ەكونوميكالىق ارىپتەستىك – ىلگەرىلەۋ كەپىلى
سەيسەنبى, 18 قىركۇيەك 2012 8:05
كەڭەستەر وداعى تاراعاننان كەيىنگى ەكونوميكالىق بايلانىستاردىڭ شىرىگەن جىپتەي ءۇزىلۋ سالدارى ءالى ەسىمىزدە. ەگەمەندىك العان بۇرىنعى وداقتاس رەسپۋبليكالار اراسىندا ءبىرىنشى بولىپ تاۋەلسىز قازاقستان كورشىلەس رەسەيمەن بايلانىستى نىعايتۋعا قادام جاساعانى دا بەلگىلى. ەجەلدەن بارىس-كەلىسى توقتاماعان, قارىم-قاتىناسى قالىپتى كورشى مەملەكەتتەردىڭ ەكونوميكالىق ارىپتەستىگى سوڭعى جىلدارى بۇرىنعىدان نىعايا ءتۇستى. بۇعان كورشىلەس ايماقتاردا الما-كەزەك ۇيىمداستىرىلىپ وتىرعان ايماقارالىق ىنتىماقتاستىق فورۋمدارى, ونەركاسىپ تاۋارلارىنىڭ كورمەلەرى دە اناعۇرلىم ىقپال ەتۋدە.
سەيسەنبى, 18 قىركۇيەك 2012 8:05
كەڭەستەر وداعى تاراعاننان كەيىنگى ەكونوميكالىق بايلانىستاردىڭ شىرىگەن جىپتەي ءۇزىلۋ سالدارى ءالى ەسىمىزدە. ەگەمەندىك العان بۇرىنعى وداقتاس رەسپۋبليكالار اراسىندا ءبىرىنشى بولىپ تاۋەلسىز قازاقستان كورشىلەس رەسەيمەن بايلانىستى نىعايتۋعا قادام جاساعانى دا بەلگىلى. ەجەلدەن بارىس-كەلىسى توقتاماعان, قارىم-قاتىناسى قالىپتى كورشى مەملەكەتتەردىڭ ەكونوميكالىق ارىپتەستىگى سوڭعى جىلدارى بۇرىنعىدان نىعايا ءتۇستى. بۇعان كورشىلەس ايماقتاردا الما-كەزەك ۇيىمداستىرىلىپ وتىرعان ايماقارالىق ىنتىماقتاستىق فورۋمدارى, ونەركاسىپ تاۋارلارىنىڭ كورمەلەرى دە اناعۇرلىم ىقپال ەتۋدە.
ەرتىس وڭىرىندە وتكىزىلگەلى وتىرعان قازاقستان مەن رەسەيدىڭ IX ايماقارالىق ىنتىماقتاستىق فورۋمى اياسىندا دا بىرقاتار بىرلەسكەن ينۆەستيتسيالىق جوبالارعا جول اشىلارى ءسوزسىز. مۇنداي فورۋم كەزىندە اقتوبەدە دە وتكىزىلدى. سوندا ەكى كورشىلەس مەملەكەتتىڭ ەكونوميكالىق الەۋەتىنىڭ ءبىر ارنادا دامۋ مۇمكىندىكتەرىنىڭ مولدىعى ايقىن اڭعارىلدى. قازىر دە اقتوبە وڭىرىندە جۇمىس ىستەپ جاتقان, ءوز ونىمدەرىن ۇسىنۋشى كومپانيالار بار. ءبىزدىڭ قۇرىلتايشىمىز – رەسەيدىڭ «لۋكويل» كومپانياسىنىڭ قازاقستاندا جۇمىس ىستەگەنىنە ءبىراز بولدى. ءبىزدىڭ سەرىكتەستىك مۇعالجار اۋدانىندا مۇناي وندىرۋمەن اينالىسادى.
