NOAA جانە NASA كەلتىرگەن دەرەكتەرگە سۇيەنسەك, 2018 جىل ەڭ جىلى جىلداردىڭ قاتارىن تورتەۋگە جەتكىزدى. «بىرنەشە جىلدان بەرى جاھاندىق جىلىنۋ جالعاسىپ كەلەدى, 2018 جىل دا سونداي جىلداردىڭ ءبىرى بولدى», - دەپ ءمالىم ەتتى NASA جانىنداعى گوددارد اتىنداعى عارىشتى زەرتتەۋ ينستيتۋتىنىڭ باسشىسى گەۆين شميدت.
«جاھاندىق جىلىنۋدىڭ اسەرى بايقالا باستادى. سۋ تاسقىندارى, كەي وڭىرلەردە كۇرت اپتاپ ىستىقتىڭ بولۋى, جاۋىن-شاشىن مولشەرىنىڭ ارتۋى, ەكوجۇيەلەردىڭ وزگەرۋى سوعان مەڭزەيدى», - دەدى ول.
ينستيتۋت باسشىسىنىڭ سوزىنە قاراعاندا, 1880 جىلدان بەرى جەر بەتىندەگى ورتاشا تەمپەراتۋرا تسەلسي بويىنشا ءبىر گرادۋسقا كوتەرىلگەن. بۇل ادامزات بەلسەندىلىگىنىڭ ارتۋىمەن تىكەلەي بايلانىستى.
