىڭ بەلگىلى ءبىر بولشەگىنە عانا رۇقسات العان. سوندىقتان, قر اكىمشىلىك قۇقىق بۇزۋشىلىق تۋرالى كودەكستىڭ ارنايى باپتارىنا سايكەس كومپانيا اكىمشىلىك جاۋاپكەرشىلىككە تارتىلدى جانە سالىنعان 150 اەك كولەمىندە ايىپپۇل مەملەكەت پايداسىنا تولىقتاي ءوندىرىلدى, دەيدى وڭىرلىك كوممۋنيكاتسيالار قىزمەتى الاڭىندا وتكەن بريفينگتە ماڭعىستاۋ وبلىسى بويىنشا ەكولوگيا دەپارتامەنتى باسشىسىنىڭ مىندەتىن اتقارۋشى رۋسلان توكەنوۆ مالىمدەدى.
سوت شەشىمىمەن كەلىسپەگەن جاۋاپكەرشىلىگى شەكتەۋلى سەرىكتەستىگىنىڭ شاعىمىن ماڭعىستاۋ وبلىستىق اكىمشىلىك سوتى دا قاناعاتتاندىرمادى جانە جاۋاپكەردىڭ مۇنان كەيىنگى اپپەلياتسيالىق شاعىمى دا قاناعاتتاندىرۋسىز قالدىرىلدى.
جالپى, 2018 جىلى وبلىستىق ەكولوگيا دەپارتامەنتى 50-دەن استام تەكسەرۋ جۇرگىزگەن. قورىتىندىسىندا 142 اكىمشىلىك قۇقىق بۇزۋشىلىق دەرەكتەرى انىقتالىپ, ناتيجەسىنە زاڭ بۇزۋشىلارعا 30 ميلليارد تەڭگەگە جۋىق ايىپپۇل سالىنعان. بۇگىندە ونىڭ 64 ميلليون تەڭگەسى مەملەكەت پايداسىنا وندىرىلسە, قالعانى سوت ورىندارىندا قارالۋ ۇستىندە.
گۇلايىم شىنتەمىرقىزى,
«ەگەمەن قازاقستان»
ماڭعىستاۋ وبلىسى