بيىل عانا پايدالانۋعا بەرىلگەن سەرىكتەستىكتىڭ گاز وڭدەۋ زاۋىتى وتە ماڭىزدى جوبا بولىپ تابىلادى. زاۋىتتىڭ قۋاتتىلىعى جىلىنا 420,0 ميلليون تەكشە مەتر مۇنايعا ىلەسپە گازدى ءوڭدەۋگە مۇمكىندىك بەرەدى. جوبانىڭ قۇنى – 41,7 ميلليارد تەڭگە. زاۋىت قۇرىلىسىندا 1,5 مىڭنان استام ادام ەڭبەك ەتتى. جاڭا كاسىپورىندا دا جاڭا جۇمىس ورىندارى اشىلدى. بۇل زاۋىتتىڭ ىسكە قوسىلۋى وبلىس تۇرعىندارى مەن كاسىپورىنداردىڭ كوگىلدىر وتىنعا دەگەن سۇرانىسىن قاناعاتتاندىرۋعا, سونداي-اق, جاڭا وڭدەۋشى كاسىپورىنداردى دامىتۋعا جانە وڭىردەگى ەكولوگيالىق احۋالدى ساۋىقتىرۋعا مۇمكىندىك بەرەدى.
زاۋىت قۇرامىنا كىرەتىن گاز وڭدەۋ كەشەنىندە 420 ميلليون تەكشە مەتر گاز وڭدەلىپ قانا قويمايدى, بۇعان قوسىمشا 300 ميلليون تەكشە مەتر قۇرعاق گاز, 45 ميلليون تەكشە مەتر سىعىمدالعان گاز, 6 مىڭ توننا گازدىق بەنزين جانە 10 مىڭ توننا تۇيىرشىكتى كۇكىرت وندىرىلەدى.
سەرىكتەستىك كاسىپكەرلىكتىڭ الەۋمەتتىك جاۋاپكەرشىلىگىن دە ۇمىتپايدى. مۇناي وندىرىلەتىن ءوڭىرلەردەگى اۋىلدىقتاردىڭ ءوز كاسىبىن اشۋعا كومەك بەرەتىن «لۋكويل» كومپانياسىنىڭ «اراي» الەۋمەتتىك باعدارلاماسىنىڭ يگىلىگىن وبلىستىڭ ءبىزدىڭ سەرىكتەستىك جۇمىس ىستەيتىن ءۇش اۋدانىنىڭ تۇرعىندارى ءۇش جىلدان بەرى كورىپ كەلەدى. اۋىلدىق جەردە كاسىپكەرلىكپەن اينالىسۋعا تالاپتانعاندارعا 850 مىڭ تەڭگەگە دەيىن وتەمسىز نەسيە بەرىلەدى. سونىڭ ءناتيجەسىندە كوپتەگەن اۋىل تۇرعىندارى تۇرمىستىق قىزمەت كورسەتۋ نىساندارىن اشتى, قولونەرشىلىكتى دامىتتى, مال, قۇس, كوكونىس ءوسىردى. ءسويتىپ, شارۋاسىن قالىپتاستىرىپ, تۇرمىسىن تۇزەدى. مىنە, ىنتىماقتاستىقتىڭ پايداسى, ورتاق يگىلىگى وسىلاي بولسا كەرەك.
فورۋمعا قاتىسۋشىلاردىڭ جۇمىستارىنا ساتتىلىك تىلەي وتىرىپ, بىرىككەن ءىس-قيمىلدارىمىزدىڭ قايتارىمى مول بولاتىنىنا سەنىم ارتامىن. مۇنداعى ىسكەرلىك كەزدەسۋلەر مەن وزەكجاردى اڭگىمەلەردىڭ ىلگەرىلەۋىمىزگە جاڭا ءىز اشاتىنىنا ەش كۇمان جوق.
اندرەي رەشەتنەۆ,
«قازاقويل اقتوبە» جشس
باس ديرەكتورى.
اقتوبە وبلىسى.
